بسم الله الرحمن الرحيم . .
السلام عليكم , ,, يا ايهاالابنو بطوطييون
الوكاد ياحبايبي. . السالفه ومافيها ان الله قدر علي . ونويت اسافر المالديف. .
وتعرفون الواحد لاشاف المره قريبه منه يقعد يتميلح شوي ويوعدها بسفره زي كذا .خصوصا لو كان جايب العيد ويبي يخبي الامر لازم يرقعه بشي يستاهل ههه
طبعا انت الي بتاكلها بالاخير. بس امر الله شق القربه . .
ماطول عليكم . .انا ناوي اسافر للمالديف. انا وزوجتي. بس 4 ليالي .
بتكون تقريبا بشهر 8 القادم . عندي كم سؤال بهالخصوص ..
1- كيف الجو هناك . ؟
2- كم تكلف التذاكر .رايح جاي
3-اسعار القارب او الطياره المائيه . لحالها ولاشامله الباكيج .
4- الغداء والعشاء شامل او لا .
5- اسعار الفنادق . هنا الجلطه .
كلمت مكتب الطيار عطلات النسر. .قالو لي الفنادق تتراوح ل 4 ليالي 8900 ريال ارخص ل واحد . قلت تمام مضبوط . بس كان كاتب لي كللمه بعدها . per person للفرد .
رديت عليه قلت له طيب انا وزوجتي قالي تقريبا توصل 18 الف ريال . .
بصراحه جاني تمزق معوي بالطحال . اجل اروح اسكن ب 18 الف .
يمدحون الشرقيه .والله ههه
ابي يالغالين واحد يسوي لي جدول بسعر معقول. 4 ايام بفندق حلو مع الطيران والمصروفات الي هناك
يعني بالعربي الميزانيه كم . ؟
ويكون الفندق . ميزاته حلوه وسعره احلى . 1000 جزيره كلها غاليه مو معقول
ويعمل حسابه باخذ على رايه بالفندق لو ماطلع كويس بخلي المره تدعي له بالصلاح
لاني والله دخلت موقع اجودا . ولقيت عندهم شي عجيب صراحه قمه الفخامه .بالفنادق باسعار روعه ماتوصل الي قال لي النسر هذا . والله لو موديني على ظهره
بانتظاركم يالغالين
وبيض الله وجيهكم مقدما.أ. .
ابو غلأ