1. السلام عليكم و رحمه الله وبركاته

السلام عليكم و رحمه الله وبركاته

اهلا بيكم يا جماعه و الصراحه دى اول مره أشارك فى المنتدى باستفسار و موضوع و متابعه بقالى اكتر من سنه لكن مكنتش بشارك الصراحه و جه الوقت إلى استفسر فيه عن حاجه و إن شاء الله الاقى إجابه
دلوقتى يا جماعه انا من مصر و مفروض انى اسافر بيروت إن شاء الله يوم 7 مارس علشان أحضر حفله Armin Van Buuren إلى هتكون ف Forum de beyrouth و إشتريت تذكره الحفله و إن مفروض إحنا طالعين مجموعه كبيره شويه و واحد مننا هو المسؤل عن حجز الفندق و الطيران و كده و هو تقريبا حجزلنا فى فندق 4 نجوم فى شارع الحمرا بس لسه معرفتش اسمه و الطيران اننا هنسافر مصر الخميس و نرجع الاحد إن شاء الله
مشكلتى دلوقتى إن انا كنت طالب و لسه متخرج الحمد الله فى شهر 6 إلى فات و قدمت الجيش و أخدت إعفاء نهائى لكن انا مغيرتش الباسبور و المهنه فى الباسبور لسه زى ما هى طالب و اسم جامعتى و الباسبور عليه 3 تأشيرات واحده سافرتها فعلا (دبى) و الاتنين التانيين (تركيا و قبرص) مسفرتش علشان موضوع منعى من السفر لحد ما احدد موقفى من الجيش فسؤالى بقى ايه الافضل ، إنى اسافر و اخد التأشيره من مطار رفيق الحريرى (مع العلم إننا حاجزين فندق مؤكد من دلوقتى و طيران و كل حاجه جاهزه) و لا اطلع باسبور جديد بمهنتى إلى انا بشتغلها دلوقتى و اقدم فى السفاره من مصر ، بس الحل التانى ان المشكله هتكون ان الباسبور ده هيكون لسه جديد و مش هيكون عليه تأشيرات قبل كده فهيكون موقفى ايه ؟
انا عارف إنى طولت عليكم بس حبيت افهم الفكره كامله للاستفسارى و إن شاء الله الاقى رد من حضراتكم
و شكرا