السوق والتسوق
مانمل منه ولايمل منا
ولأني أحب السوق واسواق لندن
حبيت اطرح عليكم فكره ممكن ماتكون يديده بس مفيده
فكرتي انه نتشارك في هالتقرير وكل واحد او وحده سافر منكم لندن وتسوق منها
وعجبته بضاعه معينه أشتراها يخبرنا عنها سواء
عن الملابس او العطور او الادويه
او اكسسوارات البيت والمفارش او الشنط او المكياج
او .. او ...
عن كل شي جربتوه وحبيتوه
المطلوب
- صورة البضاعه اللي شريتوها سواء من تصويركم ولا من النت
- سعرها
- عنوان المحل اللي شريتوا منه واذا عندهم موقع ع النت
- نصايحكم ورآيكم في هالبضاعه
- واي تفاصيل ثانيه ممكن تفيدنا
مهم
- ماتكتبون عن المطاعم ولا الاماكن السياحيه ولا أي موضوع غير التسوق
عسب مايتشعب الموضوع
- التقرير بيظل مفتوح ومتجدد
وكل وحده او واحد سافر منكم في أي وقت يفيدنا بتجاربه التسوقيه
وبجذي بتعم الفايده ع الجميع
اتمنى ماتحرمونا من مشاركاتكم وتفاعلكم وخلونا مع بعض
نفيد ونستفيد
ولكن للاسف ماعندي اسعارها لأنه هذا التقرير اليوم بس طلع في راسي
ولكن ان شاءالله في المستقبل بتحصلون مني اللي يرضيكم
بس ادعولي أسافر لندن
اليوم مشاركتي بتكون عن بعض الأدويه اللي اشتريتها من بوتس
واللي استفدت منها
موقعهم ع النت
http://www.boots.com/?namespace=%2FBoots%2FContent%2FGeoTargeting%2FAllCountries&storeId=10052&langId=-1&catalogId=11051&countryCode=GB
دواء للكحه
جربته وشفته وايد مفيد
لازقات خاصه للصداع وجربتها
مره حسيت بصداع شديد في مؤخرة رآسي فقمت وحطيت لزقه ع ارقبتي
بتشوفون التعليمات داخل
وبدون ما آخذ مسكن خف الصداع عني
كبسولات للبرد والرشح
يوم السبت اللي طاف قمت وانا حاسه باحتقان شديد في حنجرتي وبداية رشح وكحه
وع طول خذيت منهم كبسولتين 3 مرات في اليوم
واليوم الثاني خذيت كبسولتين مره وعقب حسيت نفسي بخير وخاز الأحتقان
وطبعا انا لازم آستعمل أدويتي الشعبيه مثل الزنجبيل والزعتر
ومانستغني عن الفيكس لين صرت والحمدالله بخير بدون مضادات
أنا وايد أحب اشتري أدويه مسكنه للصداع من أي دوله أوروبيه ازورها
أقتنع بأدويتهم أكثر عن بلادنا
فخذيت من بوتس هالمسكن
قطرة للعين
احيانا عيوني من النوع اللي تتحسس وتحمر من المكياج او الارهاق
واشتريت من عندهم هاي القطره
وسألت الدكتور عنها اذا مابتضرني ، قاللي
لا مابتضرج بس في بعض الاوقات
والصراحه انا قليل جدا استخدمها
للدوره الشهريه هذا الدوا وايد ممتاز
السموحه منكم بس عشان الفايده
بشوفلكم بعد شو اتشريت من أسواق لندن وبنزله لكم في اقرب فرصه
وهالله هالله نبا تفاعلكم ويايي
واهم شي مشترياتكم