لي رجعه بأذن الله

ربي يردك سالمة منتظرينك اختي الغاليةخذي راحتج

1. اليوم الاول الوصول


2. بس لاتكشخون في هاليوم واايد وراكم لعب


3. اليوم الثالث


4. اليوم الرابع والاخير

وعليكم السلام ورحمه الله
حياكم الله في ديرتكم
اول شي بالنسبه للسكن عندكم : فندق ايبيس السالميه او شرق بس انا افضل لكم السالميه - شقق بودل في شارع المطاعم - مارينا رويال في السالميه - سويت هوم في بنيد القار sweethomekw.com
الباجي كلهم اتحصلهم في بوكينغ انا اشوف ايبيس السالميه زين وموقعه ممتاز اللي يعيبه صغر الغرف لانه اقتصادي ..
الاحداثيات انا مااعرف لها بس من ترسون على فندق قول وان شاءالله اقدر اوصفلك الطريج

اليوم الاول الوصول

اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في مطعم ميس الغانم ( لبناني ) ، منطقة شرق ، على شارع الخليج العربي على البحر ..
بعد الغدا تروحون يمه سوق شرق اتمشون واتسوقون فيه وتقعدون في الكافيهات اللي على المرسى او اتأجرون طراد ويتمشى فيكم بالبحر اذا كان الجو حلو ويسمح انكم تطلعون بحر من عند مطعم مركز سلطان اللي عالبحر http://www.silsan.net/silsan/ وعقب ..
تروحون الافنيوز اهو اكبر مول الحين في الكويت واتكملون باجي يومكم فيه العشا مطعم ماكي (ياباني) او دين اند دلوكا او جيز كيك فاكتوري واتحجزون فيلم وادشون سينما ..
اليوم الثاني
الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وايد حلوو بوفيه وبعد الريوق اتمشون واتسوقون في المول او اتريقون في لادوريه كافيه عندهم خوش ماكروون

بس لاتكشخون في هاليوم واايد وراكم لعب

عقب ما اتخلصون سوق وتمشي اتغدون في مطعم B+F (امريكي ) وايد لذيذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحه http://www.facebook.com/group.php?gid=54325662250
ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
http://www.facebook.com/photo.php?fbid=146680515364330&set=a.146670982031950.21198.146408922058156
بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ملنزاني اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..

اليوم الثالث

الصبح الريوق مارينا ويفز السالميه ، مطعم زعتر وزيت على المرسى او مطعم ايامي ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..
بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطعم النوخذه ( سي فوود ) وايد حلو ويمهم حديقه الشعب بعد الغدا ريحوا اشوي مو واايد وبعدين دشوا لعبوا
على 6 تطلعون منها ..
تروحون الفندق واتريحون اشوي بعد ماتصلون العشا تروحون اتعشون في المباركية اذا تبون الاشياء الشعبيه ..
اذا ماتبون شعبي تروحون منطقه البدع واتعشون في مطعم واسابي (ياباني) وحجزوا لكم فيلم بالسينما بالليل ..

اليوم الرابع والاخير

الصبح اتريقون في مول 360 كاكاو كافيه يم لورينزو واتسوقون لي حزه الظهر ،، بعدين تروحون منطقه فحيحيل مجمع الكوت والمنشر واتمشون فيهم واتغدون في مجمع الكوت مطعم ياميجانا (لبناني) يطل على البحر او اي مطعم تحبونه او كافيه من الكافيهات اللي يطلون على النافووره المكاان واايد حلو ..
واتمشون في اسواق فحيحيل الشعبيه ..
من الاماكن اليديه اللي افتحت مؤخرا : غراند افنيو في الافنيوز - برج الحمرا - ذ فيلج في ابو الحصاني
ان شاءالله يكون جدولي زين لكم واذا ماعجبكم تقدرون اتغيرون وتختارون من هالجدول
https://artravelers.com/p/re/487746
الخياطيين عندك في شارع احمد الجابر شرق كلهم تقريبا ممتازين وعند في المباركيه
المسرحيات الحين مافي راح يبتدون ان شاءالله من اخر يناير 2013 اذا الله اراد
وحياكم الله

ربي يسلمج اختي ويعطيج الف عافية ما قصرتي والله ..
مررة الجدول حلو والله وبحاول احكر نفسي عدل .. لان المشكلة بنوصل مساء يعني حدود 8 الليل ..
والعودة بنرد عقب المغرب ..
يعني اهم مولين بالكويت ( الافنيوز - 360 ) .. انا ترى احب الاسواق الشعبية ..
اللي مثل سوق واقف بقطر والبلد اللي بجدة
..
اللي فهمته من كلامك ان بالكويت عندكم المباركية ..
ابي الشغلات التراثية واليدوية اللي تصلح حق الهدايا لان احب احتفظ بدولابي شي مميز لكل بلد ازوره ..
اكرر شكري حقك ربي يرزقك التوفيق دنيآ و آخره