1. 3 ايام ميونخ والرابع نطلع سويت


2. وفي ميونخ ماقدرت اميز بس بالاماكن الزحمه وخاصه لو عرفوا انكم خليجيين

السلام عليكم ورحمة الله وبركاته
ولو كان هالموضوع متاخر نوعا ما لكن حبيت افيد لو بالقليل
اعضاء كثير هنا قدموا لي نصايحهم اللي افادتني كثير وكانت بمحلها
ولولا ظروف الجامعه والدراسه والوقت كان اضفت الصور للموضوع
نجي للمهم
اولا- الرحلة كانت ل ( ميونخ ، زيلامسي ، فينيسيا ،باريس) لمدة 17 يوم غير الذهاب والعوده 19 يوم
ثانيا- الحجز : كان حجز الطيران قبل ب 6 شهور تقريبا والسكن ع فترات مختلفه واخرها قبل السفره بشهر
ثالثا- الرحله عبارة عن 3 اشخاص بنتين وبابا الله يطول بعمره ويخليه لنا
رابعا- كل شي تم حجزه بالنت طيران سكن طيران داخلي ،عن طريق الفيزا
خامسا- الفيزا حنا عملناها بالخبر السفاره النمساويه
سادسا- ماحجزنا سياره لانو لو بنحجزها بابا حيجيب فينا العيد ورح يلف فينا اوربا كلها

• بما انو انا اللي كان فوق راسي كل حاجه والتخطيط وبابا مريح راسو

رح اخبركم عن نقاط مهمه قبل السفر حصلت لنا ، مثلا يوم جينا نطلع فيزتنا من السفاره النمساويه رفضوها بحجة انو لازم الايام بالنمسا اكثر مع انو كان متساوي مع منطقه ثانيه رحنا عملنا حجز وهمي وقدمنا الاوراق من الجديد ،وبالنسبه لصورنا انا واختي نفس الجواز وبالعكس اختي كان حجابها من الجنب ملخبط ومغطي خدها شويه ولا قالوا شي وطلعت الفيزا الحمدالله

• خطأ غلطنا فيه :

صرفنا 30 الف ريال قبل السفر كاش واخذناه معانا بالاضافه لفيزتين وصرافه
وكان مفروض نصرف مبلغ اقل من كذا ونترك الباقي في الفيزا
مصاريف الرحلة :
بما انو انا اللي شايله كل الامور قبل الرحلة وبابا اثناء الرحله فلازم اثبت انو انا قدها ههه
اول حاجه جت ببالي قلت انو نختصر بالسكن والطيران بحيث انو مابيكلفنا كثير وماهو كمان معناتوا نسكن سكن موب كويس !
والحمدالله كان كلو تمام ومثل ماكان في نفسي
التذاكر ل3 اشخاص كانت ب 6300
السكن ل 17 يوم 8000 وشويه ل 3 اشخاص
8ايام باريس والتاسع نطلع سويت
4 كابرون والخامس نطلع شقه ( كانت مفروض 8 ايام بعدين صارت 5 ايام و السادس نطلع لانو كنا حاطين لفينسيا يوم واحد وقلنا رح يكون تعب فخليتها 4 ايام والخامس نطلع لفينيسيا )

3 ايام ميونخ والرابع نطلع سويت

2فينيسيا واليوم الثالث نطلع مدة الرحله من زيلامسي لفينيسيا يمكن 5 ساعات كذا طلعنا بدري الصباح ووصلنا بكير هناك ع الظهر كنت حاجزتها سويت بس يوم وصلنا لقيناها غرفتين نوم بينهم ممر وتواليت ومطبخ صغير وبالعكس كانت مرا مريحه
حجزنا طيران ايزي جت من فينيسيا الى باريس ل 3 اشخاص بسعر كويس اتوقع الف ريال او الف وميه

حجزنا قطار في ميونخ لزيلامسي ومن هناك حجزنا لفينيسيا
السرقات : تعرضنا للسرقه اكثر من مره الوالد تعرض للسرقه مرتين في ميونخ بس ماقالنا عشان مايضايقنا
بس كانت الحمدالله سرقات خفيفه
في باريس اختي انسرقت في الاوتلت كانت قبلها مشتريه حاجات فيمكن انسرقت بالمحلات اللي قبل والوالد طمنها وسحب لها ثاني
وقالها مافيه الا الخير واهم شي انتي سالمه وانتبهي
الموقف الثالث كنت بميونخ في مطعم ورحت التواليت وكانت في وحده تناظر فيني وانا اغسل قالت عطيني فلوس وماكان عندي فلووس لانو اول يوم لنا ومامعايا حاجه جد قلت لها انو ماعندي
فجاه مسكتني من كفي وجلست تقولي هالماركه غاليه تقصد ساعتي وكانت تلمسني من جهة الساعه وحسيتها تحاول تفكها رحت انا سحبت ايدي بقوه منها وقلت لها ترا في بوليس برا لاتفكري تسرقي وطلعت بسرعه
اكثر الاماكن اللي تكثر فيها السرقات في باريس في الاوتلت والشانز واعتقد المترو لانو زحمه

وفي ميونخ ماقدرت اميز بس بالاماكن الزحمه وخاصه لو عرفوا انكم خليجيين

اخطاء في الرحلة : حنا اعتمدنا ع التكاسي جربنا المترو مرتين في ميونخ وضيعنا وبابا بعدها قال ايش حادنا واعتمدنا ع التكاسي في ميونخ وزيلامسي جربنا الباص وكمان كان ينزلونا بمحطات ماندري فين حنا ونرجع نركب تاكسي وفينيسيا كنا نقضيها مشي بس وفي وقت الوصول والذهاب للمطار تاكسي وباريس جمال الرحله كانت كلها تاكسي لانو كنا ساكنين كمان باللاديفانس مرة انا جربتوا اخر يوم قبل الرحله وكان سهل اسهل من تبع ميونخ بس للاسف بعد ايش

• اعتمدنا ع المطاعم العربيه في باريس وميونخ وزيلامسي وفينيسيا اكل ايطالي بما انو الوالد مابينفع ياكل فاست فود

التكلفه الاجمالية : بما انو حنا كنا معتمدين ع التاكسي ممكن هالشي كان ماهو من صالحنا
لكن مجموع التكلفه ل 3 اشخاص 17 يوم مع التذاكر والسكن والتسوق 68الف غير اللي سرقوا
واخيرا لو بفكر ارجع ل 4 دول هذي حرجع لمين ؟
بآآريس
اتمنى انو اكون افدتكم ، واي استفسار ان شاءالله افيدكم