- الصراحه الاسعاار مرتفعه !!
- اهم الاحداث الي صارت معي وخلتني اكتشف وضاعه الشعب اللنكاوي !!
- اشتريت توب اب ب 10 رنقت وباعته علي 12 رنقت !!
السلام عليكم ورحمه الله وبركاته
كنت اسمع عن المكاسره في ماليزيا بس ماتخليتها لهدرجه لنا ياسياح قائمه اسعار والسكان الاصليين قائمه اسعار !!! ومدري اذا كانت هالقائمه تنطبق ع السياح كلهم او فقط السعوديين والخليجيين بشكل خاص !!
الصراحه الاسعاار مرتفعه !!
اخذت تاكسي امس جوله لمده نهار كامل ب 200 رنقت واستغرب من صاحب هالتاكسي كل ماودانا لمكان ينزل قبلنا ويتكلم مع اهل المنطقه السياحيه وبعض المرات ياخذ منا الفلوس ويقول لنا عشان ماتصفون سرا ولما نوصل الكاونتر نتفاجا مافيه سرا وهذا الكلام كله في لنكاوي !!
اهم الاحداث الي صارت معي وخلتني اكتشف وضاعه الشعب اللنكاوي !!
اشتريت توب اب ب 10 رنقت وباعته علي 12 رنقت !!
البارشوت قيمته في قائمه الاسعار 120 رنقت ولما سالت الماليزين انفسهم كم تاخذونه به قالو 30 رنقت !!! ورجعت للكاونتر وقلت لهم عن السالفه قالو علي كيفك اذا تبي ولا لا وقبل ماادخل الباراشوات السائق حقنا سبقنا وقالهم حنا سعوديين !!!!
شورت عادي جداا عليه عررض ومكتوب في العرض 20 رنقت يوم اخذته ابي اشتريه قالت لي البائعه 95 رنقت !!!! لا ماركه ولا هم يحزون مثل شورتات شارع قابل !
اوكي يستفيدون من السياح مااختلفنا لكن بهالصوره وبهالدرجه !!
والله لو الاسعار شامله الكل ان الوضع عادي جدا لكن الي يصير شيء محبط
والله يعيني علي باقي اجازتي مكاسره شكلي بااخصص للمكاسره جدول في يومي !