السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ياسمينة ستي
12-12-2022 - 02:59 am

اليوم جايبتلكم رحلة ع الطاير لروضة التنهاة امس الخميس
تبعد الروضة عن الرياض 189 كم حوالي ساعتين ونص ع ذمة قوقل
وللذهاب اليها يكون عن طريق الجنادرية
وهذه خريطة الطريق من قوقل

طبعا زوجي كالعادة ماخبرني بقرار الروضة الا اخر الليل
رحت المطبخ وجهزت كل شي في عزبة كاملة عشان اكون الصبح جاهزة ع طول
حتى الخضار قطعتها وحطيتها ف حافظة ف الثلاجة

اهم شي البهارات حطيتها ف القدر ياحبي له خ

والصبح الاولاد حد قام وحد خذا مخدته معه ههه وانطلقنا
وصلنا الروضة وكانت مليانة من الكشاتة ومنهم من نصب خيمته

وكان النبت فيها ع وشك ان ييبس الله يغيثنا ويغيثه

ماارتحنا بالجلسة من الهوا والغبار والتراب دفنا وكان الهوا جدا قوي ضايقنا
قال زوجي خلاص بنرجع البيت
قلت معصي ماارجع قبل مااسوي شاهي وقهوة ع الجمر
شبيت النار بمساعدة المكعبات طبعا

ماخذا الجمر دقيقة الا وهو جاهز من الهوا الي ينفخه ههه

نزلت العزبة وحطيت الدلة وابريق الشاي ع الجمر جنب بعض حليلهم

وعيوني راحت ابكي من الدخان والرمل ههه
وحطيت ع الابريق قصدير عشان مايدخل الرمل فيه
والدلة يازين ريحتها

والشاي تلقيمة عشان مايزعل علي زوجي

وبيالة شاهي ع الماشي

تقهوو

مساكين الاولاد مالحقو يلعبون بطايرتهم شوي

الا والهوا قاطع حبلها ومطيرها ههه

الغينا فكرة الغدا هناك
وع طول لفينا عزبتنا وحملناها ف السيارة ورجعنا البيت والاولاد مايبون يرجعون
وغدانا خذيناه من المطعم
وبس سلامتكم
اشوفكم ع خير
انتهى


التعليقات (9)
nanaabuabed
nanaabuabed
يسعد مساكي ياسمينة
وجمعة مباركة عليكي
صحيح تقرير صغنون لكنه حلو من تحت دياتك ...ريحة القهوة والشاي حسيت فيهم من عمان
الله يخليلك الاولاد وابوهم وتظلي تطلعي رحلات وتعملينا احلى التقرير ..
يلا خيرها بغيرها واوعدينا تعملي تقرير بالرحلة الجاي واهم شي الطبخة..

عامر الزعابي
عامر الزعابي
ياسلام عالشاي الاحمر يخليج تمخمخين وخاصة لاصار عالجمر
وانا تحمست من شفت ترتيب العزبة
والله يرزقنا وياكم بامطار الخير عشان نشوف طباخج في البر
يسلموا عالتقرير

oceanus
oceanus
ياسمينه تقاريرك لها طابع فكاهي خاص ..
عاد عجبني اصرارك على عمل الشاهي والقهوة ،،
الله يعطيك الف عافية على التقرير الجميل
ماقصرتي ..

ام عزيـــز
ام عزيـــز
ما شاء الله عليك ...
من الاستعداد كنت متوقعه اشوف احلى طبخه , البهارات و الخضار
قلت بس الحين يطلع ارز انديان جيت ...؟؟؟
اشتغلتي علينا عنصر تشويق ثم نهايه سريعه ...
لكن منظر النار و عليها القهوه تشوق ..
و الاجمل لون الشاي ...
يعطيك العافيه عزيزتي .. و ان شاء الله مع رحلات اجمل ...

الحوسني
الحوسني
احلي شاي وقهوة برية من مشرفتنا ،،، يعطيج العافية علي التقرير قليل الدسم لا بعد حق الرجيم

ارووومه
ارووومه
يعطيك الف عافية مشرفتنا ياسمينه على التقرير الخفيف .. وياسلام على الدلة المبهرة تسلم إيدك .. و ربي يحفظك وأسرتك الكريمة والجايات أحلى بإذن الله .. تحيتي وتقديري لك

Usas
Usas
شكرا ياسمينة على الصور ويعطيكي العافية
تحياتي

أبو فيصل 2007
أبو فيصل 2007
ماشاء الله تبارك الله 200 كيلو وع بيالة شاهي وع الماشي
تقرير جميل وكان ودنا نشوف الطبخ ولكن للظروف احكام
في انتظار جديدك

فيصل
فيصل
ما يخرب الكشته الا الهواء
بس الشاي حكايه
لا هنتي مشرفتنا


خصم يصل إلى 25%