هذا الموضوع يهم اهل الشرقيه والموظفين بشكل عام
مركز التاشيرات المشترك في الخبر يقدم لك على الشنقن في 3 سفارات ( المانيا- النمسا-اسبانيا)
هنا بتكلم عن الالمانيه
وكيف قدمت للشنقن السياحية وكم اخذوا مني رسوم
اول شي قبل لا تروح لهم في عمارة الخليج كورنيش الخبر الدور الرابع ... ادخل على الموقع الالكتروني
http://de.vfsglobal.sa.com
لابد من اخذ موعد لكل جواز من الموقع الالكتروني وطباعته
ولا رح يقبلون يخدمونك الا اذا وريتهم ورقه الموعد
والمواعيد حسب الزحمه اما تحصل بعد يومين او اسبوع
وتأكد من تجهيز كل الطلبات لكل جواز سفر للكبار والصغار والرضع
الاستمارات كلها في الموقع من استمارة الطلب
وتعهدات رقم 54 و 55
وتعهد التأمين
املاها ووقع عليها كلها
الاوراق المطلوبه ( موظف بشركة ارامكو)
اولا الاستمارات الاربعه اعلاه موقعه
تعريف بالراتب وتاريخ التوظيف -من اتش ار اونلاين
خطاب التامين الطبي - من اتش ار اونلاين
حجوزات الفنادق او الشقق (حجزتها كلها في المانيا من بوكينق وكلها فري كنسليشن)
صورتين حسب المواصفات المعروفه ( اغلب المصورين يعرفونها)
كل طلب للشنقن لابد معه كل ذي الاوراق
يعني جهز نسخه من كل ورقه لكل جواز سفر
الاوراق غير المطلوبه
ما اخذ مني حجز الطيران
ما اخذ مني صورة بطاقة الائتمانيه
ما اخذ مني كشف حساب
في يوم الموعد
افراد العائلة اللي اكبر من 12 سنه لازم حضورهم الشخصي لمكتب التاشيرات المشترك في عمارة الخليج الدور الرابع
وتجيب مع الاوراق والصور والجوازات مبلغ كاش كالتالي
الكبار 510 ريال للجواز
الصغار 400 ريال للجواز
الرضع 200 ريال للجواز
ولا يقبلون الا الكاش
تدخل للاستقبال تعطيهم اوراق المواعيد ويعطونك رقم انتظار
كل جواز لازم تسوي له موعد هذا نظامهم
لكن اذا المواعيد طلعت متباعده لاتهتم بياخذون اوراقكم كلها مره وحده
يوجد اخذ بصمة للكبار ولايوجد كشف للوجه بالنسبه للنساء
وبعد البصمة وقبل لا تترك المكتب يعطيك فاتورة تدفع قيمتها
شخصيا دفعت مبلغ كبير جدا ماتوقعته
0ريال ل2 كبار و2 صغار وطفل 6 شهور
الغريب ان الموقع يقول 300 للفيزا للكبار و170 للصغار و135 رسوم خدمه لكل جواز
يعني المفروض ماتوصل ل2000 ريال ولكن اش نسوي ؟ نسافر للرياض؟! بلعناها ودفعنا
الحين ننتظر 10 ايام حسب كلام الموظف
ووصلني رسائل على الجوال بعد 3 ساعات ان الجوازات الخمسه طلعت من عندهم الى السفارة الالمانيه
والله يكتب اللي فيه الخير
دعواتكم