ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مصدرطاقة
16-12-2022 - 12:26 pm
السلام عليكم ورحمة الله وبركاته
في البداية اشكر كل من ابدع في كتابة تقرير وعرض تجربته في زيارة المدن الايطالية واجاب عن الاسئلة
عساي ان ارد لو جزء بسيط من جميل هذا المنتدى
اتمنى تستفيدون من التقرير المتواضع المختصر
خط السير
روما 3 ايام
فلورنسا يومين
فينيسيا يومين
سيرميوني 3 ايام
برشلونة 3 ايام
ميلان يومين
خطوط الطيران
الخطوط التركية
الدرجة السياحية - السعر 2700 ريال للشخص ذهاب وعودة
الذهاب : الرياض-اسطنبول-روما
العودة : ميلان-اسطنبول - الرياض
ترانزيت ساعتين ونصف للذهاب والعودة انتظرنا شوي وفتوحو بوابة الصعود
الوجبات ممتازة - المقاعد واسعة - فيها شاشات تشغل جميع انواع الافلام والاذاعات ومقاطع الصوتية
الفيزا
استخرجتها بنفسي وبكل سهولة حتى ان طلع فيه عندي غلطة في التعريف ومشوها لي
استأجار السيارة
من موقع Rentalcars.com
http://www.rentalcars.com/?affiliateCode=google&preflang=en&label=generic-X7_pjhv_fyd8fq1TqfTu6QS10028377235&ws=&gclid=CIOk-rP4urMCFWbKtAodMz0AqA
ياخذون جزء من المبلغ في البداية لتأكيد الحجز ثم قبل السفر باسبوعين سحبو باقي المبلغ من الفيزة واسعارهم جدا رخيصة مقارنة بسكست ويورب كار
المكتب كان اسمه Maggiore تعاملهم ممتاز عطوني سيارة في دقشة بس كانت مسجلة بالورقة واجراءات الاستلام سريعة وعندهم مكاتب في كل مكان
انا استلم السيارة من محطة قطار روما تريمني والتسليم في مطار ميلان كان السعر 1150 ريال
لمدة 7 ايام
اخذ سيارة فيات اوتوماتيك بانزين حاولت اخذ ديزل بس قالو مانضمن لك لانه حسب الموسم
وانا ما انصح احد يستاجر سيارة في ايطاليا ذبحني البنزين وطرق عليها رسوم ولافيه استكر تلزقه على القزاز وترتاح
وانا قد استاجر سيارة في النمسا وانبست وارتحت بالسواقة بعكس ايطاليا حتى مافيه طبيعة اللي تذكر في الطرق الا اذا وصلت لوقانو بسويسرا بس انك تاخذ راحتك بالسيارة ومتى مابغيت توقف ومتى مابغيت تمشي
الطيران الداخلي
Easyjet
ميلان - برشلونة - ميلان
ممتاز سعرة 600 ريال شخصين ذهاب وعودة بس احرصو يكون مسجل اذا معكم وزن واجد
مطار ميلان مادققو كان عندي شنطة مسجلها عن طريق النت زاد عليها 2كيلو ومشوها لي
مطار برشلونة استقعدو زاد عندي 5 كيلو وقالو تدفع 70 يورو لكن رزقنا الله بموضف عربي جزائري قلت له احججك على حسابي بس فكنا ماقصر والله مشاها
وكان معنا هنادباق وفيه عجوز دفعوها على شنطة هنادباق مادخلت بصندوق الحديد اللي يشيكون فيه على الشنط الهاندباق قالو لها 50 يورو ياست
الفنادق
(رأيي في الفنادق تجدونه في نفس موقع Booking لكل فندق)
روما : Amor B&b
https://www.booking.com/hotel/it/amor.html?aid=1300939
فلورنسا: Sangaggio House B&B
https://www.booking.com/hotel/it/sangaggio-house.ar.html?aid=1300939
فينيسيا: San clement palace and resort
https://www.booking.com/hotel/it/san-clemente-palace-resort.ar.html?aid=1300939
سيرميوني : Hotel Eden
https://www.booking.com/hotel/it/eden-sirmione.ar.html?aid=1300939
برشلونة : Husa Barcelona
https://www.booking.com/hotel/es/husabarcelona.ar.html?aid=1300939
ميلان : Uptown palace
https://www.booking.com/hotel/it/uptown-palace.ar.html?aid=1300939


