بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



EXCEPTION EXCEPTION
جزيرة ريدانج ... ماليزيا الحقيقية !!
17-12-2014 - 01:16 pm

السلام عليكم ورحمة الله

كتبت في واحد من مواضيعي القليلة في موقع العرب المسافرون في عام 2010
عن جزيرة ريدانج ..

في هذا الموضوع :

https://travel.maktoob.com/vb/travel493234/
وهي لمن لا يعرفها جزيرة صغيرة أصغر من لنكاوي بكثير تقع على الساحل الشرقي لماليزيا
وبالتحديد في ولاية كوالا تيرينجانو

طبعا انا ماعرفت عن الجزيرة هذي الا يوم وصلت بينانج في عام 2010 .. ويوم سألت عنها قالوا انها بتاخذ تقريبا 8 ساعات بالباص على ماتوصلها

فقلت ما يحتاج نتعب ونروح لها .. << والحين عرفت اني غبي وأحمق وقتها

ومن وقتها قلت اذا يسر الله لي سفرة ثانية لماليزيا أو ما جاورها بروح لها .. بالطيب بالغصب رايح رايح

وفي هذي السنة سنة 2012 رحت أنا و أهلي لماليزيا ..

كانت الزيارة الأولى لماليزيا لأهلي .. والثانية بالطبع لي

فقررت ومن دون نقاش وبكل دكتاتورية أننا يجب ان نذهب لجزيرة ريدانج 

طبعا تقدر توصل لريدانج بواسطة طريقتين

الأولى :
تاخذ سيارة من أي مكان في ماليزيا وتوصل لميناء كوالاتيرنجانو .. ومن هناك بالقارب لمدة ساعة الى جزيرة ريدانج

الطريقة الثانية ( اللي جربتها ) :
عن طريق الطيران فقط من كوالالمبور الى جزيرة ريدانج ولا تستطيع الذهاب اليها جوا من أي مكان عدا كوالالمبور .. الطيران الناقل الى ريدانج كان طيران برجايا ( طائرات مروحية وليست نفاثة )


تكلفة الرحلة لجزيرة ريدانج كانت كالتالي :
الطيران من كوالا الى الجزيرة : 1900 ريال ( لخمسة أشخاص ) ذهاب فقط
الذهاب من جزيرة ريدانج الى مرتفعات الكاميرون : 900 ريال بواسطة باص خاص
السكن : 5000 ريال لمدة ليلتين .. وهي بالمناسبة تكلفة الباكج كاملة لخمسة أشخاص ..
الباكج كان عبارة عن ( غرفتين + افطار + غداء + عشاء + رحلتين يوميا للسنوركلنج لكل شخص )


يعني ما راح تدفع هناك الا مشترياتك الخاصة والباقي مجاني

مع ملاحظة ان المنتجع لا يوجد به سوى مطعمين فقط..
و المطعم المشمول في الباكج عبارة عن بوفية مفتوح وما أعجبنا أكلهم
أما المطعم الآخر فهو مطعم عادي يقدم الفطائر والوجبات البسيطة


مالكم بالطويلة .. وصلنا لكوالالمبور وكان يوم الوصول يوم راحة ومن بكرة بنمشي لريدانج ( أهم شيء بالنسبة لي وماعلي من أهلي خخخخخ )
قمنا الصباح بدري على الساعة 8 الصبح .. وأفطرنا وتوجهنا لمطار صوبانج وكانت رحلتنا الساعة 11 ونصف
وهذي صور من مطار صوبانج اللي ماكنت اتوقعه كذا .. بصراحة جميل وصغير .. وهو بكل المقاييس أفضل من مطارنا مطار الملك خالد ((( الدولي ))))
هذي صور للمطار ( الأنيق )
















الرحلة كانت حلوة والطيارة ما فيها الا عشرين واحد تقريبا .. والعرب الوحيدين في الطيارة كانوا أهلي

وصلنا لملحق ريدانج .. آسف أقصد مطار ريدانج .. والله ان بيتنا اكبر من المطار

المطار ما أبالغ لكم ... كان صغييييييير لأابعد درجة مجرد غرفتين وحوش ههههههه
هذي صور للمطار




هذي صورة ( صالة القدوم و استلام الأمتعة وصالة المغادرة وو ... المهم ان هذا الحوش يقوم بجميع المهمات خخخخ)



وهذي صورة اللي بيجيب العفش حقنا



وهذي خريطة جزيرة ريدانج .. الدائرة الكبيرة هي موقع المنتجع .. والصغيرة هي موقع المطار



الحين أقدر أقول ان مطار الملك خالد أفضل من هذا المطار بشوي ( لأنه مكيف فقط ) 

ويوم وصلنا لمطار ريدانج كان باص المنتجع ينتظرنا ..

