هلا بومحمد ..
زين تسوي ياخوي ..
ترى اليورو مقطع السياح خصوصا الخليجيين ..
يبيلك جلسه اعطيك عن الفنادق هناك .. ( لأني ارد الان وانا في المكتب ) ..
بس لاتحاتي كل امورك سهالات ان شاء الله ..
واعطيك ( ضمان ) الوكالة انكم بتستانسون من قلب !
وجدولك حلو بس شوي متعب ههه ..
انصحك تزيد عدد الايام شوي وتريح بالك لأن ( الشطه ) بتعبك وايد الشطه يعني ( المراكض ) والمراكض يعني كثرة الرحلات والطلعات ههه ..
زيد عدد الليالي وخلك على جدولك وايد حلو وممتع بس يبيله ايام راحات عشان ماتتعب والتعب راح يزيد مع وجود الحر هناك و الرطوبه ..
بومحمد شفت الفيلم المصري ( حراميه في تايلاند ) ؟
اذا شفته :: اشرايك في الفندق اللي سكنوا فيه في جزيرة بوكيت ؟؟
راح اطلع لك اسمع بالضبط .. راقي جداً وهادي ورومانسي وعادة هم يصنفون بعض الفنادق ( لقضاء شهر العسل ) وهذا من ضمنهم . ويقع في شاطئ كاملا الهادئ .
بالنسبة للمنتجعات تراها كثيرة وماتنعد واشهرها سلسلة فنادق ( دوسيت ) مهتمين كثير في الراحه والاستجمام .. الخ
بالنسبة لأفضل فندق وقريب من السوق مافي غيره .. اللي ذكرناه لأخونا ياماس ( باتوموان برينسيس ) وهي احد سلسلة فنادق برينسيس وهي تابعة لأبن ملك تايلاند .
الشي الحلو في هالفندق ايضا انه ممتاز جدا للي يحب جلسة اللوبي .. حيث انه جاي على طابق ونصف ( ميزانين ) 2 لوبي ..
ونظام الأمن فيه عالي جداً .. السيكورتيه في كل مكان .. يعني انسى الديلفري يوصل لين غرفتك انسى
شكلهم بيهونون هاهاهاهاه
هذي تعطي ميزة للفندق انه هادي في ممراته .. مو مثل بعض الفنادق كل من يدخل ويطلع المطاعم + المغاسل + توصيل طلبات السوبر ماركت + تقديم عروض تجاريه في الغرف .. الخ .. كأنك ساكن في البورصه ( اشدخل ! )
على فكرة تقدر تحجز من الحين (( ارخص لك )) ...
اذا فيه اي استفسار ترى حاضرين ..

هلا أخوي البتشينو
ماشاء الله عليك (نحلة) ... عيني عليك بارده ...
نشيط .. شمتريق اليوم ؟!؟؟
يعطيك العافية يالغالي
عيل تنصحنا .. نمدد الأيام .؟؟؟
9 ليالي 10 أيام ((ماليزيا)) ..
لنكاوي : 3 ليالي .
كوالالمبور : 6 ليالي .
المجموع : 8 ليالي ..
4ليله13 يوم ((تايلند)) ..
2 ليله.. منتجع راقي في بانكوك (للراحة والاستجمام) فقط
4 ليالي .. جزيرة فوكيت
4 ليالي .. شنغ ماي ..
4 ليالي .. بانكوك .. (للتسوق والراحة) ... ONLY
بس ياخي لاتنسى . مع زيادة الأيام .. التكاليف راح تزيد علي !!!
أنا ودي أروح شنغ ماي .. وفوكيت ...
لكن ماودي أطول الرحلة أكثر من 21 يوم ... 21 يوم وأشوفهم وايد ؟!؟؟
فأيش الراي ؟؟؟؟؟ نكنسل لنكاوي في ماليزيا ؟؟؟ ولا كيف ؟؟؟؟؟
وبخصوص فندق بانكوك للتسوق والراحة .. أعتقد برنسيس هو الي راح أحجز عليه أن شاء الله .. بعد ما قريت ردود الأخوان ومدحهم له . وأنت أولهم ..
لكن أنا الحين في صدد دراسة وقت الرحلة بالتحديد ...

ابومحمد لا تطق الرجال بعين قول ماشاءالله : D

ماشاء الله ماشاء الله .. هاهاهاها

هاهاها شلون قسمتوا الموضوع ههه
فكره حلوه
اخاف حد يطلع مني ولا مناك يقولون قلبتوها شات !
ابشر بسعدك يا بومحمد مابنقصر معاك ان شاء الله ..

