جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
OM.BADER
10-12-2022 - 05:13 pm
السلام عليكم
احب اشكر ميدو جعله يسلم ماقصر معي ابد
بقولكم عن تجربتي رحلتي ب12 اكتوبر الجمعه الوصول 11 الظهر
جنيف: سكنت بفندق warwick مره يجنن الليله مع الضرائب 800 بدون فطور
طلعت للنافوره واخذت جولع بالقارب ورحت الساعه ومجمع مانور مره عجبتني جنيف بس تحسفت ماحطيت لها يومين يوم قليل بصراحه
تعشيت في مطعم لبناني اكلهم لذيذ موقعهم قبل لفة البحيره في نفس الشارع اللي فيه فندق الورويك بس ناسيه اسمه
الجو: مره كان بارد لان قبل وصولنا كانت تمطر لساعات متواصله يوم جينا وقف ههه
رست : قبيحه وكئيبه وتجيب الصياح تحسفت اني حطيت لها يومين مفروض نص يوم لزيارة يوروب بارك واطلع منها الملاهي حلوه بس كان الهلاويين وكل شوي مروعوني بغت تجيني جلطه من كثر الروعات لكن بشكل عام يوروب بارك تجنن واوسع صدر من ديزني لاند باريس
بادن بادن : ماهي حلوه ابدا وحسافه كل الايام اللي قضيتها في الجزء الالماني صحيح فيها محلات مو موجوده في سويسرا لكن ماتستاهل العنوه
على فكره لقيت محل في بادن بادن وفيه فرع بسويسرا بس والله في سويسرا دبل الاسعار لاني كنت بشتري اشياء منه فحافظه بعض الاسعار اسمه benota
انترلاكن رائعه لي عوده لذكر الاشياء الجميله والصعوبات اللي واجهتنا بالقطارات والتوقفات


التعليقات (9)
lord155
lord155
حمد الله على السلامة
حقيقة اشكرك على حضورك وكتابتك لتجربتك
وأتمني من الجميع يشاركونا ولو بالقليل ،، من اجل الفائدة والاستفادة من تجارب البعض
اما اخونا ميدو ،، فهو يستحق مميز البوابة لجهده الواضح مع الجميع
ولايهونون بقية الاخوان
في انتظار اكمالك لبقية الرحلة الخاصة بالقطارات وغيرها
كل الشكر

oceanus
oceanus
اولا الحمد لله على سلامة
ثانيا : نشكرك على طرح تجربتك ، وايضا نشكر الاخ الجميل ميدو
ثالثا : ليه كذا على رست ، بالعكس كانت رائعة جدا ، وعلى فكرة كنت
متواجد فيها يوم 21 اكتوبر ، وندمت اني خصصت لها يومين فقط
وبالفعل اليوروب بارك روعه ،، وانبسطنا كثير بعيد الهالوين
يعطيك الف عافية

Medo 77
Medo 77
وعليكم السلام ورحمة الله وبركاته::
يا هلا والله بأم بدر.
والعفو اختي ما سوينا شي .
والله يعطيك العافية على هالكلام الجميل.
اهم شي انكم صرتم خبيرين في سويسرا .
بس على فكرة.. وش صار على البطاقتين ام أربع ..ههه
زبطت ..ولا كيف؟
سبحان الله ..جنيف ..ما تدري وش وضعها ..ناس تمدح وناس تذم...يا ابيض يا اسود ..مافيش رمادي.
ممكن عجبتكم لأنكم تفضلون الطابع المدني الحيوي أكثر من الريفي.
رست جدا هادئة ..وما تنفع الا تكون سيارة معاك .
وفيه مكان دائما ازوره على ضفاف نهر الراين ..بالقرب من عبارة نقل السيارات من ضفة المانيا الى فرنسا..جلسته حلوة ورايقة وخاصة لما النهار طويل وتوك طالع من صخب الالعاب.
بادن بادن حلوة ..ويميزها وجود المصحات العلاجية اللي على مستوى عالي .
ومدينة تحس ان سكانها ومحلاتها كشخة..ويغلب عليها الهدوء ممكن .
وهي مدينة صغيرة بالاصل ..اشتهرت بحمامتها الحارة.
والاسعار فرق كبير بين المانيا وسويسرا ..مثل ما فضلتم.
على العموم ..حمد الله على السلامة ..وسلامة الوصول.
ومتابعين لك باذن الله.
وبالتوفيق

كوتي
كوتي
هلا بك اخوي والحمد لله على السلامه
وشكرا لميدو وكل من يساهم في خدمة اي عضو والله يجزاهم خير
وننتظرك

