وعليكم السلام ورحمة الله
عندي لك اقتراح افضل ايش رايك تختار الفنادق وتحطها هنا ونعطيك معلومات عنها
بالنسبة للسيارة احجزها من مواقع الانترنت من الان بالسعر والتامين اللي تبغاه
ولو حبيت ممكن اساعدك باسعار حلوة للسيارات او الفنادق
تحياتي
خبير الزولو

اهلا بك
معلومة .. في شهر 6 يكون الجو بارد
على اي طيران يالغالي ؟
مدينة الوصول ؟
مدينة المغادرة ؟
وابشر راح نساعدك خطوة بخطوة
السيارة امرها بسيط

مرحبا يااخوان الله يجزاكم خير
سفرتي بتاريخ 2013/6/13 المغادرة والوصول بنفس اليوم الساعه 4 العصر في جوهانسبيرغ
والمغادرة من جوهانسبيرغ بتاريخ 2013/6/28 الصباح الساعة 10 يعني الرحلة 16 يوم طبعا 16 يوم مع يوم المغادرة
انا تخطيطي
يوم جوهانسبيرغ يوم الوصول
4 ايام كيب تاون
3 ايام القاردون او ازيدها يوم
6 ايام كيب تاون
يوم في جوهانسبيرغ مع يوم المغادرة
طيران الاتحاد طبعا التذاكر قصيتها مافية مجال لتعديل
انا الاغلب نصحوني بالكيب تاون والقاردن روت علشلن كذا تم التخطيط
مانستغني عن نصائحكم طبعا اذا فيه تعديل * من الموبايل

وجهت نظري ..
3- 16 صن ستي
6- 23 كيب تاون
3- 27 القاردن روت
7- 28 مطار جوهانسبيرج
برنامج شامل

هلا اخوي فوكس يعطيك الف عافيه على التواصل السريع الله يجزاك خير يارب
الصن السيتي يالغالي ما مدحوها الناس ابد وقرات انها غالبا تصلح للاطفال وانا مع زوجتي فقط يعني شخصين بس بعدين الشي الثاني انا من النوع احب الهيصه والعالم فما ادري عن الصن سيتي
والنقطه الثانية
كيف طريقة انتقالي من جوهانسبيرغ الى كيب تاون اللي اعرفه انه طيران يعني لازم اذا بغيت ارجع لجوهانسبيرغ لازم اكون في الكيب تاون واكثر الناس في المنتدى او خارجه مدحو الكيب تاون بشكل خاص جدا
فما ادري بصراحه
سالفة اني اروح للكيب تاون مباشرة ممتازه لكن الواحد اذا وصل لجوهانسبيرغ يكون مرهق يبي يركب طيارة ثانية للكيب تاون احس انها متعبه شوي ولا وش رايك يعني مو الافضل اريح يوم واسافر من بكره للكيب تاون
سؤال
متى بالعادة مواعيد رحلات الطيران من جوهانسبيرغ الى كيب تاون علشان اعرف انسق اذا كانت على طول ممكن ما نجلس على طول نطلع الكيب تاون علشان ما يروح علي اليوم الثاني اما اذا كانت متباعده فهذي مشكله
بصراحه عجبتني فكرة اني اروح مباشرة للكيب تاون مباشره لكن لازم اعرف مواعيد الطيران وهل اقدر احجز الان عن طريق النت علشان ارتاح
عطني رايك تكفى واعذرني على كثر الاسئلة ما لي الا الله ثم انتم

اهلاُ اخي
وجهت نظري الجاردن روت تستحق اكثر 4 ايام خاصة محبي الطبيعه
الصن ستي حقيقه تستحق الزياره
اليك بعض الفنادق التي جربتها انا
كيب تاون
Harbouredge Apartments
La Savina - The Island Club
جاردن روت
Mes Amis Guest House
Knysna Stays
http://click.mail.hotels.com/?qs=ab7afec70d192da23ea068b674da3c71a426fa95547640c39f6adb85abda77ac403a97df22fec5f2ee87b5db6cc851ef
ولحجز الفنادق والسيارات انصحك بالموقع الرائع find hotel

