مرحباً بك عزيزي
و الحمد لله على السلامة
الصور جميلة جداً رغم تصغيرها
بداية موفقة لتقرير أتوقعه جميل جداً
حاجز درجة أولى لمتابعة التقرير

روعة صورة الثلج ماشاء الله
نبي تفاصيل اكثر وصور زيادة
يعطيك العافية

الف شكر ليك اخى ( اخر فرصه ) ولك اختى ( ياسمينه ستى ) واتمنى ان التقرير ينال اعجابكم ان شاء الله

1. الجزء الأول


2. ( الوصول و جنان برلين )


3. حدائق برلين


4. الحديقه ليلا....يضاء فيها اجزاء معينه

الجزء الأول

( الوصول و جنان برلين )

كانت الانطلاقه الساعه العاشره صباحا من مطار القاهرة على الدرجه السياحيه رحله مباشره الى مطار شونفيلد ببرلين مدة الرحلة تزيد قليلا عن الاربع ساعات وكانت تكلفه الطيران فى حدود 2800 جنيه مصرى ذهاب وعوده واعتقد ان السعر جيد لان انا عملت الحجز قبلها يمكن اكتر من شهر..وطبعا احنا زى ما بنقول ( زمار الحى لا يطرب ) فكنت افكر اكثير فى الحجز على لوفتهانزا ( الطيران الالمانى ) اعتقادا انه افضل ولكن الصراحه وجدت الخدمه على اعلى مستوى فى مصر للطيران بالاضافه الى ميزه اخرى وهى الوزن 46 كيلو على مصر للطيران مقابل 23 كيلو فقط بالنسبه للدرجه للسياحيه على لوفتهانزا كما انا تذكره مصر للطيران قابله للاسترداد و التبديل عكس لوفتهانزا..فتوكلت على الله واحجزت على مصر للطيران وكانت رحله جميله ذهابا وعوده الحمد لله..وهذه بعض صور من الرحله
بوابه الاقلاع

دخول الطائرة

الطائرة بمطار القاهره قبل الاقلاع

اثناء الطيران

جزيرة بالبحر المتوسط بس شكلها حلو من فوق اوى

الهبوط بمطار برلين والثلوج تملأ المكان وكان منظر الهبوط وكانك نازل على سجاده بيضاء وقد اكتست برلين بالكامل باللون الابيض لان ببساطه درجه الحراره وقتها كانت -10..فرق طقس رهيب بين القاهره وبرلين

ولكن للامانه فان مطار برلين صغير جدا ولا يحتوى على اى خدمات يادوب تختم الباسبور وتلاقى ظابط يقلك معاك حاجه ( ومسألنيش اساسا ) وتلاقى نفسك فى الشارع...حتى الالمان كانو دائما ما يقولون لى ان المطارات بتاعة برلين دى لاتليق بوضع المانيا ولا برلين خصوصا انها العاصمه ويوجد بالمانيا مطارات افضل مثل مطار فرانكفورت وهم دائما يطالبون بعمل مطار عالمى ببرلين وانهم فى الطريق لعمل ذلك.

حدائق برلين

حبيت انى ابدا التقرير بالحدائق ببرلين لانها من اجمل ما رأيت هناك..فنحن فى اوطاننا نعانى من قله المساحات الخضراء داخل المدن..ففى مصر لايوجد مساحات خضراء داخل المدن الا نادرا والزراعه بالكامل خارج المدن بل العكس فان البناء هو الذى ياكل من الارض الزراعيه وفى الخليج البيئه صحراويه لذلك لفت نظرى بشده تلك المساحات الخضراء الشاسعه والبحيرات والتى توجد بقلب البلد لا بالاطراف...فكل تجمعى سكنى كبير تلاقى فيه لازم حديقه كبيره بها الاشجار والماء والملاعب والكل يتنزه ويتريض حتى فى درجات البروده الشديده اللى كانت هناك فى الوقت ده..وفى قلب البلد يوجد ما يسمى بال Tier Garten وهى على مساحه 23 كيلو...نعم 23 كيلو تنزه بوسط البلد..ودى بعض صور للتير جارتن

صور الصيد دى حقيقيه لان المكان ده فى يوم من الايام كان احد الامراء او الملوك اللى عاشوا فى المكان ده زمان بيصطاد فى المكان ده الثيران وكان معاه كلاب الصيد بتاعته دايما ودى تماثيل اتعملت عشان تأرخ الفتره دى..ده اللى كان مكتوب تحت التماثيل باللغه الالمانيه

