بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Faisal Amreeka Faisal Amreeka
تقرير رحلتي الاوروبيه الشتويه 2011 - لوزيرن + جنيف
14-12-2014 - 01:16 am

السلام عليكم



هذا التقرير هو تكلمه للتقرير اللي بديته في البوابه الالمانيه ،
التقرير بيكون جزءين ، لوزيزن و جنيف
تقرير رحلتي الاوروبيه الشتويه 2011 - ميونخ


من ميونخ ، كنا مخططين نروح لوزيرن بالقطار ، شلينا شنطنا و رحنا المحطه و خذنا تذاكر القطار من ميونخ الى لوزيرن ، و لازم نبدل القطار في زيورخ

بعض الصور ف القطار










ميونخ - زيورخ : 4 ساعات و نص
زيورخ - لوزيزن : 45 دقيقه


وصلنا لوزيرن و اخذنا تكسي لين الفندق
كان حجزنا في الفندق Hotel Seeburg
سعر الحجز ل ثلاث ليالي ، غرفتين ب 918 فرانك بدون التاكس

الفندق كان وايد حلو ، بس فيه شي وايد ما عيبنا ، كان بعيد من السوق .. يعني كل يوم لازم نركب تكسي .
عشان جي سكنا فيه ليله وحده و بعدين انتقلنا ل فندق Hotel Schweizerhof Luzern
يعني بعد التعديل ، سكنا ليله في سيبرغ و ليلتين في شويزرهوف

سعر الغرف في شويزرهوف
ليلتين ، غرفتين ب 1162فرانك بدون تاكس.

صورت هالصوره يوم كنت ف التكسي



صور Seeburg hotel
اذا عندكم سياره ، انصحكم تسكنون فيه ..
الللي يشتغلون في الفندق وايد طيبين و بشوشين ..
و الغرفه مريحه













الفيو من الغرفه





بعد ما سوينا جيك ان ، رحنا برع و طلبنا تكسي

الفيو عند باب الفندق









رحنا تغدينا في مطعم عجيب يسوي فلافل ، نسيت شو اسمه و بعدين رحنا السوق





هالمحل اكيد كل حد يعرفه ، هو مخبز و يبيع ماكرونز و جوكلت





بعدين رحنا محلنا المفضل في سويسرا Manor
















انتهى -





المشاركات

ماجد الفهد ماجد الفهد
تقرير رحلتي الاوروبيه الشتويه 2011 - لوزيرن + جنيف




الله يعطيك العافية


توني مخلص الجزء الألماني


وربي يوفقك ويستر عليك


كوتي كوتي
تقرير رحلتي الاوروبيه الشتويه 2011 - لوزيرن + جنيف


ماشاء الله عليك اخوي فيصل

ياخي تصدق انك دخلت في راسي رحلة شتويه مع إني ماحب الشتاء

الله يعطيك العافيه


الحوسني الحوسني
تقرير رحلتي الاوروبيه الشتويه 2011 - لوزيرن + جنيف


مرحبا فيك اخوي فيصل ،،، مراحب على هذا التقرير الثلجي ،،، صور جميلة ومتنوعة ،،، متابع التقرير اول باول إن شاء الله




Faisal Amreeka Faisal Amreeka
تقرير رحلتي الاوروبيه الشتويه 2011 - لوزيرن + جنيف


ماجد الفهد : كل الشكر لك مشرفنا ..
كويتي : صدقني السفر في الشتاء له طعم غيير عن الصيف .. شكرا لك
الحوسني : مرحبن لا هان ، منور الموضوع اخويه و ترقب الجزء اليديد


Faisal Amreeka Faisal Amreeka
تقرير رحلتي الاوروبيه الشتويه 2011 - لوزيرن + جنيف


اليوم الثاني ،


نشينا الصبح و رتبنا شنطنا عشان نروح شويزرهوف .. و حليلهم العاملين ف سيبرغ كانو زعلانيين ..
قبل ما نسوي جيك اوت نشيت الصبح و رحت البحيره و اكلت البط .. و صورت هالمنظر ..



عقب رحنا فندق شويزرهوف .. و سوينا جيك ان وهاي صور الفندق
الفندق مكانه وايد حلو و مميز .. انصحكم فيه







احلى شي ف الفندق ، الكرسي اللي ف اللفت












بعد ما سوينا جيك ان ، طلعنا و تمشينا ف لوزيرن ..

رحنا جسر لوزيرن المشهور





تغدينا في مطعم ايطالي لذييييذ مكانه ف الاولد تاون عدال الجسر





عقب رحنا متحف الفن في لوزيرن ، التصوير كان ممنوع فيه






عقب ما خلصنا رحنا محطه القطار لانها كانت عدال المتحف ، عشان نشتري تذاكر القطار ل جنيف
شوفو الشاندلير محلاه




صورتين من لوزيرن








انتهى -


شارلوك هولمز شارلوك هولمز
تقرير رحلتي الاوروبيه الشتويه 2011 - لوزيرن + جنيف


الله صور تفتح النفس وترجع لنا الذكريات الجميلة
كل الشكر لك ولابداااااعك

هولمز


ياسمينة ستي ياسمينة ستي
تقرير رحلتي الاوروبيه الشتويه 2011 - لوزيرن + جنيف


ماشاء الله
صور جونان مع الثلوج واجواء راس السنة

يعطيك العافية اخوي فيصل
من الموبايل


عبدالله بن عيسى عبدالله بن عيسى
تقرير رحلتي الاوروبيه الشتويه 2011 - لوزيرن + جنيف


ماشاءالله تقريروايدروعه والصوراحلى
ايش انطباعكم عن السفر في الشتاء


Bu Rashed Al Shamsi Bu Rashed Al Shamsi
تقرير رحلتي الاوروبيه الشتويه 2011 - لوزيرن + جنيف


الله يعطيك العافيه اخوي فيصل
الصور مش طبيعيه
من الموبايل



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تقرير رحلتي الاوروبيه الشتويه 2011 - لوزيرن + جنيف