راكان بن بندر
08-05-2022 - 05:35 am
السلام عليكم ورحمة الله وبركاته
اخواني انا مسافر ان شاء الله بداية يناير
وحجزت كل شي بس ابي احجز في لنكاوي فندق الشيراتون ولكن تفاجأت
ان موقع البوكينق يقول لايمكن اجراء حجوزات على هذا الفندق ياليت اذا احد عنده طريقه اخرى لحجز الفندق من
غير اللجوء الى المكاتب السياحيه
وفضلا لا امرا ابي رقم سواق في لنكاوي و بيننغ
وناوي اطلع الى ايبوه ازور الوورد من بيننغ وارجع الى بيننغ
متى افضل وقت وطريقة التنقل
>> كل هذا استفسار بسييط وعن الشيراتون
وشاكر ومقدر للجميع
فنادق ماليزيا
متى افضل وقت وطريقة التنقل
بسيطه
تحجز باص من بينانج الى ايبوه ذهاب وعوده
الذهاب يكون الصبح .. مثلا 9 الصباح ( المسافه الزمنيه تقريبا ساعتين الى ساعتين ونص بالكثير ... يعني توصلون تقريبا 11 الى 11ونص للمحطه ... وبعدين مشوار ثاني يمكن نص ساعه او اقل الى الحديقه ... يعني خلنا نقول توصلون 11:45 صباحا ا
العوده تكون قبل المغرب ... مثلا 5 العصر ( يعني تغادرون الحديقه على 4 تقريبا ... توصلون بينانج على 7 تقريبا ... وتكونون بالفندق 7 ونص او 8 )
طيب من 12 الظهر الين 4 العصر : هل تشوفونها كافيه لكم ؟؟ وهل فعلا المنطقه تسوى كل هالمشوار من 9 صباحا الى 7 ونص مساء .....
وعلى فكره ترى المسافه الزمنيه من كوالالمبور الى ايبوه تقريبا نفسها من بينانج الى ايبوه >>> يعني ممكن تزورها من كوالالمبور.
خلاصه الكلام : اذا ودكم في ايبوه ... انا اشوف انكم تخصصون لها ليلتين او ثلاث ...
تروحون للحديقه المائيه + تزورون كاميرون من الصباح الين المساء + زياره لبعض مزارات المنطقه من حدايق وغيرها + تحجزون رحله نهريه + زياره لبعض الكهوف
بالتوفيق