وهذه بحيره بس متجمده من البرد لكم ان تتخيلو فى الصيف تبقى عامله ازاى والمياه صافيه والاشجار فوقها مثمره ومورقه

وده تنبيه انه ممنوع الدخول على البحيرات المتجمده لانها خطر ممكن تنهار وكده ولو حتى حصل ده حاطين العوامه عشان تلحق تنقذه

والصوره دى بتبين العربيات وهى ماشيه فى الشارع لان زى ما بقول ليكم كده الاماكن دى فى وسط البلد..وده بالنسبالى جمال اخريضاف الى جمال الطبيعه

ده بقه بيسموه حاجه زى صولجان النصر وده موجود بوسط الحديقه وهو فى نفس الوقت ميدان رئيسى بالمدينه

ودى خريطه للحديقه تبين حجمها العملاق وتلاحظ وجود تمثال النصر وسط الحديقه ولك ان تتخيل حجمها فانا قضيت قرابه الثلاث ساعات من التجول ولم ارى الا قطاع واحد من الحديقه

محل لشرب الشاى وسط الثلوج بالحديقه

الحديقه ليلا....يضاء فيها اجزاء معينه

وهذه لوحه تذكاريه بالمتنزه تحكى قصه طويله لرجل ظالم قتل فى هذا المكان على يد من كان يقتلهم رميا بالرصاص وكتبت حكمه بالالمانيه بالاخر مفادها ان الظلم والكبت يؤدى الى ظهور الصفات اللا انسانيه والوحشيه بالانسان والتى ادت الى هذا القتل.

مسائكم معطر...ومازالت للحدائق بقيه

1. Rathaus Schoeneberg


2. Biesdorf

Rathaus Schoeneberg

الكلمه دى تعنى مجلس مدينه ( بلدية ) هذا الجزء من المدينه اللى اسمه شونا برج وكان بجواره حديقه وهذه الحديقه او المتنزه هو اللى كانت جمب الشقه بتاعتى وتعتبر حديقه صغيره مقارنه بباقى حدائق برلين...الناس كانت تيجى عشان تتمشى او تتريض وفى اللى ييجى عشان يلعب مع اولاده سواء كرة قدم او العاب اطفال..وفيه اللى بيبقى عاطل فتلاقيه جايب معاه صندوق بيره والكلب بتاعه وقاعد يشرب ويلاعب الكلب بتاعه بالساعات...بس الصور دى بشهر مارس كانت الثلوج بدأت تذوب شويه والجو يصحو...انما لمدة اربعه اياه فقط ورجعت الثلوج والحراره المنخفضه جدا للاسف مره اخرى...ودى صور للحديقه

وجود مثل هذه المتنزهات وسط المناطق السكنيه اكيد سبب من اسباب هدوء الناس هناك والراحه النفسيه للبنى ادم...ادعو الله اننا نلاقى فى اوطاننا يوما من الايام اهتمام بالمناطق المفتوحه والحدائق وسط الاحياء السكنيه...امين

Biesdorf

حى صغير بشرق برلين وهو اقرب للقريه منه الى المدينه ولكن ايضا به الطبيعه والتاريخ...فاى مكان تذهب اليه تلاحظ الطبيعه والبيوت القديمه او القصور...وهناك وجدت قصرا لواحد اسمه سيمنز...لا ادرى هل هو بتاع شركه سيمنز فعلا وده كان سكن قديم له ولا تشابه اسماء فقط...وداخل القصر متحف لبعض اللوح الفنيه وصاله لتعليم البنات الصغيره الرقص...اكيد مش الشرقى طبعا...الباليه والرقصات الكلاسيكيه الغربيه واللاتينيه...وهذى الصور

نهاية الجزء الاول....والى اللقاء فى الجزء الثانى ( القصور والمزارات )

شكرا على الصور وبانتظار بقية التقرير

Usas
عفوا اخى الكريم...وبقيه التقرير فى الطريق ان شاء الله

1. الجزء الثانى


2. ( القصور والمزارات )


3. Potsdam


4. Sanssouci Schloss

الجزء الثانى

( القصور والمزارات )

برلين مدينة غنية بالقصور فهى تحوى قرابه ال18 قصر ما بين الكبير والصغير ولم أستطع دخولهم او زيارتهم جميعا ولكن اهم القصور على الاطلاق هو قصر charlottenburg شارلوتن بورج وهو يقع الان بوسط برين ولكنهم تركوه كما هو بحديقته الفسيحه وبحيرته وتماثيله وهو لوحه فنيه طبيعيه جميله وهذه هى اهم صوره ولكنها كانت بكاميرا الموبايل للاسف ففقدت الكثير من جمالها
Charlottenburg Schloss

