بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



(((وسيم العرب))) (((وسيم العرب)))
أمثال شامية :الحلوه حلوه ولو فائت من النوم
17-12-2014 - 09:06 pm

أمثـــال شامية قديمة



يلي ماداق (ذاق ) المغراية ( عصا تستعمل لحرق الغراء المغلي ) مابيعرف شو الحكاية . ويقال للجاهل ما يدور حوله

- يلي ما بتزينه عروقه , مابتزينه خروقه (لباسه ) . يقال لصاحب الاصل

- خطف الكباية من راس الماعون ( الجرن ) . يقال للمتسرع في الامور

- مو (ليس) كل مين صف الصواني ال (قال ) انا حلواني . يقال للمهارات

- اذا صاحبك عسل لاتلحسه كله . ياقال للطمع بالشيء

- يلي بيته من ازاز (زجاج) مابيضرب الناس بالحجار . يقال لمن هو دون الاتهام

- عميل منيح (جيد ) وكبه (القيه) بالبحر . يقال للحث على فعل الخير

- يلي ما بيحضر ولادة عنزته بتجبله( تأتي له ) جرو . يقال للاعتماد على النفس بالعمل

- من بعد حشيشي عمره ما ينبت حشيش . يقال للأناني

- حط اصبعك بعينك بتوجعك متل ما بتوجع غيرك . يقال لعدم ايذاء الناس

- عشرة الناس بتتعب الراس .

- ياجاري انت بحالك وانا بحالي . يقال في البعد عن اذى الجار

- العين بصيرة والئيد (اليد ) اصيرة (قصيرة ) .يقال في عدم المقدره على فعل مايراد

- يلي بينزل من السما بتستلئيه ( تتلقاه ) الأرض . يقال للتوكل

- خبز الرجال عالرجال دين وعالاندال ( الأنذال ) صدئه (صدقة ) . يقال للوفاء بالشيء

- ضربة المعلم بالف ولو شلفها شلف . يقال في وصف مهارة الشخص

- بيدوب التلج وبيبان المرج . يقال للصبر في معرفة الشيء

- يلي دليلو(دليله ) جردون ياما بدو يفوت ششامي . يقال لمن يتبع الشخص الخطأ

- مو(ليس ) كل اصابيعك متل بعضا ( بعضها) يقال للتمييز بين الاشياء

- نئطة (نقطة ) دم ولاقنطار محبة . يقال للمحبة بين الاسرة

- يلي بياكل العصي مو متل يلي بيعدا(يعدها ) . يقال لمن يتفرج على المهموم

- الحجر يلي مابيعجبك بيفجك (يشجك ) يقال لتقدير قيمة الاخرين

- الحكي (الكلام) الك ياجارة اسمعي يا كنه . يقال لتنبيه الكناين

- فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران

- اذا بدك(تريد) مرتك (زوجتك ) تلين (تخضع) عليك بحطب التين .يقال لاخضاع الزوجة

- الإيد (اليد) يلي مابتحبها بوسها وادعي عليها بالكسر .يقال لمن لايقدر على شخص ما

- زوزك (زوجك ) على ما عاودتي وابنك على ما ربيتي . يقال لتقوية المرأة

- غسلي وشك (وجهك) مابتعرفي مين بيبوسو(يقبله) ونضفي (نظفي) بيتك مابتعرفي مين بيدوسو(يزوره)

- بتدء (تضرب) على ركبتها وبتطالع (تبين) كذبتها .يقال في تاليف المرأة للكذب

- الارد (القرد) بعين امه غزال

- يلي مابيغار من جارته بتطء(تطق) مرارته . يقال للتشجيع على المنافسه

- يا مآمنه (مؤمنة ) بالرجال متل المي (الماء) بالغربال . يقال في عدم الامان للرجال

