boshhayeb
12-12-2022 - 12:14 am
بسم الله
اول ما ابدي فيه احمد الله ان من علي في هذي الرحله ووفقني ويسرها علي
وثانيا اشكر كل من ساعدني سواء جاوب على استفساراتي اول من خلال تقاريركم المفيده
ان شاء الله رحلتي راح تكون جزء الى سويسره وبالتحديد الى انترلاكن و لوغانو وبعدها الى ايطاليا
الرحله فيها كثير من المواقف الصعبة والمغامرات
السفره اخذت مني وقت طويل في ترتيبها وكانت مفروض تكون من باريس وتنتهي في ميلان ولكن تغيرت حرصا مني اني اعطي ايطاليا حقها واخلي فرنسا في سفره بروحها واربطها مع جنيف
ترتيب الرحله
4 ليالي انترلاكن
3 ليالي لوغانو
3 ليالي ميلان
ليله فينيسيا
ليلتين فلورينس
3 ليالي روما
الحمدلله اني غيرت الجدول وشلت باريس مع شامونيه و انسي وبدلتها في فلورنس مع فينسيا وروما
لان الجانب السويسري الفرنسي يحتاج سفره منفصله وترتيب بروحه
ان شاء الله بكون طريقتي في كتابه التقرير نفس تقاريري السابقه مع تطوير واضافات ان شاالله تكون مفيده
راح تكون عباره عن حلقات وكل حلقه عباره عن جدول ليوم كامل
كتبت هذي المقدمه عشان الزم نفسي في كتابه التقرير لان اعرف نفسي اذا ماسويت جذي راح اتكيسل وما اكتب التقرير نفس تقرير لندن اللي ليلحين ماشاف النور
ان شاء الله ابدي بالنقرير بعد ما ارتب الصور واحط لهم ايطار مع التوقيع وان شاء الله تستمتعون بالتقرير ويكون مفيد وممتع
وبأنتظارك تقريرك
وسجلني اول المتابعين لك ان شاء الله
ولاتتأخر علينا لاني اقلب السفره براسي وابي استفيد منك ومن باقي الاعضاء
تحياتي لك