الحديقة والبحيرة المتجمده ولكم ان تتخيلوها فى الصيف

وهذا قصر صغير او بيت صغير بالحديقه اعتقد انه كان مقر ادارى او حانه خاصه بصاحب القصر

وكما قلت فان القصر اصبح داخل برلين وهذه صور من حديقه القصر توضح الاحياء المجاورة وتوجد مركب سياحى كرستوران فى الماء المجاور للقصر

انصح كل من يذهب الى برلين بزيارة هذا القصر الجميل وخصوصا انه قريب من اغلب الاماكن ببرلين

Potsdam

Sanssouci Schloss

منطقة البوتس دام تقع خارج برلين وهى جغرافيا تقع ضمن ولاية اخرى غير برلين ولكن نظرا لاهميتها السياحيه فانه يمكن الوصول لها بالمترو الداخلى العادى ( S Bahn ) من برلين الى هناك...هى منطقه بعيده نسبيا ولكنها جميله جدا وتستحق الزيارة...تحوى المنطقه خمسة قصور على ما اتذكر ولكن اهم على الاطلاق قصر سانسوسى وهو على شكل مدرجات تكتسى بالخضار فى الربيع والصيف ولكن وقت ما انا زرتها كانت مكسيه فقط بالثلوج فكانت لها رونق اخر ولكن لا اظن انه بجمال الربيع والصيف...واليكم الصور والتى كانت وقت الغروب

وهذه قصور اخرى بالمنطقه لا اتذكر الاسماء جيدا ولكن اعتقد انها neu Palast او القصر الجديد وللاسف لم اتمكن من زيارة باقى الاماكن نظرا لدخول الليل...واليكم الصور

وهذه صور متنوعه من منطقة البوتس دام...

وهذه الصوره لبيوت اعتقد انها بيوت فقراء ولكنها فى منتهى الروعه والهدوء وسط الثلوج بعيدا عن الصخب وجو المدن...بيوت وسط الثلوج والغابات

وياترى ده ايه..بيت ولا محل لعب اطفال....لا هذا ولا ذاك...ده بنك ولكن عندهم كل شئ ممكن يتم بمنتهى البساطه واللمسه الجماليه طالما ان المكان يؤدى الوظيفه فما المانع

انما ده بقه مش بنك.... ده بيت عادى وسط الغابات المنتشره هناك...انما طبعا تغنى الصوره عن وصف البساطه والجمال

وهذه صوره لمحل من محلات الدى المنتشره بالمانيا كلها وانصح الجميع ان يشترى حاجاته اليوميه والماكولات من احدى هذه المحلات الثلاث..ايهم اقرب لك..لان الثلاثه افضل من بعض
Aldi....الدى
Netto....نيتو
Lidl...ليدل

وهذه صوره للغابات الكثيره المنتشره هناك بالمنطقه

انا انصح الجميع بزيارة هذه المنطقه الجميله
ومازال للجزء الثانى بقية

بقية الجزء الثانى
Brandenburger tor
رمز برلين واهم مزار سياحى ببرلين ( رغم كونها مجرد بوابه عتيقه لا تقارن من وجهة نظرى بباقى اثار برلين ) الا انها الاشهر هناك ويتوافد عليها كل السياح والجنسيات ويوجد عربات صغيره ( مثل الدراجه )لاخذ السياح فى جوله حول البوابه ولا يوجد ما يمكن عمله هناك سوى التصوير وشرب القهوه امام البوابه

أعمال صيانه

يومها كان موجود معرض لشكره مرسيدس ولكن للاسف الدخول فقط بالدعوات من قبل المصممين والمنظمين فلم اتمكن من الدخول

تمثال شمعى امام احدى الكافيهات بمحيط البوابه

البوابه ليلا

كما يوجد ايضا هناك محلات لبيع الهدايا والسوفونير اغلبها مجسمات للبوابه او اطباق او اكواب عليها صور للبوابه لانهم يعتبرون البوابه رمزا للمدينه حتى بالمترو صوره للبوابه توجد على زجاج كل عربه بالمترو
محطة المترو الخاصه بالبوابه...حاجه خمس نجوم بصراحه...بس للامانه هما عاملين اهتمام بزياده للمحطه دى عشان السياح وكده انما اغلب محطات المترو هناك عاديه جدا انما فعلا ما يميز جميع محطات المترو الانضباط الشديد فى المواعيد والنظام فى الركوب والنزول من القطار

مازال للحديث بقية