omar.alfarooq
08-12-2022 - 03:56 am
بسم الله الرحمن الرحيم
قصتي مع فلاي دبي
اولا كانت الرحله من دبي الي جده وحجزتها قبل الموعد بثلاثه شهور وكل شي تمام التمام
طبعا شريت ساعه غاليه للوالده قيمتها مايقارب دينار وحطيتها في الشنطه في الشحن
علي العموم ووصلت جده اول ماوصلت البيت فتحت الشنطه الا الساعه مو مكانها لاني كنت مخبيها تحت الملابس ولقيتها فوق والبوكس مفكوك عموما حسيت اني انفشخت
فتحتها العلبه الا وفعلا انسرقت الساعه دقيت عليهم قالو راجع مكتب فلاي دبي عندك في جده
رحت نفس الليله ولا لقيت احد كل ماروح مكتب يصرفوني للي بعده وفي الاخير طبيت بواحد باكستاني في الخدمات الارضيه وقالي مايداومون الا وقت الرحله ويمشون (طاقم فلاي دبي )طبعا
اليوم الثاني واروح واقابل المنجر اسمه راجان سيرلنكي قالي اكتب محضر كتبت وحطيت كل شي ومنها صوره فاتوره الساعه وصور للشنطه وكل معلوماتي وقالي اسبوع وشيك معاي
شيكت معاه بعد اسبوع الا ويقول هي عموما مايمديها تنسرق هنا لان العفش ينزل بسرعه اكيد من هناك عطاني ايميل حق باقج سيرفيس حق فلاي دبي وقال ارسل ايميلك واهم شي صور الشنطه ومعلومات الرحله
وكل ثلاثه ايام وانا ارسلهم لي الان ثلاثه اسابيع ويردون نفس الرد يقول مو مسؤلين عن اغراضك حولنا قضيتك الي دبيcidوويشيكون الكميرات ونرد لك وانا بيني وبينكم غسلت يدي صراحه من بعد ردودهم لي عرفت ان كل واحد يرميني علي الثاني ولا المانجر الي في جده اول ما قابلته قالي انت مو اول واحد تصيرله السالفه هذي الاسبوع هذا فانصح العموم صراحه مايسافر عليها سيئه للغايه وشكرا واسف علي الاطاله
نصيحة بألا تضع أي شيء ثمين في الشحن، إلا إذا كانت الحقائب مغلقة بقفل أو رقم سري، فهي عرضة للسرقة، و من الصعب إثباتها، فعادة تعوض الحقائب المفقودة بمبالغ محدودة، بينما لا تعوض في مثل حالتك. و هذا ينطبق على جميع شركات الطيران و ليس فلاي دبي فقط.
اقترح عليك أن تتواصل مع شرطة دبي على هذا الرابط http://www.dubaipolice.gov.ae/dp/jsps/home.do.