السلام عليكم
كيف حالكم عساكم بخير
طبعا حبيت اشاركم ببعض صور فندق امايا هيلز الي بكاندي , سريلانكا
كنت رايح سنغافورة على الطيران السريلانكي وكان الترانزيت حقي ساعتين تقريبا بس انا طلبت انه يكون يوم ونص
تعرفوني محب لسريلانكا وما اطوف اي فرصه اني اتمشى فيها
وهالمره كان اختياري لكاندي بالتحديد فندق امايا هيلز الي اول مره انزل فيه مع اني كثير اسمع عنه بالمنتدى
صور الفندق :
بوابه الفندق
الرسبشن
حوض السباحه
منظر جميل حيث ان الفندق يقع في قمه الجبل
الغرفه
الحمام كرمكم الله
طبعا تيشيرت منتخب سريلانكا للكريكت كنت لابسه وانا جاي بالمطار
مميزات الفندق : فندق مريح ومافي ازعاج والجو فوق الجبل بارد
سلبيات الفندق : سلبيه وحيده وهي الطريق الوعر والضيق الي يصعد فيه الباص للفندق
وهذا الشيء انا ما احبه لاني احب الفندق بكاندي يكون قريب من وسط المدينه بحيث اني اروح للاماكن الي ابيها مشي
اتمنى ان هالتقرير البسيط عن فندق امايا هيلز يكون عجبكم وحاز على رضاكم
فنحن منكم واليكم والله يقدرنا اننا ما نبخل باي معلومه ولو بسيطه بمكانها تفيد اي احد من المسافرين
الى لقاء قريب بإذن الله
محبكم
ماشاء الله منظر الإطلاله روعه يازين الطبيعه
و الفندق شكله حلو و نظيف
تقرير رائع و صور جميله
يعطيك العافيه ماقصرت