الجووووكر
09-12-2022 - 10:04 pm
مساء الخير
حبيت اعطي تجربتي في الفندق
( Hotel Cristal Champs Elysées )
الفندق رائع جدا ومن فئة الاربع نجوم حجزت فيه عن طريق موقع بوكينق
الموقع عند الشانزلزيه
تطلع من باب الفندق تناظر يمين تلاقي الشانزلزيه على طول اقل من دقيقه مشي
موقع قريب من محطة مترو جورج الخامس اللتي تتوسط الشانزلزيه
الفندق صراحه اعجبني فيه الوانه المتناسقه وكثرة الكرستالات
الوان اللوبي والغرف ومكان الافطار جميله جدا
مبدعين صراحه في الالوان شكلها غريب بس حلو يفتح النفس
حتى مكان الافطار ينفتح نفسك من جمال الالوان في المكان ونظافته
والفندق نظيف والعاملين فيه متعاونين جدا ويوجد من يشيل الشنط للغرف
كذلك السرير مريح ودوره المياه ممتازه ونظيفه والوانها حلوه
دوره المياه اجمل من بعض الغرف في بعض الفنادق
الفندق يوجد فيه تكييف
اعطيه عشره من عشره وروحتي الجايه باذن الله لباريس باسكن فيه
يكفي موقعه عند الشانزلزيه وتوافر جميع الخدمات جنبه والمعروف ان الشانزلزيه من افضل الاماكن اللي تسكن فيها في باريس
حبيت اعطي تجربتي يستفيدون منها المسافرين لباريس
الفندق عام 2009 -2011 كان تقييمه رائعه يصل الي 40 من بين فنادق باريس لكن في 2012 وصل الي 250 تقريبا من بين فنادق باريس ولكن الزين زين
شكرا لك لذكر تجربتك