السلام عليكم و رحمه الله ..
ف صيف 2012 .. يت اختي كلمتني و دار بينا هالحوار ..
اختي : اريد الروح الرياض ..
انا : ليش ؟
اختي : صديقتي بتتزوج ..
و انا طبعا على طول اوافق خ
تم الحجز ع طيران الاتحاد ..
استخدمت اميالي ف حجز التذكرتين ذهاب و عوده .. بس دفعها 200 درهم " تاكس "
تم الحجز في فندق الريتز كارلتون الرياض .. ليلتين بسعر 2600 ريال سعودي ..
اسمحولي ع الصور الرديئه .. كلها ب بالجلكسي ..
مطار بوظبي الدولي
وصلنا مطار الرياض .. و كانت اول زياره لي للمملكه العربيه السعوديه ..
اخذنا تكسي لندن الى الفندق .. و ماكنو يعرفون وين الفندق لعوزونا ..
سعر التكسي : 85 ريال اذا ماخاب ظني ..
وصلنا الفندق .. و الصراحه انبهرت
عجبني ان معظم اللي يشتغلون سعودين ..
استوالنا موقف سخيف جدا .. سوينا جيك ان .. و رحنا الغرفه و انصدمنا !!!!!
الغرفه كانت قذره جدا .. يعني الفوط ف كل مكان و عالارض .. و السريرمب مرتب
و قلاصات الكوفي وصخه فيها كوفي
الزبده ان الغرفه مب منظفينها بعد ما سوولها جيك اوت ..
يعني هالشي ابدا ما توقعته من فندق 5 ستارز .. و مب اي فندق !! سلسله فنادق الرتز تعتبر وحده من ارقى سلاسل الفناذق ..
رحت الريسبشن .. و شرحت لهم .. قالولي لحظه بنشوف المدير .. ياني المدير و كلمني .. قالي لحظه بنطرش حد يشوف الغرفه ..
لا والله .. يعني انا اتبلى عالفندق .. !!!
بعد ربع ساعه .. مادري ليش هالوقت كله ..
ياني المدير و تأسف و قالي انهم عطوني غرفه اكبر ..
رحنا الغرفه الثانيه .. و ماكانت اكبر .. المدير كلامه فاضي الصراحه ..
الحركه ما حبيتها ابدا ..
مزاجي تعكر بعدها و ما صورت الغرفه ..
لا يغركم اللوبي ..
اللوبي غير و الغرف غير .. اللوبي فخم وايد .. اما الغرف عاديه جدا ..
يعني لو رحت الرياض مره ثانيه .. بيلس ف الفور سيزن ما بيلس ف الريتز
و كل ما ندخل الفندق .. لازم ندخل اغراضنا ف جهاز الكشف عن المعادن و لازم نحن نمر بالجهاز بعد ..
الفيو من الغرفه
فواكه ف الغرفه
بعض الصور من الفندق
تغديت مرتين ف بوفيه الفندق .. البوفيه وايد حلو الصراحه و اكلهم متنوع .. انصحكم فيه ..
انا كنت بروحي معظم الوقت .. و ما اعرف حد ف الرياض ..
ف عشان اضيع الوقت .. رحت سبا الفندق و المركز الصحي و المسبح
و الصراحه كلمه وحده توصفهم " واو "
قمه في الفخامه .. و خدماتهم راقيه جدا .. و احلى شي ان المسبح مافيه اشكال تخدش الحياء
سويت عندهم فيشل بسعر 600 ريال .. بس سوولي خصم 10 بالميه لاني ساكن ف الفندق ..
على حظي .. اليوم اللي وصلت فيه الفندق كان اول يوم يبدون يسوون فيشل ف السبا ..
طلبت اكل ف الغرفه مرتين .. و اكلهم وايد لذيذ
الشوك و السكاكين كلهم ماركه Christofle ..
طلعت مره وحده و رحت سنتريا و الفيصليه ..
خذت سياره الفندق
حصيله التسوق في سنتريا
المحلات في سنتريا كبيره و بضاعتهم متنوعه .. وايد حبيته سنتريا ..
الخلاصه : حبيت الرياض .. ان شا الله بزورها مره ثانيه ..
الفندق : نص و نص .. حبيته بس ما حبيته ..
شكر لكم
انتهى -
نورت السعودية والرياض اخ فيصل..
تقرير تشكر عليه..يعطيك العافية..
الصور ممتازة ما شاء الله..
موقف سخيف من الفندق وكان المفروض يعوضوك صراحة لكن شكلك كنت هادي معاهم..على الاقل كان صورت بلاويهم..
عموماً مشكور على التقرير..تحياتي وتمنياتي لك بالتوفيق.