السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بوابة الغربية
11-12-2022 - 01:34 am
السلام عليكم
اول شي حابة اشكر وصايف الحجاز و اغلى الغاليات ماقصرو معاي ومتابعين للموضوع اول باول
جزاكم الله الف خير
حجزت بفندق الحمراء سوفتيل سعر اليوم 1429 ريال وسوولنا خصم عشان عمل زوجي ل 1150 مع انهم كانو يقولون الخصم مايشمل الشقة يشم السويتات والغرف ماعلينا
فقالو بيرسلون رقم الحجز عالجوال واخدتو مبلغ ليلة من البطاقة الائتمانية وللحين ماوصلني الرقم
اتصلت عليهم الحين يقولون خلص الدوام لازم اتصل بكرا ، ممكن الحجز يكون ماتاكد بدون الرقم ؟
والمبلغ اللي اخذوه بدون رقم !
مو عارفة بصراحة ايش اسوي خصوصا ان في كل مرة نحجز الرقم يجيني من رقم احد من الموظفين مو من الفندق !
وبعد ابي اسماء مطاعم جديدة
امريكية ايطالية بحرية
بس تكون نظيفة و مرتبة
وبعد فيه اماكن غير الشلال و دريم لاند ؟
اقصد اماكن للاطفال
وياريت تسوولي جدول للاماكن اللي ممكن نزورها بدون مولات طبعاً
اقصد اماكن للاطفال ، مطاعم ، اماكن مثل البلد يعني للتمشية وكذا
ومشكورين مقدماً


التعليقات (7)
وصايف الحجاز
وصايف الحجاز
وعليكم السلام ,, حياك الله حبيبتي لا شكر على واجب
بالنسبة للفندق اتوقع حجزك تمام مادام سحبوآ المبلغ ,, وكليميهم اكيد راح يعطونك رقم الحجز
بالنسبة للمطاعم وش المطاعم اللي سبق وزرتيهآ عشان ما نكررهآ لك في الجدول
الملاهي الافضل الشلال والهابي لاند هيا التوب

تواصل/22
تواصل/22
أختي وين الفندق هذا بأي مدينة

بوابة الغربية
بوابة الغربية
تسلمي ياقلبي جزاك الله خير
الفندق الحين بتصل واخذ الرقم وبشوف
المطاعم اللي رحتها فرايديز الفيلاجيو قدورة عمو حمزة تشيليز حلواني كويزين سوشي يوشي هذه اللي اذكرها الحين
ايه ياريت لو فيه مطعم ياباني قريب من فندق الحمراء سوفتيل ابي اسمه و ووصف المطعم
اخوي تواصل الفندق في جدة في شارع فلسطين قبل مستشفى سليمان فقيه

# أبو نورة #
# أبو نورة #
افضل ياباني مطعم بنيهانا عند فندق الرمال بحي الحمراء ( دانوب التحليه )
هو قريب من الفندق .. زمن خمس الى عشر دقايق بالكثير ..
ممكن تدخلونه من وسط الحي ..
وممكن من بعد مستشفى سليمان فقيه يمين تمشون الى قبل اشارة التحليه بلفتين يمين .. والوصف الثاني هو الاسهل

بوابة الغربية
بوابة الغربية
استغفر الله العظيم ، اتصلت على الفندق وحولني للحجوزات وكلمت الموظف وقال ان حجزي التغى من الجهاز لانه قبل السنة الجديدة اي حجز بعد السنة الجديدة لازم احجزه يوم 1 يناير
احنا عدلنا سفرنا وسار يوم 18 يناير وقلتله سحبتو المبلغ كيف يلتغي قال لي بعطيك حجز جديد بدون تحديد السعر وكل 3 ايام تابعينا بالرقم هذا والسعر مو محدد بنحدده لك في بداية شهر يناير
ايش رايكم اسحب الحجز ولا انتظر واتابعهم ؟ وهل في طريقة لمتابعتهم يومياً عن طريق النت بالرقم الموجود عندي ؟ ، يعني في يناير بيحدد لي السعر 1150 او 1429 وخايفة يلتغي مثل القديم وفي يناير مااحصل حجز شقة كالعادة لازم نحجز قبلها بشهر اسبوع او اسبوعين يقولون فل !
ابو نورة جزاك الله خير اعرف فندق الرمال مشكور

بوابة الغربية
بوابة الغربية
سبحان الله وبحمده سبحان الله العظيم

وصايف الحجاز
وصايف الحجاز
^^
اشوف انك تحجزي من بوكينج وتمشى على المضمون وريحي راسك ,,,
المطاعم ( البابايا / يمي يمي / بشارع الاندلس وفلسطين عندك مطاعم كثير في هندي اسمة تكآ اكسبرس جنب تشيليز جيد او شيزان
كمان عندك الكورنيش الجديد لازم تشوفيه صار روعه ويفتح النفس
المولات ( ردسي مول + مجمع العرب )
منتزهات الكورنيش وابحر الشمالية ( كنز ابحر+ السقالة + الشراع + الجزيرة الخضراء )


خصم يصل إلى 25%