الله يحييك يالغالي
بالنسبة لمجموعة محلات جنب بعض ما أذكر اني شفتها. .. ممكن تكون موجودة لكن انا ماشفت. . فيه طال عمرك محلات متفرقة في الدمام عندك على شارع الملك سعود محل طيور الجنة وقريب منه على شارع الملك عبدالعزيز محل ثاني.
وعندك طال عمرك في هايبر بنده فرع الراكة فيه محل..
سبق واشتريت لبنتي ارنوب ابيض لكن للاسف مات. . مع اني كنت مدلعة آخر دلع ووديته للدكتور الييطري واعطاني علاج لكن مات بعد اسبوع واحد من شراءه. .
ورحنا انا وبنتي وحطيناه في كيس وحطينا حواليه ورود وكتبنا له رسالة حب ولفيناه ورحنا دفناه بمكان حلو بالكورنيش. .
ههه

جزاك الله خير وبيض وجهك
ماقصرت يالغالي
والارنب الي مات يمكن انت مشتريه وهو فبداية مرضه وزاد عليه لين مات ..

اي خدمة يالغالي حنا حاضرين ... ابد لايردك شيء

صباح الخير
أخوي الغالي بدلك على أكبر محل بالدمام متخصص حيوانات واسماك ، ميزته
يستورد طيور من هولندا وخاصة الكناري وجميع اغراضه بسعر الجملة وشوفة عيني صاحب محل بالخبر جاي يشتري منه، ومتوفر عنده اغلبية الاشياء وقارن بالسعر وشوف بنفسك.وأهل البحرين حبايبنا متواجدين عنده دائما
لا امدح المحل ولا اذمه ولك حرية الشراء
المحل كان بشارع الملك سعود اسمه (( العباد )) وانتقل الى محل اكبر.
الوصف
وانت جاي من شارع الامير نايف ومتجه الى الكورنيش وطابا قبل في على يدك اليمين الهرم لبيع الملابس معروف
طبعا يكون الهرم على يمينك وانت على الاشارة تلف يسار من الاشارة (بيصير كبري الامير نايف فوق ) وكانك متجه للصناعية بعد الاشارة مسافة 30 متر تقريبا على يدك اليمين بزاوية تحصل المحل
بالقرب من الكلثم لبيع فرش النوم
اتمنى يكون الوصف سهل واي خدمة حاضر، وربي يوفقك أن شاء الله