- زيوان البلد ولا امح (قمح ) البلد . يقال في تفضيل اهل الحارة عن الغريب

- لباس مافي (لايوجد) دكه (رباط السروال) باربتعش (14) .يقال لقليل التدبير

- حارتنا زغيره (صغيره ) ومنعرف بعض .يقال للمتكبر

- على اد (قد) لحافك مد رجليك . يقال للمتهور

- لاتنام بين الأبور (القبور ولاتشوف منامات (احلام) وحشة . يقال لعدم المخاطرة

- يامسترخص اللحم عند المرءة (المرق ) تندم . يقال لمن يتهاون في الشيء

- هالك لو تهلك ولو رموك عالمهلك . يقال للحض على حب الاهل

- البي (قلبي ) على ولدي والب (قلب ) ولدي عالحجر . يقال في عقوق الابناء

- الحماية حمة (حمى ) وبنت الاحما عئرب (عقرب ) مسمة . يقال في وصف بيت الاحمة

- غسالة البطون احلى منه مابيكون . يقال لاصغر الابناء

- الاب عاشئ (عاشق ) والام غيرانه والبنت بالبيت حيرانه . يقال لمن لايسطر على بيته


- يلي بيطلع ( ينظر ) فيي بعين بتطلع فيه بعينتين .
هاد مثل حموي يامو :كل الديوك نئرتني ما بئا عليي غير ابو انبره


يا اخد الئرد على مالو بيروح المال وبيضل الئرد على حالو

لولا علبة السلمكي كانت الحالة بتبكي

مركب الحموات سار ومركب الكناين احتار

عطي الخباز خبزو لو ارمطو نصو

لي بيجي حلت البركه ولي ما بيجي خفف لبكية (هاد شامي ) س

لحاء الكذاب لورا الباب

الحلوه حلوه ولو فائت من النوم والبشاعه بشعه ولو خسلت كل يوم

لسا في بسئل تيته وبجي بكمل





المشاركات

الحوسني الحوسني
أمثال شامية :الحلوه حلوه ولو فائت من النوم


يعطيك العافية علي هذة الامثال ،،، في انتظار جديدك
من الموبايل


ام عزيـــز ام عزيـــز
أمثال شامية :الحلوه حلوه ولو فائت من النوم



امثال معظمها جديده .. انعكاس للواقع ..

يعطيك العافيه ...


ارووومه ارووومه
أمثال شامية :الحلوه حلوه ولو فائت من النوم






الأمثال الشعبية العربية متشابهة في المعنى ولكن تختلف في النطق لإختلاف اللهجات ..
كل الشكر ويعطيك العافية


ياسمينة ستي ياسمينة ستي
أمثال شامية :الحلوه حلوه ولو فائت من النوم


ههههههههه
الله يخليلك تيته ويطول بعمرها يارب
امثال في محلها مع انها باللهجة الشامية البحتة قريتها كم مرة عشان افهمها اكثر :)
امممممم
(لبّس المكنسة بتصير ست النسا )

(شوبدي اتذكر منك ياسفرجل كل عضة بغصة )

بانتظار باقي الامثال
اخوي وسيم يعطيك الف عافية
من الموبايل


عامر الزعابي عامر الزعابي
أمثال شامية :الحلوه حلوه ولو فائت من النوم


يعطيك العافية علي هذة الامثال


(((وسيم العرب))) (((وسيم العرب)))
أمثال شامية :الحلوه حلوه ولو فائت من النوم


بتشكركون كتير كتير

بحبكون بحبكون بحبكون

شو بدي ساوي بحبكون يا شام

رغم اني لا احمل الجنسية السورية لكن لها في قلبي محل


النشمي 2009 النشمي 2009
أمثال شامية :الحلوه حلوه ولو فائت من النوم


امثال جميلة كجمال الشعب السوري الحبيب 0اللهم انصر اخوتنا هناك وحقق لهم الامن والامان ياكريم0


أبن قرطبة أبن قرطبة
أمثال شامية :الحلوه حلوه ولو فائت من النوم


أمثال جميلة
شكرا جزيلا لك أخوي وسيم
تحياتي وتقديري وأحترامي لك ..



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

أمثال شامية :الحلوه حلوه ولو فائت من النوم