بالعكس اخوي الغالي .. نحن بالخدمة دائماً
وهي وجهات نظر .. وتختلف من شخص الى اخر
انا وجهت نظري كما ذكرت لك سابقاً
والصن ستي مدينة جميلة
وهي تبعد عن جوهانسبيرج حوالي ساعة و 45 دقيقة
مكان رائع للاسترخاء بعد عناء السفر
طريقة التنقل من جوهانسبيرج الى كيب تاون بالطائرة
وهناك عدة شركات طيران والرحلات كل ساعة
لكن يلزمك الحجز المبكر لضمان السعر الاقل

يعطيك العافية اخوي mksf1981
الله يجزاك خير اخوي فوكس
طيب اخوي فوكس كيف اذهب لصن سيتي عن طريق السيارة صح لاني سمعت ان المواصلات غالية وانا مخطط استاجر من الكيب تاون واخاف نقلنا للصن سيتي يكون غالي علي من جوهانسبيرغ ذهاب وعودة يكون مكلف وهل يوجد مطار في الصن سيتي علشان الكيب تاون
كيف انتقل من جوهانسبيرغ للصن سيتي ؟؟؟
علشان ارتب جدولي خلاص لاني تاخرت مرة
باقي حجز فنادق وطيارة الكيب تاون وحجز السيارة كل هالاشياء ماسويت فيها شي ودي اخلص وارتاح
اذا كان المواصلات ممتازة للصن سيتي عطني جدول للرحله بداية بالسكن اول يوم او يومين في الصن سيتي واخر يوم او يومين اذا كانت تستاهل في جوهانسبيرغ للمغادرة من الموبايل

اهلا بك اخوي
انت حدد الجدول اللي يناسبك وانا اساعدك في ترتيبه
وجهت نظري البسيطة ..
توصل جوهانسبيرج تتجه لشركات التأجير اللي تكون انت حاجز مسبقاً عندهم
وتأخذ سيارتك وتتجه للصن ستي وعند الانتهاء ترجع تسلم السيارة بالمطار وتسافر بالطيران الى كيب تاون
ونفس الطريقة تأخذ سيارة من مطار كيب تاون وتسبمها في مطار جورج بالقاردن روت
طبعاً تبقى السيارة معاك في الكيب تاون وتسافر فيها للقاردن روت
وتسلمها في مطار جورج وتسافر الى جوهانسبيرج
يوم وترجع للوطن

يعطيك العافية اخوي فوكس ادري والله اني تعبتك معي بس معليش تحملني تكفى اخوك ما يدري وش الطبخه
خلاص انا قررت اكنسل الصن سيتي
يعني رحلتي تبي تكون في الكيب تاون والقاردن روت واخر يوم في جوهانسبيرغ
بس ترتيب الايام انا اقول
تكون كالتالي
الوصول يوم 13
الكيب تاون 5 ايام 13/14/15/16/17
القاردن روت 4 ايام 18/19/20/21
5 ايام الكيب تاون 22/23/24/25/26
يوم واحد جوهانسبيرغ يوم 27
ورحلتي من بكره يوم 28 يعني لاتحسبه الساعه 10 صباحا
وش رايك علشان ابدا في الفنادق ؟
كم المسافه بين القادرن روت الكيب تاون وكيب تاخذ من وقت علشان احسبه ؟؟؟

حياك اخوي ..
بالنسبة للمسافة من كيب تاون الى القاردن روت 4 ساعات تقريباً
بالنسبة للتقسيم كما تحب يالغالي
موفق,,

