الاردن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
من المعرفة للحكمة
09-12-2022 - 12:09 am
اهلا بيكم يا شباب. انا من مصر و ان شاء الله نويت العزم علي السفر لمده أسبوع للاردن لاني بحب الشتاء و المطر و بحب التصوير ،
و اختياري للاردن نشأ من وجود بعض القلق المتواجد بين البلدين حاليا نتيجه سياسه مش شعوب. فسؤالي انا قريت اني هعمل الفيزا السياحيه لما اوصل المطار. بس سؤالي للي عنده خبره و سافر من مصر قبل كده مش محتاج فيزا من السفاره و ياريت لو تقدروا تقولولي ايه افضل الاماكن الطبيعيه عندكم. و هل اختياري للسفر في الوقت ده موفق ام غير موفق؟
تحياتي ليكم


التعليقات (5)
تأبط حبا
تأبط حبا
أنا من ثلاث ايام جاي من عمان ..ما عندي فكره عن موضوع الفيزا .. لكن أنصحك تروح جرش فيها جبال وغابات جميلة وعمان حلوه بالشتاء أتمنى لك رحله سعيدة.

seen209
seen209
اهلا بيك بالاردن ... انا سمعت ان الفيزا عند الوصول للمصريين ومدة شهر .. بس عشان تكون مطمئن اتصل بالسفارة الاردنية بالقاهرة واتأكد من المعلومة... بالنسبة للمواقع جرش جميلة ولا تنسى زيارة البحر الميت... واذا في عندك وقت زور البتراء واذا فكرت تعالج جسمك روح على حمامات ماعين (الدخول برسوم) وحاول تزور محافظة مادبا وخصوصا جبل نيبو وبالنسبة للامن مافي مشاكل والوضع اقل من عادي . اي استفسار انا جاهز

من المعرفة للحكمة
من المعرفة للحكمة
الف شكر يا شباب. انا هروح بكره احجز علي الخطوط الملكيه الاردنيه و هكلم السفاره
تسلمو كتير. و لازم اجرب المنسف ههه
ان شاء الله ، الاردن كلها جميله اما بالمنطر الحضاري كعمان او كمناظر طبيعيه كجرش و العقبه. كان نفسي اروح البتراء بس اظن هتكون صعب في الشتا

من المعرفة للحكمة
من المعرفة للحكمة
انا كلمت السفاره امبارح بس كنت مصدوم معرفتش ارد عليكم. كانت موظفه و اسلوب الرد كان غير ودود بالمره يعني شويه و كانت هتقولي انت جبت نمرتنا منين
المهم المطلوب.
1- الف دولار كاش مفهمتش ليه
2-حجز فندق مؤكد و مدفوع( طب اصحابي الاردنيين كانو شافولي شقه استديو ) :/
3- ورق من مجمع التحرير مش عارف ايه
4- تذكره ذهاب و اياب
مش عارف ليه كل التعقيد ده كنت عاوز اروح ليله راس السنه اكون هناك :/
اصحابي قالولي هيروحو يسالو هناك ليه التشدد ده مع دوله المفروض في تبادل سياحي مفتوح بين الدولتين . يعني مظنش مصر بتعمل كده مع الاردن.
انا رحت النهارده اشتكي السفاره علي سوء التعامل و الاسلوب الجاف الموظفه عاملتني بيه في وزاره الخارجيه المصرية لانها كده هتكره الناس يزورو دوله جميله زي الاردن و شعبها الطيب.
مفيش نصيب اكون وسطكم يا النشامى السنادي .
تنورونا في مصر و شكلي هطلع علي الاقصر السنادي
وان شاء الله تتعوض

seen209
seen209
مومشكله انا استفسر عن الموضوع بس انا سمعت ان الفيزا ما بيها تعقيد على العموم انتظر ني رد


خصم يصل إلى 25%