انا وحده عندها زهايمر خ علشان كذا حبيت اقولكم عن برلين دام انا فيها قبل لاانسى وتروح عليكم
بكره ان شاءالله طالعين من برلين .. احب اقولكم عنها انها روعه روعه روعه في الكريسمس خياليه والله العظيم ماتوقعتها كذا كلش ... تدرون لما زوجي قالي برلين شوي ضقت لانها مب مشهوره واجد بس اكتشفت انها اجمل منطقه في المانيا واكثر منطقه المانيه شفتها الحياه فيها اطول عكس مدن المانيه ثانيه انا زرتها في الشتاء محد كان يمشي فالليل الا احنا
واللي بيزور برلين انصحه بفندق كونكورد انا اشوفه مايستحق 5 نجوم لانه غير عن اي فندق بمستوى 5 نجوم بس الحلو فيه واللي يشفع له ان الغرف حقته وسيعه غير عن فنادق اوروبا والشارع اللي جنبه نسيت اسمه روعه اتقولون الشانز يشبهه والليتات فيه الحين وش كثر على الشجر والاغصان علشان الكريسمس اجواء روعه وفي حركه طول اليوم ماتموت ابدا
وعيوبه ان الغرفه ابدا مافيها ارسال الا شي بسيط يعني في الغرفه انسو تكلمون حد او تتواصلون مع حد عن طريق الببي او اي وسيله ثانيه
في فيديو موجود في اليوتيوب عن كريسمس بريلن للي حاب يشوف الكريسمس والاجواء
اسفه طولت عليكم بس حبيت اقولكم ان برلين خياليه شوي عليها وحرام ان العرب يفضلون ميونخ عليها لانها ماتسوى كلش مقارنة في برلين حتى الاسعار هنا والله رخيصه ارخص من قطر تتخيلون
ومن جينا برلين والثلج ماوقف 3 ايام كلها ثلوج واليوم مطر عاد اخذو الزلق ثلج ونزل عليه مطر اشكثر اشوف يطيحون قدامي امس وحده طاحت وشكلها انكسرت لان ماقدرت تتحرك واللي يبي يحركها اتصرخ من رجلها جابو لها الاسعاف وعجوز حرام كبيره طاحت على راسها من ورا انا قلت ماتت الطيحه خشنه واجد سبحان اللي خلاها اتقوم بس صدق اجواء احس حلات الكريسمس مع الثلج جد واو الكشكات حقت الكريسمس وزينتهم وليتاتهم مع الثلج شي خيالي
للي حاب يزور اوروبا في الكريسمس ومحتار وين يروح انصحه وبقوه في برلين وبتدعون لي
بالتوفيق للجميع ويارب اتكون المناطق اللي اخترتها الثانيه حلوه نفس برلين وجد جد انا حزينه لان بكره بنروح وبنودعها فراقها صعب
في امان الله