الامارات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
noona mohanned
09-12-2022 - 02:56 pm
  1. كانت مده اقامتي بالفندق من تاريخ 26 نوفمبر الى 30 نوفمبر يعني 4 ليالي

  2. بالنسبه للغرفه ثانيه نفس ديزاين بالضبط بس كينغ بيد

  3. واللحين تعالو نشوف مرافق الفندق السبا و مسبح و بوفيه الافطار و لوبي

  4. ايجابيات الفندق :


السلام عليكم ورحمه الله وبركاته
الى قراء منتدى مسافرون العرب الاعزاء كما وعدتكم راح انزل تقرير عن فندق اوريس بلازا هوتيل البرشاء

كانت مده اقامتي بالفندق من تاريخ 26 نوفمبر الى 30 نوفمبر يعني 4 ليالي

طريقتي بالحجز كنت بالبوكيينق ادور فنادق فجأه اشوفه و تقيم حقه عالي و فايف ستار و سعر جدا ممتاز و موقع كذلك كنت متخوفه احجز بالبوكينق دخلت على ويب سايت حقهم وهذا هو
الميني بار

وهذي الترحيب حقهم عباره عن بيريه و و صحن فواكه و علبه جوكليت

وهذا جمب الحمام معزول عن غرفه

دوره المياه جدا كبيره و نظيفه و تحتوي على سماعات ميوزك و انواع شامبو و لوشين و جل شاور ولوازم الاستحمام جدا رائحتهم جميله

وهذا الفيو الغرفه على مول الامارات مرا قريب من فندق

بالنسبه للغرفه ثانيه نفس ديزاين بالضبط بس كينغ بيد

واللحين تعالو نشوف مرافق الفندق السبا و مسبح و بوفيه الافطار و لوبي

هذي المسبح اخر دور كان كبير و صباح مرا زحمه الاجانب بشكل مو طبيعي يفتح من ساعه 7 صباح الى 10 باليل و فيه كوفي شوب جمب المسبح للاسف ماصورته بسبب زحمه ناس امانه ماجربته يبيع ساندويتشات و برغر و مشروبات و كوفي و القعده مره جميله على المسبح و خاصه هالايام جلو حلو

و هذا سبا ليديز كان مرا هادي و ريلكس و مافي زحمه يفتح من 7 صباح الى 10 باليل عباره عن جاكوزي و ساونا و حمام بخار و تنظيف بشره بدكيرو مناكير و مساج كان خاطري اجرب المساج بس لما شفت الاسعار جدا جدا جدا مبالغ فيها و ماتسوى

واللحين تعالو نشوف بوفيه الافطار صحيت ساعه 9 صبح طلعا يفتح بوفيه الافطار من ساعه 7 الى 11 ظهر نزلت كان المطعم بالدور الاول و الا اتفاجئ بالزحمه بشكل ماتتخيل ومافي ولا طاوله فاضيه عطيتهم رقم غرفتي قالولي انتظري شوي على مانسوي لج طاوله بصراحه ماخلوني انتظر واجد يعني حوالي 10 دقايق الا نادوني انطباعي عن المطعم صغير و شوي كتمه مع ان ديكوراته حلوه اما عن طعام كانت الاصناف نوعا ما قليله و طعها مو مره و ازعاج و زحمه بس كانت الخدمه جدا ممتازه يعني اول ماقعدت بالطاوله وحده وقفت على راسي اي شي تبينه تجيبه
وهذا مطعم الافطار كان الشخص ب 85 درهم

بصراحه ماقدرت اصور البوفيه من زحمه ولكن صورت طاولتنا

اما اللوبي كان صغير مرا بس فيه على جنب كوفي شوب و فيه بعد قعدات حلوه و رايقه و فيه بعد قعده شعبيه و فيه بعد كوفي شوب للشيشه ما دخلت له
هذا لوبي

وهذا كوفي شوب جمب اللوبي

و بكذا خلصت صوري للفندق وسامحوني لقله الصور مثل ماقلت لكم كان جدا جدا زحمه عشان كذا ماقدرت اصور كل شي
واخيرا انطباعي عن الفندق

ايجابيات الفندق :

بصراحه جدا جدا الفندق نظيف و موقعه مرا حلو و منطقه البرشاء فيها مطاعم كثيره وخدمات
و هادئ و تكنولوجيا بالغرف جدا جميله كل شي باللمس يعني الجرس باللمس واذا تبي ينظفون الغرفه برضوا باللمس و بال TV كل شي يطلع لك يعني المسجات من فندق توصل لك بالتلفزيون و الانترنت كان مجاني بالغرف انت توسيه بالانترنت و ايضا الفاتوره حقتك تطلعها بالتلفزيون يعني هذي تنلوجيا جديده مرا حلوه و ايضا تتحكم بالانوار الغرفه بريموت خاص
اما بالنسبه الاثاث الغرف جديده و امانه راقيه
اما الخدمه حقتهم جدا راقيه حبوبين و طيبين جدا اخذت من ميني بار بطاطس كان سعره ب 45 درهم احسبوه لي ب 25 درهم
اما السلبيات :
بوفيه الافطار ما عجبني المطعم و الاكل مو 5 ستار
و لوبي كان ضيق وصغير
وبكذا ان شاء الله قدرت افيدكم بتقرير هذا الفندق الجميل و يستاهل 5 نجوم مع العلم انه جديد صار له سنه من افتتح
ومع سلامه ان شاء الله بتقرير جديد


التعليقات (8)
ابو صبا ,,,
ابو صبا ,,,
ماشاءالله تبارك الله ، فندق جميل جداً ولأول مره اقرأ عنه .. وهذا التقرير بإذن الله راح يفيد العرب المسافرون ..
الله يعطيك العافية ..
سبحان الله وبحمده ..

سعود بن محمد
سعود بن محمد
الحمد لله على سلامة العودة.
تقرير جميل جداً، و أعتقد بأنه الأول عن هذا الفندق، فلك كل الشكر و التقدير.
جزاك الله خيراً.

فيصل
فيصل
حمدلله علي السلامه
وأشكر تواجدك في البوابه الاماراتيه عبر الاستفسارات ومشاركاتك
كثير كل مااحط علي البرشا يظهر لي بس ما شفت تجارب قلت ما بدهاش
مع اني مره وقفت عنده بحجز قلت يا رجال كمل لأي فندق
شكرا علي التقرير

عامر الزعابي
عامر الزعابي
الحمد لله على السلامة اختي noona mohanned
تقرير جميل جداً فلك كل الشكر و التقدير.

لورد الخبر
لورد الخبر
بصراحة ماتوقعت الفندق بهذا الشكل ؟
الغرف تعتبر فخمة وحجمها ممتاز وضيافتهم رائعه وحجم المسبح ممتاز
شكراً على التقرير الرائع والحصري

noona mohanned
noona mohanned
ابو صبا ,,,
اهلا اخي فعلا الفندق جديد و تشجعت انزل عنه تقرير شكرا لك على مرور

noona mohanned
noona mohanned
سعود بن محمد
مرحبا اخوي يسلمك ربي , العفو منور الموضوع بالمورو شكرا لك

noona mohanned
noona mohanned
فيصل
مرحبا اخي فيصل يسلمك ربي من كل شر , بصراحه الفندق جدا نظيف و تعاملهم راقي ويستاهل الاقامه فيه ومناسب للعوائل شكرا لك


خصم يصل إلى 25%