التعليقات (8)
مصدرطاقة
مصدرطاقة
  1. روما

  2. فلورنسا

  3. فينيسيا

  4. سيرميوني

  5. برشلونة

  6. ميلان


روما

  • مدينة بشكل عام كلها اثار.
  • الحياة الليلية جميلة في ساحة الرسامين والنافورة والدرج الاسباني.
  • حذرونا كثر من السرقات ولكن ولله الحمد ماتعرضنا لاي من هالاشياء وكنت حريص وحذر.
  • اعتمدت في تنقلاتي على المترو سهل جدا وامان استخدامه ليلا كنت ارجع للفندق الساعة 10 ونصف 11 بالليل ولا فيه اي مشكلة اصلا معك سواح
  • روما فيها مشي موب طبيعي ويمكن ايطاليا كاملة اهو شي الواحد يحرص على الجزمة الله يكرمكم المريحة
  • اهم شي الواحد يصير لبسه مرتب وحنا سمعنا ان مافيه مثلهم بالتشخيص وبس اللي شفناه ان كان عادي فيه ناس مشخصين بس قلة وانتم ماعليكم من احد البسو اللي يعجبكم
  • التسوق فيها غالي يعني اجلوه الين تروحون للاوتلت افضل
  • الكولوسيوم افضل ان تخلون الفندق يحجز لكم بالفيزة عشان تفتكون من الطوابير
  • انتبهو من اللي يصورونكم مع اللبس التقليدي حق المصارين عند الكولوسيوم تراهم نصابين اخذو علي 20 يورو على 3 صور يجونك يقولون ناخذ لك صور بجوالك طبعا فجأة ماتري الا ويقولون لك 20 يورو لا وكان يبي ياخذ له 20 ولخوية 20 قلت اها بس 20 وخسارة فيكم

فلورنسا

  • مدينة صاخبة الى ان تغيب الشمس ثم تكون هادية وتحصل ناس قليلين جالسين عند الجسر القديم بالليل
  • مافيه ماعالم كثيرة
  • زيارتي لها من اجل بيزا وكنت ابزور الاوتلت The mall بس مامدانا عليه
  • برج بيزا الصعود له ب 13 يورو متعب تطلع بدرج بس اسم انك طلعت فوق البرج
  • ساحة مايكل اجلو مافيها الا تمثال وكشكات بسيطة بس الميزة انك تشوف فلورنسا كاملة من فوق

فينيسيا

  • جميلة ليلا ونهارا وهي من المدن اللي حبيتها بالرحلة
  • ما انصح احد يروح بالصيف تراها حر يطفش الواحد يكرهها
  • رحت الهارد روك مطعم وكوفي صاخب بس اكله لذيذ
  • لاتفوتكم جزيرة بورانو البيوت الملونة واذا بتشوفونها بالنت Burano هذا اسمها تروحون بالباص المائي له محطه فيها
  • مصنع الزجاج مايستاهل تروحون له
  • الايسكريم لايفوتكم في كل ايطاليا
  • المدينة حلوة لها يومين تكفيها ترا حسافة تروحون لها وترجعون بنفس اليوم اجلسو فيها

