1. زيارة قصيرة للبحرين


2. قمنا فيها مع المرور لمول فنيسيا بالخبر وهو هدف الزيارة

السلام عليكم

زيارة قصيرة للبحرين

قمنا فيها مع المرور لمول فنيسيا بالخبر وهو هدف الزيارة

لشراء فساتين الحفلات مثل ما سمعنا وما تم مدحه لهذا المول حبينا نروح ونتسوق منه وقلنا منها نروح للبحرين للمبيت والتمشي ليوم واحد فقط ...واللي انا والبنات ودنا اكثر كم ساعه على الاقل والبابا مصر على الرجوع الظهر يعني ما يمدينا نتمشى
المهم ام حسون تدري ان الجسر بالفترة اللي اختارها بيكون مزحوم من المسافرين السعوديين لانه اخر يوم من اجازة العيد عندهم ...بلغت ابوحسين فقال يصير خير انا ما ارجع بالليل ظلمة قلنا ما يمدي نرجع الظهر قال اشوف باجر
المهم نشوف شنو صار
وبداية سفرتنا الخروج من البيت الساعه 3ونص....الوصول لمنفذ النويصيب الساعه
اربع وربع تقريبا

وهذا كان جدامنا زحمة شوية

وهني منفذ الخفجي

خلصنا من المنافذ الساعة 4و50 دقيقة بالضبط
واخذنا طريقنا بدون توقف الا لتعبئة البنزين مرة وحدة
وصلنا الخبر الساعه 8 بالليل ونبحث عن فانيسيا مول والا يطلع قدامنا
وندخل فيه ونبدي التسوق
والصراحة بس ما عجبني غرف القياس يعني الوحدة تاخذ الفستان وتطلع تقايس بالغرف
ما ادري مشوار طيب البنت اذا تبي تعديل على الفستان شتسوي
مين يضبط القياس لها ما في بنات مختصين او في بس ما عرفناها
المهم احنا بس احتجنا تعديلات بسيطة ضبطناها بالكويت
المهم السوق عجبنا وايد واكيد بنكرر الروحه له

بعد ما تسوقنا وخلصنا فكرنا بالعشا وحسينا بالجوع
صعدنا للطابق الثاني عند المطاعم وما شاءالله مطاعم متنوعه وكثيرة
وطلبنا عشا البنات اخذوا باستا بالكريمة وانا باستا بالطماطم
طبقي عجبني اما البنات قالوا فيه حليب اكثر من الكريما
ووحدة فكت عمرها وطلبت هارديز وابوحسون متعشي قبلنا
طلعنا بعدها الى البحرين ورحنا من جهة البحر الى تحت الجسر

كوستا يبيله كوب بس الربع ما يبون

واحنا على اللون الاخضر طايرة عيونا بس ما في زحمة

من الجسر

ماكدونالدز محاربينه هالفرع احنا لان مرة طلعنا بدري الصبح علشان نتريق فيه
طلع ماعندم ريوق

اضواء البحرين من الجسر

ودخلنا البحرين

وطبعا ندور على شقق فندقية قلنا نروح حق شقق الدانه قبل مأجرين عندهم
والا نلاقيها صايرة سكن شركه
والا في كم هندي قاعدين قالو لنا هذا وهم ياشرون مقابل لهم شقق فندقية قلنا لهم جديد قالوا اي
رحنا ولقينا الشقة غرفتين وحمامين وصالة ومطبخ ب 55 دينار بحريني
بس صدقوني لان بالليل ما بين اسم الشقق وحتى لما سوينا الشيك اوت ما عرفت اسمه خ
ولا اخذ بوحسين الفاتورة بس ما ادري وين قطها
هذه علامة للفندق خ

وهذه بوابته

وهذا المبنى للشقق اخذته من اخوي لورد الخبر

المهم اشر لنا الهندي على المواقف ورحنا وقفنا ودخلنا من باب المواقف
وما طولنا بالشيك ان وهذه الشقة
نشوفها مع بعض
الغرفة الرئيسية

الغرفة الثانية

تكرمون الحمام

الصالة

المطبخ مجهز بالادوات الرئيسية طبعا ما استخدمناها

وهني يبين لكم باب الشقة ويصير خلف المطبخ الحمام الصغير اللي ما صورته

وبعد التصوير
صلينا وحطينا روسنا ونمنا
اكمل لكم الباقي بالجزء الثاني