- باختصار اشكر الجميع لاني تحمست واقرا التقارير بشوق في هالمنتدى الممتع
- ثانيا عندي سؤال تكفون ردوا علي قبل لا اسافر
السلام عليكم
اول شي حبيت اشكر د.معمارية على التقارير الاكثر من رائعة و الاسلوب الراقي في الطرح والاخ جامعي 1 والاخت أنا وغيرهم كثير ما تحضرني اساميهم اعذروني
باختصار اشكر الجميع لاني تحمست واقرا التقارير بشوق في هالمنتدى الممتع
ثانيا عندي سؤال تكفون ردوا علي قبل لا اسافر
انا اصلا مخططه ان اروح ماليزيا لشهر العسل بس بما ان المالديف كان حلم حياتي فقررت اني اروح كنت مقسمه الرحلة بينهم بس اهلي نصحوني ان امدد المدة في ماليزيا واقعد في المالديف بس ليلتين عشان الملل!يقولون ان بتملل فيها بس بصراحة لما قريت تقاريركم عن المالديف تحمست وصار خاطري اقعد فيها اكثر وتحسفت اني سمعت كلامهم بس قدر الله وما شاء فعل
المهم ان بنكون في المالديف تاريخ 25 و تاريخ 26 بطوله وتاريخ 27 لين 8 بلليل بإذن الله
والي قهرني اكثر اني دخلت على النشرة الجوية وشفت ان 25 بيكون ممطر و 26 بيكون مشمس غالب عليه الغيوم و 27 بيكون فيه غيوم بنسبة 37 % وانقهرت مع ان درجة الحرارة بتكون في هال3 ايام 31 درجة مئوية
سؤالي هو : هل الجو في المالديف اذا كان ممطر يظل ممطر طول اليوم وتغيم السما ويختفي اللون الازرق هل بيخترب علي المنظر الي كنت احلم اشوفه ؟هل نقدر نسبح بالبحر إذا كانت السما مغيمه واله برد ؟؟؟؟ هل غيومهم نفس غيومنا تغطي الشمس وتخلي السما سوده كئيبة ؟؟؟؟ ادري سؤالي غبي بس تكفون اخذوني على قد عقلي
انا جدا مستاءه ومتضايقه تكفون جبروا بخاطري الله يجبر بخاطركم دنيا وآخره طمنوني
