بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook




هلا.د هلا.د
يومان في لبنان
17-12-2014 - 01:15 am

سلامي لجميع الأحبّة،


في الأسبوع الماضي ذهبت لبيروت لأحضر مؤتمر ArabNet والذي يعقد كلّ فترة لكي يناقش أهم ما يحصل في عالم الانترنت العربي. وبصراحة قابلت ناس رائعين مبدعين.



أخص بالذكر شركة مبتدئة من مصر اسمها نفهم.. Nafham هو خدمة تعليمية إلكترونية مبتكرة على الإنترنت تقدم شرح مبسط لمنهج التعليم المصري، ابتدائي، إعدادي، ثانوي.
حصلت على المركز الثالث في مسابقة عرض الشركات الناشئة في المؤتمر وعلى جائزة مرسي كوربس مصر كأكثر شركة ذات تأثير إيجابي على المجتمع.
صورة لفريق العمل الخاص بنفهم



نعود لتفاصيل التقرير:


الفترة: الخميس 20 مارس 2013 حتى 22 مارس 2013
الطيران: الملكية الأردنية
من عمان لبيروت


مبدأيا الرحلة أخذت ساعة ونصف بدل 45 دقيقة لأننا ما طرنا من فوق سوريا بل من فوق مصر، الله يهدي بالهم ويحميهم إخواننا السوريين.


آه صح، كانت أول مرّة بستعمل مطار الملكة عليا الجديد بعمّان وبصراحة مش بزيادة الوضع! لسّة محتاج شوية شغل.



ما علينا، طلعت الطيارة على ال6 صباحا وصلنا عال8 تقريبا.. في صديقة كانت معي استأجرت سيارة من المطار وكان مش بطّال أبدا السعر. بالمقارنة مع الدولارات اللي راحت عالتكاسي..


المهم يا جماعة.. كان محجوزلي بفندق روتانا الحازمية بمنطقة سن الفيل، حطّيت أغراضي فيه وقلت بدي أفطر منقوشة لبنانية دافية ومقرمشة عالصبح.. وكانت هذه السيدة اللطيفة بآخر الشارع وطعمتني بدون مبالغة منقوشة كتير زاكية!




ومع كاسة الشاي يا سلااااااام





انعجقت شوي لأنو البنك الأهلي بلبنان ما أخد الفيزا الأردنية بس الحمدالله بنك لبنان والمهجر زبطلي أموري


تمشيت بالشوارع ولقيت هالتماثيل الخشبية عباب محل خشب لقيتهم حلوين











رجعت الأوتيل ارتحت وقدمو هاللفتة اللطيفة من الفاكهة





أعجبني الضو الموديرن المايل





الإطلالة من الشبّاك على الطابق السابع





هلأ المؤتمر كان بفندق الحبتور هيلتون بصراحة الأكل كان فاخر واستفدنا كتير من المحاضرات والجلسات وورشات العمل الحمد لالله




المنظر من مدخل الفندق



إلى المدخل





تقريري خفيف كالعادة بتمنّى يكون أعجبكم.


سلامات





المشاركات

Usas Usas
يومان في لبنان



يعطيكي العافية اخت هلا على التقرير والصور الرائعة

تقبلي تحياتي


هلا.د هلا.د
يومان في لبنان


شكرا Usas على ردودك الطيبة دوما.. لي مرور على رحلاتك قريب.


هيبة ملك هيبة ملك
يومان في لبنان


يعطيك العافيه هلا.د تقرير بسيط ومهضوم ونطمع بالمزيد
منطقة سن الفيل وبعبدا بشكل من المناطق المفضله لدي وكمان فوق شوي للجمهور
وصحتين المناقيش شكلها بيشهي كتيير


هلا.د هلا.د
يومان في لبنان


ههه يعافي قلبك خيّي..
بتعرف لاحظت إنه في عدد مش قليل من المناطق ببيروت عبارة عن لغويا مضاف ومضاف إليه، مثال: ساقية الجنزير، سن الفيل، بسطا الفوقا، راس النبع، تلة الخياط.. كتبت منهم كتير


شيء ظريف عنجد

مشكور على مرورك وإنشاءالله لما أطلع رحلات أطول حتكون مواضيعي أثرى (عقد لحافك مد إجريك)


المشاركة الأصلية كتبت بواسطة هيبة ملك
يعطيك العافيه هلا.د تقرير بسيط ومهضوم ونطمع بالمزيد
منطقة سن الفيل وبعبدا بشكل من المناطق المفضله لدي وكمان فوق شوي للجمهور
وصحتين المناقيش شكلها بيشهي كتيير


nanaabuabed nanaabuabed
يومان في لبنان


الحمدلله عسلامتك هلا

ياسلام على بيروت وهوا بيروت وسيرة بيروت ومناقيش من على بكرة الصبح ببيروت


بما ان الرحلة عمل اكيد مارحتو اماكن كتيرة.. لكن مارحتوا الروشة .. ؟؟ اهم شي


تقرير خفيف لطيف.. تسلم الايادي ..


rim-leb rim-leb
يومان في لبنان


الف الحمد لله عالسلامة ونحنا نقول ليش لبنان كان منور بهالفترة ؟؟؟؟
ان شاء الله تكوني امضيتي هاليومين بخير وانبسطتي فيهم مع انو فترة كثير قليلة
ولازم المرة الجاية تتشجعي وتنزلي سياحة فترة اسبوع عالاقل
وريتو صحتين المنقوشة مشكله ههههه نصفها بزعتر والنص التاني بجبنة


هديل079 هديل079
يومان في لبنان


مشكورة على الموضوع الللطيف


هلا.د هلا.د
يومان في لبنان


مشكورين على الردود اللي زي العسل.. كلكم لطف إنه تشوفو أن جيتي كانت منورة بيروت، لأنه وأنا بطريقي عالمطار حكالي التكسي إنه رئيس الوزراء استقال هههه
الروشة 100% على لائحة الزيارات اللي بدي أعملها... يا رب كتّر السفراااات.
كلكم زوق يا صبايا


om hamza om hamza
يومان في لبنان


شكرا على الموضوع :-) تقرير خفيف و لطيف :-)

أرغب بمعرفة شروط حضور المؤتمر و هل يعقد كل عام بنفس التاريخ و المكان ؟



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

يومان في لبنان