الحمد لله على السلامه , بانتظار التكملة

السلام عليكم
نكمل لكم يا الربع
هذا صور من فندق Thilanka Resorts & Spa

يتبع رحلات دامبولا

حمداً لله على السلامة
متابع معك

الحمدلله على السلامة ورجوعك الى الوطن ،،، في انتظار التكملة

نكمل وابي اقول ملاحظة يا الربع ترى فيه اماكن ممكن الواحد يوقف فيها بالطريجة للفندق مثل ميتم الفيله PINNAWALA ELEPHANT ORPHANGE بس العلة السايق ما وقف ما ادري ليش المهم شكله يا سفه او ناسي المهم
رحلة مدتها يومين
1- المعبد البوذي DAMBULLAK ROCK TEMPLE
ملاحظات
معبد بودي الدخول له بتذاكر للدخول للمعبد ولكن ركوب الدرج مجانا يعني لا ينقص عليك ادخل ولا تمر على التذاكر وما عليك من السايق لانه يبي نصيبه .
صور من الدرج الي على اليسار اما اليمين الركوب فوق السطح للتصوير فقط
الدرج في قرود منتشرة وفيه ناس تبيع شغلات وفيه واحد يرقص الكوبرا وعنده حيه طيحت قلبي ابطني يوم خليتها علي
بالنسبة للحية لا ينقص علي مثل ما سوو لي اقل من 1000 روبي ممكن هذا المعدل زين لانه بصخرة سيجيريا رخيص بنتكلم عنها بعدين

الدرج طويل شوي للشيبان والدلايع ما يصلح المهم خلصنا ونزلنا بعد ما دقددقنا كم صورة وصورنا مع مجسم فيل كان تحت ريحنا شوي ورجعنا الفندق للراحة ومرينا سوبرماركت وخذينا كم شغله لانه الفندق ما في اكل مسلمين علما بأنه الشركة اقترحت علي فندق وانا اخترت هذا ابي اطلع فيها والسبب الصور للفندق جذبتني

1. بعض الصور للطريج والصخرة ( في صور وايد بس اعذروني)


2. ونكمل لكم احبابي الرحله التالية الى كاندي الجميله بس مو الحين بعدين


3. ملاحظات ستتكرر

قعدنا من الصبح تجهزنا تريقنا لانه الريوق ما عليه خوف دامك نباتي وخبز سليس وجنه ومع السلامة نزلنا تحت لانه المطعم فوق وشاركنا بعرس سيرالانكي وصورنا مع العريس وعرسهم كان دق زيران
2- رحلة صخرة سيجيريا عبارة عن قصر للملك ذو 300 امرأة
وصلنا دشينا بتذاكر الصغير 8 سنوات 15$ والكبير 30$ واستلمنا واحد من الجالسين بره على اساس بيدش معانا للشرح 1000 روبي حده ولا يقص عليك بعد ما تخلص ولو تتفق معاه قبل لا يبتدي احسن .
شرح لنا الاماكن الموجودة بالمكان عبارة مكان جلوس الملك وزوجاته والبحيرات الي كانت موجودة يعني بالعربي كانه متحف
وصلنا الصخرة ام 1000 قدم راكب 1000 قدم نازل يعني عادي كيلوين خسرتهم

بعض الصور للطريج والصخرة ( في صور وايد بس اعذروني)

نزلنا وكانت ارحم وشفنا راعي الثعابين الي خبرتكم عنه اهني عنده تبي تحطه اوكي مع لمقاصص حصلنا بمبلغ حده رخيص واتفق انت معاه ولا ادخل السايق بأي شي المهم صورنا كلنا معها كانها فنانه مشهورة بس عادي تخرع وسبحان الله جسمها كله عضلات اهم شي تيودون الذيل والراس عدل وما تسوي شي المهم خلصنا وبالطريج للباص في ناس يبيعون المجسمات والاصنام والعياذ بالله ومجسم الفيله ركبنا الباص وعطينا المرشد وكان يبي 50$ وانجان تطلع الدخاخين من خشمي وعطيته 1000 روبي ومشينا عنه متوجهين الى هابرانا لركوب الفيله.
3- رحلة هابرانا ركوب الفيله 2000 روبي وما عليكم ولا ينقص عليكم بالدفع بدولار لانه فيه مكان ثاني اغلا بوايد خبروني عنه
المكان عبارة عن منطقة سكان سيرالانكا القدامى حول بحيره تبين بنهايته غابة ومكان حده مدخله وصخ بس فيه ممر للدورة الفيل المهم ركبنا الفيله وكان اسمه راجا تناديه وانت فوقة ويبولع بهالموز
ملاحظة يقولون الشركة انه اهم الشركة انها اهم الي نظمولي هاذي الرحلة والمبلغ 2000 روبي عبارة اكراميه مو مبلغ ركوب الفيل بس ما اعتقد لانه المكان الي رحناه غير الي في خطة رحلة الشركة وكان ارخص بعد ما ضبطنا السايق بأكل وحلويات ودانا مكان ارخص
صورة الممر وحاسب انك تكون منتبه للفيل الدايخ لا يفتر يمين او يسار لا يسبحكم بالبحيرة
هذا باختصار رحلة دامبولا هابرنا الي بنظري تحتاج الى يوم واحد فقط يعني عادي اول ما توصل تروح المعبد واليوم الي بعده جيك اوت وعلى طول الصخرة وانت متجه الى المنطقة الثانية

ونكمل لكم احبابي الرحله التالية الى كاندي الجميله بس مو الحين بعدين

ملاحظات ستتكرر

• لاتنسى لمقاصص
• لا تعتمد على السايق
• اتفق قبل لا تسوي أي شي
• المنطقة حارة
• خلك على الاكل النباتي ( اكل فنادق 5 ستار البوفيه بسعر الخليج وانصحك فيها ) بس مو هالمنطقة
• في فنادق حلوة بس حسب ميزانيتك وفر المشتريات للمحلات الصغيرة الي بطريجكم للمناطق وخاصة شنط الجلد للنساء والرجال
• لا تنسى شنطة على ظهرك بالماي والشغلات الثانية والصيدلبة
• اشتر واشحن شنطتك للرحلات من ماي وحركات دلع

شكرا لك علي المختصر
بس هل تستحق الصخره الزياره وكذلك المعبد

الحمدلله على سلامتكم
متابعين معاك تقريرك الجميل .
تحياتي لكم ""

فيصل
مادري شاقولك السالفة اذواق مكان اثري طبيعة ركبت الصخرة حدة متعب
المعبد درج كل ما تركب تشوف سبلان وجلاب والبياعين الي لا تطاعهم لانه ما يفقون الواحد