وركبناه ( طبعا الباص عيا يشتغل وقمنا ندف معهم الين الله سهل لنا واشتغل الباص خخخخخ )

كنت احسب اني بالباص راح أوصل للمنتجع .. ولكن قالوا المنتجع مافيه طريق يوصل له الا بالقارب ..

فأخذنا القارب ورحنا للمنتجع ..

وهذي بعض الصور خذتها وحنا بالطريق للمنتجع من مطارهم الصغنون
















هذي صورة للمرفأ حق المنتجع من بعيييد


طبعا كنا كلنا متشوقين اننا نشوف هذي الجزيرة ..


هذا إسم المنتجع اللي خذناه


ومكتوب في الصورة " خطوة من الباب الى الفردوس "


يتبع ..





المشاركات

EXCEPTION EXCEPTION
جزيرة ريدانج ... ماليزيا الحقيقية !!


من هنا بأوقف البربرة .. وبأخلي الصور تتحدث ..
ولكن قبل ما تبدأون .. أقولكم .. والله ان الصور أقل روعة من اللي شاهدناه على الطبيعة ..














بما أننا خمسة أشخاص أخذنا غرفتين .. غرفة مطلة على البحر مباشرة .. وغرفة مطلة على الحديقة
هذي الغرفة اللي ع البحر .. وهي بالضبط نفس الغرفة الثانية لكن من دون البلكونة



داخل الغرفة


اطلالة البلكونة






هذي البقاله ( اللي اتغدا واتعشى منها ) لان مطعهم الله يكرم النعمه بس ... ماعجبني


هذا المسبح اللي تابع للمنتجع






شقلبة بسيطة تعبر عن مدى وناستي ... خخخخخ


جلسات على المسبح





طبعا استغليت الفجر وتوها طالعه الشمس والبحر فاااضي وصورت هذي الصور :








ورحنا نتمشى ونشوف المنتجعات اللي حولنا هذا منتجع مدري وش اسمه بس شكل

جلساته حلوه





وطبعا مثل ما قلت لكم .. كنا ماخذين باكج تشمل رحلات السنوركلنج ..

وهذي صورة من رحلات السنوركلنج .. شوفوا صفاوة البحر :




لا أحد يضحك على العصاقيل .. هذا اللي ربي عطاني .. خخخخخخخ














وبعد ما عشنا أجمل اللحظات على هذي الجزيرة الساحرة ..

انطلقنا بالقارب من المنتجع الى مرفأ ولاية تيرنجانو ..

وكان عناك باص خاص اتفقنا معه عن طريق المنتجع .. علشان يودينا الى مرتفعات الكاميرون


استغرق الطريق مننا 10 ساعات :(

مع انه كان المفروض ما ياخذ الا ست ساعات .. لكن الطريق الى مرتفعات الكاميرون كان مزززززدحم جدا .. لأنه كان اجاز اليوم الوطني عندهم وكل الماليزيين يروحون لمرتفعات الكاميرون



وبكذا نكون وصلنا الى اخر التقرير البسيط والمتواضع .. وكان ودي أحط صور أكصر .. ولكن ما أدري وين راحت الصور :(

وفي النهاية .. نصيحة لمن سيذهب الى ماليزيا .. اذا مارحت لهذي الجزيرة او الجزر القريبة منها فأنت فوت عليك 60 في المية من متعة ماليزيا

وكلامي هذا قلته لكم بعد زيارتين لماليزيا

تحياتي لكم .. وأتمنى انكم استمتعوا بهذا التقرير الصغير اللي كنه مطار ريدانج خخخخ
واذا كان فيه أي سؤال أو استفسار عن هذي الجزيرة أو طريقة الوصول لها أو الخروج منها
فأنا حاضر

الى اللقاء


AL3DNI AL3DNI
جزيرة ريدانج ... ماليزيا الحقيقية !!


ما شاء الله احب هذه الجزر المعزوله

كانت زيارتي الاولى لجزيرة لنكاوي


الثانيه زدت عليها بانكور و بينانج


الثالثه ان شاء الله نضيف ريدانج


اشكرك على التقرير الحلو


وتقدر تفيدني كم يكلف لشخصين ؟ بدون بكجات ؟


لص مبتسم لص مبتسم
جزيرة ريدانج ... ماليزيا الحقيقية !!


اه اه اه ع جمال الجزيره والله كانت في الخطه لكن كنسلتها لاني ماحصلت تقارير عنها

وبقريرك هذا واحترافيه الصور زاده الاصرار ع هذي الجزيره


وش نوع الكاميرا والعدسه ؟

ويعطيك العافيه يالغالي


EXCEPTION EXCEPTION
جزيرة ريدانج ... ماليزيا الحقيقية !!