هلا اخوي اخوي فوكس
اوف 4ساعات والله كثير يعني لو اروح لها وارجع يبي يروح علي يومين كثير يالغالي والله
هل يوجد مطار في القاردن روت وياليت تعطيني اسمه الله يخليك علشان اول اما اوصل لجوهانسبيرغ احجز على القاردن روت واحجز السيارة ايضا من القاردن روت واسلمها في مطارالكيب تاون
ويكون الجدول
4 ايام القاردن روت
0ايام الكيب تاون اليوم الاول راح يكون سفر من القاردن روت الى الكيب تاون ((( كيف الطريق من القادرن روت الى الكيب تاون ان شاء الله يكون ممتاز وطرق امنه ؟؟؟؟ )))
يوم واحد جوهانسبيرغ
ابي رايك في الجدول انا عدلت بناء على المسافه بين الكيب تاون والقاردن روت والله مسافه كثيرة
اسف على ازعاجك وتحملني معليش ادري اني كثير اسئلة لكن وش اسوي كل شوي يطلع لي شي واحاول اخذ الجدول المناسب والاوفر
الله يجزاك خير
انتظر ردك واذا كان عندك اقتراح لا تبخل علي تكفى لان فيه وقت اعدل الجدول لاني انتطر اصدار بطاقة الفيزا علشان ابدا بالحجز

حياك يالغالي
وانا في خدمتك

• _

المسافة ليست بعيدة كما تراها
المسافة معقولة جداً وممتعه للغاية
الطريق امن ومافي مشاكل ابداً
التقسيم الذي اراه :
جورج او كيب تاون في البداية ما تفرق ابداً
لنفرض انها كيب تاون :
9 ايام كيب تاون
5 ايام في القاردن روت
اكتب لك وان ودي انك تزور الصن ستي و جوهانسبيرج
لكنك رافض الفكرة ..
مطار القاردن روت اسمه مطار جورج George
ولازم تحجز الطيران والسيارة مسبقاً
واي خدمة انا حاضر يالغالي

ابشر من عيوني ..
القاردن روت .. انا شخصياً افضل السكن في ويلدرنس
لانها تقع تقريباً في المنتصف بين جورج ونايزيا
الفنادق المقترح :
https://www.booking.com/hotel/za/xanadu-guest-villa.ar.html?aid=1300939
https://www.booking.com/hotel/za/mes-amis-guest-house.ar.html?aid=1300939
في كيب تاون الخيارات كثيرة
https://www.booking.com/hotel/za/premier-cape-manor.ar.html?aid=1300939
https://www.booking.com/hotel/za/lagoon-beach.ar.html?aid=1300939
بالنسبة لكيب تاون كما ذكرت لك الخيارات كثيرة
لكن اخترت لك خيارين اذا ما عجبك نشوف غيرهم
وهي فنادق مجربة ومقبولة
الاول في السي بوينت منطقة جميلة تبعد اقل من 7 دقائق بالسيارة عن الواترفرنت
والفندق يقع مطل على البحر (اطلاله جزئية) يفصل بينهم شارع
الثاني جيد وموقع على الشاطي ولا يبعد عن الواتر فرنت الا دقائق
بالنسبة للسيارة احجز من موقع ترافل جغيسو مجرب وامان
يعطيك كيلو متر مفتوح وتأمين شامل والغاء مجاني حتى قبل استلام السيارة بيومين
هذا رابطهم تأجير سيارات المملكة العربية السعودية بأسعار مخفضة مع ترافل جيغسو http://www.traveljigsaw.ae/Home.do?country=%D8%A7%D9%84%D9%85%D9%85%D9%84%D9%83%D8%A9+%D8%A7%D9%84%D8%B9%D8%B1%D8%A8%D9%8A%D8%A9+%D8%A7%D9%84%D8%B3%D8%B9%D9%88%D8%AF%D9%8A%D8%A9
اي خدمة انا حاضر ومستعد

