هلا أخوي مرحباً سريبو
حياك الله حبيبنا وتايلند كما يطلق عليها بلد الحرية ، تايلند أكثر إنفتاح من إندونيسيا وأكثر سياحة فيها بانكوك وبتايا وفوكيت وشانغهاي
فا من ناحية شخصية وانا رايح لإندونيسيا كثير اقول لك اندونيسيا حلوة بس تايلند أحلى بكثير ، مشكلة تايلند الوحيدة هي ختم الدخول .
بالنسبة للورقة للي ما عنده سجل تجاري صعبة شوي مع العلم انه فيه ناس ممكن يسونها لك بمبلغ مو سهل لكن صدقني المغامرة ولا أحلى منها أغلب اللي رايحين إذا ما كانوا 90% من اللي يرورحون تايلند ما معهم ورقة وراحو ورجعوا ومشت أمورهم . أهم شيء أحرص انك تطلع من البحرين او دبي او قطر لا تكون رحلتك مباشرة من السعودية هاه وش رايك فيني
طيب بالنسبة للفنادق ما عندك اي مشكلة في الحقيقة فنادق تايلند ارخص من فنادق إندونيسيا وأنت شكلك من رواد السنترال لولا ، عندك في بانكوك فندق قريس اسم اشهر من علم فندق كبير ومشهور انه للعرب وحول المنطقة العربية في بانكوك واسعاره من 750 إلى 950 بات لليلة الواحدة.
وفي بتايا في فندق VC فندق حلو ونظيف وسعرة برضوا من 750 إلى 950 بات لليلة الواحدة.
اسعار صرف الدولار ال 100 دولار ب 4000 بات ممكن تزيد ميه أو تنقص ميه حسب سعر الصرف وقت روحتك.
BIGGGGGGG BOSSSSSSSS

السلام عليكم
بحكم اني كويتي مراح اقدر اجاوب على السؤال الاول اما السؤال الثاني
مراح ازيد على اخوي بق بوس شيء الى انه بالنسبه لك جريس وايد حلو للعزابيه
وفي غرف 500 بات تقريبا3.750دينار يعني تقريبا 45ريال واغلى غرفه 1060 بات يعني 7.5 دينار كويتي يعني 90 ريال
في بتايا السويت 1500بات والغرفه العاديه 750 هذا بفندق فيسي VC
صرف الدولار قبل فتره بسيطه 100 دولار 3900 وعلى قولت اخوي بق بوس ينقص ميه ويرتفع ميه ودمتم
اخوك الصغير مراهيش

أخوي يا الكويتي – أنا من أهل ديرتك الكويت الحبيبة – ياريت لو تفيدني أي الفنادق الزينة بروح أنا وزوجي بشهر 9 – أرغب بمعرفة فندق زين مناسب بس مو غالي يعني متوسط الأسعار في بانكوك وياريت بعد في بوكيت –و شنغاماي (إذا مو غلطانة بالأسم ) .
قبل سنتين رحنا وقعدنا بفندق زينيث – حلو مش بطال بس المنطقة اللي فيه ريحتها خايسة من العربانات اللي تبيع زهيوية ودود بالشارع – نبي فندق بمنطقة أحلى وقريبة من الأسواق ( ياريت تدلينا الأسواق الزينة والرخيصة ) وما عليك أمر بعد قريبة من المطاعم العربية عشان ما نتوهق – وأشلون نركب القطار ووين نروح فيه ؟؟ يعني يصير يودينا سوق مثلاً ومن وين نركب
ياريت تفيدني إذا تقدر تفيدني ؟؟؟ وأشكرك مقدماً ؟
ياريت الأعضاء والمشاركين الكرام اللي عندهم فكرة يفيدوني بعد ،،،
مشكورين وايد مقدماً .

السلام عليكم يا اختي تبين السوق في شنغ ماي في سوق الليل
بس أحسن تسوق في بانكوك العاصمه أرخص لج وايد
بوكيت في البق سي أسعاره مناسبه وايد
أما للفنادق زوري الموقع الي حاطه وشوفي الفندق والسعر الي يناسبج والموقع