المشاركة الأصلية كتبت بواسطة AL3DNI
ما شاء الله احب هذه الجزر المعزوله

كانت زيارتي الاولى لجزيرة لنكاوي


الثانيه زدت عليها بانكور و بينانج


الثالثه ان شاء الله نضيف ريدانج


اشكرك على التقرير الحلو


وتقدر تفيدني كم يكلف لشخصين ؟ بدون بكجات ؟
هلا وسهلا أخوي ..


أنا قمت بالحجز عن طريق موقعهم .. لان بوكنج الظاهر انه مو متعامل معهم ..


الحجز عن طريق موقعهم على هذا الرابط :


https://www.lagunaredangapps.com.my/...ation.html.php


وموقعهم ما يعرض الا الباكجات .. واذا كنت ما تبغى الباكجات لازم تتصل على مكتب المبيعات حقهم على هذا الرقم :
0060321411188


وهو موجود في كوالالمبور وهذا مكانه في كوالالمبور :

ع العموم .. ومن تجربتي لا تعتمد على أي وسيط بينك وبين المنتجع لأنهم جميعهم سيعطونك بسعر أغلى من الذي يعيك اياه المنتجع


واذا احتجت اي مساعدة أنا حاضر


AL3DNI AL3DNI
جزيرة ريدانج ... ماليزيا الحقيقية !!


المشاركة الأصلية كتبت بواسطة EXCEPTION
هلا وسهلا أخوي ..


أنا قمت بالحجز عن طريق موقعهم .. لان بوكنج الظاهر انه مو متعامل معهم ..


الحجز عن طريق موقعهم على هذا الرابط :


https://www.lagunaredangapps.com.my/...ation.html.php


وموقعهم ما يعرض الا الباكجات .. واذا كنت ما تبغى الباكجات لازم تتصل على مكتب المبيعات حقهم على هذا الرقم :
0060321411188


وهو موجود في كوالالمبور وهذا مكانه في كوالالمبور :

ع العموم .. ومن تجربتي لا تعتمد على أي وسيط بينك وبين المنتجع لأنهم جميعهم سيعطونك بسعر أغلى من الذي يعيك اياه المنتجع


واذا احتجت اي مساعدة أنا حاضر


تسلم يا غلا على المعلومات


EXCEPTION EXCEPTION
جزيرة ريدانج ... ماليزيا الحقيقية !!


المشاركة الأصلية كتبت بواسطة لص مبتسم
اه اه اه ع جمال الجزيره والله كانت في الخطه لكن كنسلتها لاني ماحصلت تقارير عنها

وبقريرك هذا واحترافيه الصور زاده الاصرار ع هذي الجزيره


وش نوع الكاميرا والعدسه ؟

ويعطيك العافيه يالغالي
أهلا وسهلا أخوي ..


أنا بالعكس أحب أروح للأماكن اللي ما راح لها أحد .. أذا بغيت أشوف المكان اللي أروح له ولا لقيت له تقارير .. ادخل على خرايط جوجل .. وأشوف الصور حوالي المكان اللي بروح له


والكاميرات اللي استخدمتها :


- كاميرا كـانون d600 ( واستخدمت عدستين ما أعرف اسمائها خخخخ الاولى للزوم والثانية للعزل )
- كاميرا ايفون 4
- كاميرا تستخدم للتصوير تحت الماء استأجرتها من المنتجع بـ 100 ريال لمدة يوم كامل


تحياتي لك وأسعدني مرورك :)


kunpaypal kunpaypal
جزيرة ريدانج ... ماليزيا الحقيقية !!


إضافة جميلة منك يأخي الكريم وبارك الله فيك

ماليزيا كلما تكتشف منطقة تجد نفسك

كأنك مازرتها من كثرة الوجهات السياحية اللي فيها

ماشاءالله على تنظيمك بالتقرير وأسلوبك الرائع

و الصور Full HD كأني أحس إني بالجزيرة (ول)

قلنا ماشاء الله

الله يعطيك العافية وماقصرت


ابوعبدالله ( الاسفار ) ابوعبدالله ( الاسفار )
جزيرة ريدانج ... ماليزيا الحقيقية !!


الغالى اكسبشن

تقرير مميز لاحد جزر ماليزيا الرائعة و هى جزيرة ريدنج

تراهن ان عصاقيلك احسن من عصاقيلى !!! ما شاء الله و لا قوة الا بالله

نتلهف الى تقارير الجديدة بين حين و آخر

تقبل احترامى


lover121 lover121
جزيرة ريدانج ... ماليزيا الحقيقية !!


تعجبني الجزر امثالها في الهدوء والرومنسية


حينما يسافر الإنسان للسياحة يريد الهدوء والابتعاد عن الصخب وروتين العمل الممل..


فأجمل مكان هو جزيره كهذه ... قمة الرومنسيه


شكراً أخوي على طرحك المميز



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25% خصم يصل إلى 25%

Share

جزيرة ريدانج ... ماليزيا الحقيقية !!