1. المهم بالنسبة لرحلة ماليزيا

السلام عليكم ورحمة اله وبركاته
هلا بو محمد وحياك الله
و هذي الساعه المباركه الي تطلب مساعدتنا بس علشان أصير بخبرة أخوي باتشينو ما شاء الله عليه لازم أروح مرات ومرات وبيني وبينكم الحنه شغاله وودي بالروحه وان شاء الله تضبط قولوا آمين ..
الظاهر مثل ما قلت أخوي باتشينو الجماعه شيشونا على الروحه

المهم بالنسبة لرحلة ماليزيا

لو تحاول تاخذ من الايام الي خليتها لكوالالمبور و تروح لبيننغ ,, فامكث يوم بكوالالمبور بس اول ما توصل وعقبها انطلق لبيننغ و ابقي كم يوم و منها اطلع على لنكاوي اما بالطياره او بالباخره كيفك
حاول ما تطول بلنكاوي ,, ليش أنا أقولك .. تقريبا فوكيت ولنكاوي نفس الطبيعه و ان كانت لنكاوي اكثر تطورا شوي وهدوء لكن بتلقي نفس الطبيعة المشتركه بينهم و نفس جدول الرحلات البحريه ( جزر , كهوف , صيد , غوص ).
لنكاوي روح لها ولا تخلي و وشوفها لأنها تستاهل و حرام تطوفها خصوصا ان كنت من عشاق الهدوء بس لا تطول فيها يعني يومين كافي و تجول بداخلها أما الرحلات البحريه والوناسه خلها لفوكيت
و ان نزلت بكوالالمبور روح لو نص يوم لجنتنغ هاي لاند واستانس بالبراد
التسوق لا تكثر من المشتري بكوالالمبور لأنه وراك بانكوك ارخص .
.
ومن ماليزيا طير لفوكيت طوالي على فكره فوكيت ولنكاوي جيران علشان هالشي هم نفس الطبيعه ..
و بفوكيت توكل على الله و إخذ المنتجع الي سكنا فيه لو ميرديان ريسوت وان شاء الله بيعجبك بس على اي شاطىء للأسف ما ادري صج انه بعيد شوي عن الميناء الي تنطلق منه الرحلات البحريه بس حلو ..
و اختمها ببانكوك و بفندقنا الي شريناه لحساب العرب المسافرون ( باتوموان برنسيس ) علشان التسوق العدل والي يميز هالفندق مثل ما قلنا و بما انه السالفه سالفه سوق هو موقعه الاستراتيجي فإشتر أغراضك من mbk وللغرفه على طول لا تاكسي ولا هم يحزنون ..
تحياتي ...........

ها بومحمد
لجنة " رحالة تايلاند " عطتك البرنامج
اللجنه ( الباحثة + الباتشينو )
جزاج الله خير يالباحثه نتعلم منكم يالطيبة ..
وهذي الساعه المباركه اللي نساعد فيها اخوانا وخواتنا بالمنتدى ..
ويعطيكم العافيه .

ياسلام عليج
إذا هناك رحلة مباشرة إلى فوكيت .. فلماذا العناء .. والمكوث ليلتين في بانكوك قبل الذهاب إلى فوكيت ؟؟؟؟؟
لكن أختي الباحثة . حبيت ترشحين لي أكثر من فندق . علشان أرتبهم . وأرتب الميزانية المسموحة لهذه الرحلة .. وربج يسهل ..
يعني 1- لوميريديان ...
2- الماريوت
3- ............
وفي بانكوك مالج إلى برنسيس .. نفس ماقلتوا لنا ..
وللحديث بقية .. ورانا نص سنة . كل يومين بامر على الموضوع شوي

1. هلا بو محمد و جزانا الله وياك كل الخير أخوي باتشينو وتسلم .

هلا بو محمد و جزانا الله وياك كل الخير أخوي باتشينو وتسلم .

بالنسبة للفنادق انا بسفرتي الاولي سكنا بفندق سنتشري بارك حليو و نظيف ومستواه جيد جدا بس عيبه (بعيد شوي عن السوق ) و بتتعب بالتكاسي و اضطرينا نغيره بسبب الحجوزات و انتقلنا لفندق نوفاتيل سيام ( هذا بوسط المربع التجاري ببانكوك ) يعني الاسواق يمينك ويسارك بس مستواه ما عجبني لانه اثاثه قديم شوي بس الموقع روعه وهو مشهور عندهم و مليان سواح ..
ونصيحتي لك لا تحاول تسكن بالمناطق الي فيها العرب خصوصا عند فندق جريس إبعد إبعد أحسن لك و المنطقه حط عليها إكس كلش كلش ما حبيتها و لا ارتحت لها
إحنا يا دوب كنا نروح نتغدي بالمطعم العراقي ونطلع لا وفي المره الأخيره ما رحت الا مره واحده بعد ما عرفنا للديره ووين نلقي الأكل الحلال ..
فالفندق الي جربته و عجبني كموقع هو باتموان برنسيس بالرغم من انه اربع نجوم والغرف مستواها عادي عادي واول الوقت عصبت علي مستوي الغرف خصوصا بعد منتجع فوكيت لكن يوم شفت السوق سكت ولا كلمه ورضيت بالامر الواقع
و منتجع ( لو ميرديان بوكيت بيتش ريسورت ) أحط إسمه كامل علشان ما تروح لواحد ثاني و تعصب علينا وتقول الباحثه ضيعتنا
فحسب علمي ومن كلام أخوي معجب إنه فيه منتجع ثاني له نفس الاسم الاول تقريبا فلا يصير الخلط بينهم ..
وبالنسبه لاسعاره فبحدود 80 دولار لليله والسويت على آخر 3 ايام أخذناه بزياده 50 دولار .
بس خلك على الغرفة العاديه أونس
و ايضا تابع عروضهم المستمره ..
تحياتي ..............