سيرميوني

  • منها زرت كومو ولوقونو وفوكس توان اوتلت حلو وممتاز وانا عندي افضل من سيرفالي (احسن اني عكس الناس بس هذا اللي شفته)
  • انا تمنيت اني سكنت في كومو افضل واقرب الى لوقانو ومنها ازور بحيرة جارادا
  • رحت للمطعمMEDIEVAL TIMES فيه مسابقات وعرض وتتفرج وتاكل اكلهم مافيه زود دجاج وشربة ومشروب كولا وكل شوي يجيبون لك شي وفيه حركة اذا خلص اكلك وتبي زود تخبط الملعقة بالصحن عشان يجيك طبعا هو يجي من دون بس هذا يقالهم ايام زمان يسوون كذا
  • ماامداني ازور ملاهي جاردا لاند واصلا كان الجو ممطر

برشلونة

  • جميلة بمعنى الكلمة ليلا ونهارا
  • فيها مباني حلوة للمصمم قاودي ومشهور عندهم
  • شارع الرامبلا فيه منتصف هالشارع سوق خضار وفواكة تاخذ عصير طازج وتتمشى رايح جاي
  • اتوقع في شهر 9 جوها حلو لان يوم رحنا كنت برد بس حلوة
  • نادي برشلونة والله مانيب راعي كورة بس لازم ازوره وامبسطت حلو الصراحة
  • كل تنقلاتي في برشونة بالمترو وسهل جدا فيه حركة غريبة ماقد شفتها عندهم تذكرة للمترو يستخدمها اكثر من شخص اسمها T10 لك 10 رحلات فيها يعني لو يستخدمها شخصين لكم 5 رحلات وطريقتها انك اذا دخلت البطاقة بالجهاز تعطيها اللي بعدك ويدخلها بالجهاز يفتحله البوابة وفرت كثير علينا
  • فيها تسوق واسعار متوسطة
  • فيه مطاعم كثير ومتنوعة عربي وغيره

ميلان

  • منها زرت سيرفالي بالباص الشخص 20 يورو رايح جاي
  • ياكثر الشحاذين والافارقة اللي يبيعون الخيوط الاساور ويرمونها عليك بعد بس انتبهو تلبسونها كلها سحر وشعوذة عند الدومو مليانين
  • التسوق في سنتر المدينة غالي جدا الافضل الاوتلت
  • حقها يومين ممتازة

بكل عام ايطاليا في شهر 9 و10 ميلادي ممتاز زيارتها
ما انصح بالصيف تروحون حر وشمس حارقة
اي سوال انا حاضر

فيصل
فيصل
يا سلام علي المختصر المفيد
الف شكر لك

almadehm
almadehm
هلا اخوي بالنسبة الى شهر مارس كيف راح تكون ميلان وفينيسا انا قريت انهي برد وانا رحلتي 15 مارس فشراايك بها الوقت لو ااجلها الى شهر ابريل

almadehm
almadehm
وكيف شفت الخطوط التركية كويسه والا رايحه فيها
واحد من اخوياي راح عن طريقها لفرنسا ومامدحها حتي يقول لا اخلااق وحتى الشنط ضيعوهم على اكثر من مسافر

مصدرطاقة
مصدرطاقة
فيصل
حياك الله يامدير شرفني مرورك

مصدرطاقة
مصدرطاقة
almadehm
حياك الله اخوي
لو قدرت تأجلها الى شهر ابريل حلو كويس وفيه مواقع بالنت تعلمك الجو لاي مدينة في العالم
وهذا واحد منها
http://www.accuweather.com/en/it/milan/214046/april-weather/214046?monyr=4/1/2013
بالنسبة للخطوط التركية انا مثلك سمعت قبل اجربها انها سيئة ومطارهم سيئ
ولقيت العكس خدمتهم كويسة ومطارهم حلو ومنظم
برحلة العودة يوم وصلنا للرياض تاخر العفش وجاء مع الرحلة اللي بعدها
موفق يارب

مصدرطاقة
مصدرطاقة
فنون توت
اشكرك على مرورك

الحوسني
الحوسني
الحمدلله علي السلامة شو رايك السفر بشهر 12 حاب اغير اشوية تنصحني في هذا الوقت والا اجلها لشهر 3


خصم يصل إلى 25%