ما شاء الله تبارك الله
الله يوفقك يالغالي
وبإذن الله
راح تكون رحلة ما تنساها ويمكن تعيدها بعد
مشرفنا الغالي ابوريتال
رايته بيضاء ما قصر كفى ووفى
أنا مداخلتي
أولاً للطريق بين القاردن رووت و كيب تاون
تقريباً 550 كم
والطريق حلو وأغلبه مسار واحد
والمحطات والديار عليه موجودة
( شف تقريري آخر حلقة مصور الطريق المقصود )
وبإذن الله اليوم أنزل حلقة وفيها تكملة الطريق
وأحكم بنفسك
أنا شخصياً ريحت يوم بينهم
وأنت شف وضعك وإذا مشيت بدري تاصل بدري عادي جداً
وبالنسبة لبرنامجك حلو بس ودي تزود لو يوم للقاردن رووت
تراها حلوه والمزارات فيها كثيرة ومتباعدة نوعاً ما
أما كيب تاون تقدر تزور أكثر من مزار بيوم واحد والمسافات مو بعيدة
وجوهانسبرغ ترا حلوه وخاصة إذا أنتم من محبي التسوق بآخر الرحلة
فيها مولات كبيرة وخاصة اللي عند ساحة مناديلا وبنفس الوقت عندها فنادق
بس بعيدة شوي عن المطار...
والله يسهل أمركم
ويستر عليكم ذهاباً وإياباً

الله يسلمك اخوي محيرهم عز الله ان فوكس ماقصر معي الله يجزاه خير ويرزقه يارب
اخوي فوكس ابشرك حجزت في القاردن روت الفندق الاول من اللي رشحتهم
اما الكيب تاون ماحجزت لاني لاحظت انك تميل للاول اكثر من الثاني اما انا فارشح الثاني لانه على شاطئ فاحترت خفت احجز في اللي انا ارغب ويكون فيه مشاكل
لانك مارشحته بقوة فقلت اخذ رايك يالغالي قبل احجز
الشي الاخر مارشحت لي فندق الجوهانسبيرغ وهو اهم شي لانه يقولون الامان فيها مش ولا بد اتمنى تعطيني الفنادق اللي مناطقه امنه يالغالي
اشكرك ثم اشكرك وتعجز الكلمات عن شكرك ياغالي لعدة اسباب واهمها
تحملك لشخصي وكثرت اسألتي
البساطه في تعاملك
سرعة الردود
ابداء النصح
و و و و وغيرها الكثير
الله يعطيك ماتتمنى يارب ويرزقك من حيث لاتحتسب * من الموبايل

اهلاً بك مجدداً
هذا واجبي .. يالغالي
ممتاز انك حجزت الفندق الاول في القاردن روت وهو مناسب وجميل جداً
بس وش نوع الجناح اللي حجزته ؟
بالنسبة للكيب تاون الفندق الثاني جميل جداً وعلى الشاطئ
اهم شي تأخذ غرفة مطله عالبحر ..
في جوهانسبيرج اذا يوم خله في المطار
مالك الا هذا الفندق حلو ورخيص
https://www.booking.com/hotel/za/premier-o-r-tambo.ar.html?aid=1300939

الجناح اسمه جناح Dolphin. تبي الصدق حجزت وبس لانه كان اخر فرصه لي وحجزته وبس الله ان شاء الله يكون حلو
بالنسبه للفندق اللي في كيب تاون كيف اعرف ان الغرفه مطله على البحر ؟؟؟؟؟؟
اما جوهانسبيرغ فشكلي بحجز فيه

الدولفين جيد ومناسب
انا كان حجزي على دولفين وسوا لي اب قريد (ترفيع) الى جناح رئاسي
وكان روعة ..
بالنسبة لحجز الغرفة المطله عالبحر راح تلقى ضمن الخيارات في الفندق لوقن بيتش
غرفة مطلة عالبحر

اهلا بك اخوي ..
1/ نعم السعر اللي طلع لك هو المبلغ اللي راح تدفعه ..
2/ الافضل والاسلم لك يالغالي .. تحجز ببطاقتك الشخصية
اذا ماعندك بطاقة لازم تنقز للراجحي وتطلع بطاقة ائتمانية مسبقة الدفع (تسوق)
سعرها 100 ريال وهي بطاقة حلوه وامنه مافيها فلوس انت تودع فيها المبلغ اللي تحتاجه
والبطاقة اساساً ضرورية جداً وبدونها لن تستطيع استاجر سيارة ...