OM.BADER
OM.BADER
  1. الشي اللي تعقدت منه ومافهمته الا بعد يومين هو التوقفات

  2. مادريت اني الفها في ساعتين انترلاكن كلها ههه


باك
نرجع لموضوع القطارات خذت ابو اربع ايام ولما خلصت خذت اربع ايام مشت ياميدو

الشي اللي تعقدت منه ومافهمته الا بعد يومين هو التوقفات

انا طابعه الجداول وكم عدد التوقفات ماكنت اعرف انه فيه تفاصيل ووين يوقف والساعه كم وتغير من مسار للثاني وروحتنا من جنيف الى رست تعبنا كنا مضيعين واذا وقف نجلس نسال و مايمدينا نجر عفشنا ونروح المسار الثاني فااحسن شي الواحد يتعلم لاستخدام القطارات لاني حسيتها مره معقده لان سفراتي السابقه لاوروبا مااستخدمت قطارات فيها توقفات كلها كانت دايركت عشان كذا تعقدت واكتأبت ماوصلت رست الا وانا تافلة العافيه
وياليتها تستاهل
لكن بعد يومين صرت خبيره واللي يبيني اشرح له ماراح اقصر ان شاء الله معه
طبعا القطارات خذنا 4 ايام ب960
للشخصين
نجي لانترلاكن سكنت بفندقين الاول HOTEL DU NORD
مره يجنن والستاف اللي بالاستقبال فظيعين ويتكلمون كلمات عربيه لكن عيبه النت بفلوس الساعه ب3 فرنك فطورهم يجنن اليوم ب670 مع الفطور مره عجبني ومكانه حلو
الثاني كان HOTEL BEAU SITE
تحسفت اني خذته ب 600 فيه ريحه بالاسياب تمغص البطن وغرفته ضيقه ماهو شين لكن مو مثل النورد
انا كنت افكر ان انترلاكن الغربيه بعيده عن الشرقيه عشان كذا خذت اوتيلين

مادريت اني الفها في ساعتين انترلاكن كلها ههه

انترلاكن حلوه رحت المطل هاردر كلم عجبني + شلال جس باخ ماعجبني لاننا نزلنا وطفشنا ننتظر القارب الثاني جلسنا ساعتين + بلاوسي ماتستاهل العنوه لكن جنبها واحنا داخلين من جهة اليمين مطعم بيتزا رائع + رحت ثون حلوه
تمشيت فيها ورحت مجمع المانور + رحت زيورخ حلوه للتسوق + لوزيرن شي ينه مافيها الاجسر خشبي شين وتمثال الاسد شين وبس
اول 3 ايام كان برد مره
بعدين احتر الجو من 17 اكتوبر وورى صرنا نلبس خفيف والشمس كانت قويه لكن يازين الحر عند البرد
ع فكره بانترلاكن كلن يسالنا غريبه خليجين تجون بها الوقت وانتو مو هوني مون فيقولون لنا ان اكتوبر شهر السياح الصينين سبتمبر شهر السياح الروسيين جون وجولاي الخليجين وافضل شهر بيقولون سبتمبر دفا مع امطار
انتهيت اذا فيه شي بضيفه برجع لكم

Medo 77
Medo 77
يؤ يؤ يؤ ..ليه بس كده ؟؟.
الشغلة بسيطة ..اي احد في الانفورميشن يقدر يشرح لكم طريقة القطارات ..او الاستقبال ...الخ.
بصراحة المعذرة ..ممكن ما حطينا لك روابط لشرح طريقة القطارات ..وبحثت لتوي لقيت لأختنا سويس هايدي موضوع بس قديم من 2008
https://artravelers.com/p/re/248132
يحتاج الى ابديت ..وخاصة للصور للي في موقع القطارات السويسرية.
>>> اذا توفرت عندك بعض الصور الحديثة للوحات القطارات مثلا او تذاكر او بطاقة السويس باس لاتزال موجودة ..فالله يجزاك بالخير ممكن تشاركينا فيها لتعم الفائدة...فضلا لا امرا طال عمرك.
==
اول قريت لوزيرن شي ...ونسيت ما اقرا التكلمة ... نة
ههه
ممكن المدينة ماهي جاية مع الموود ..عشان كذا ما عجبتكم.
ووجهة نظر نحترمها .
=======
حلوة التقسيمة ..كل شهر وله ناسه .
مع اني اشوف الخليجين ما شاء الله ما يعوقهم شي..كل الشهور يطلعو ههه
=========
على العموم ..حمد الله على السلامة .
واهم شي انكم انبسطتم وغيرتم الاجواء.
وان شاء الله ..كل عام وانتم ب ..سويسرا.

OM.BADER
OM.BADER
الله يسلمك ميدو ماانسى فضلك بعد الله في تقسيم الايام والاماكن ومساعدتك الله يسعدك
هو صح الخليجيين في كل مكان وكل وقت بس كانت تقصد الغالبيه وهي صادقه اكتوبر حسيت اني بالصين من كثر ماشفت صينين
والله عندي صور كثير لجنة الارض سويسرا ان شاء الله افضى واتنشط وانزل تقرير حلو

Bu Rashed Al Shamsi
Bu Rashed Al Shamsi
الحمد الله على السلامه
اهم شيء المواقف الي مب حلوه نتعلم منهى عساس ما نكررها

هلوول الكعبي
هلوول الكعبي
الحمد لله ع السلامه يا ام بدر....... السفر يعلمك اشياء كثيره تفيدك في حياتك ويجب على الانسان ان يتعلم منها
استمري


خصم يصل إلى 25%