البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Q8.1234
10-12-2022 - 03:56 am
السلام عليكم
والله ياهل البحرين يوم اشوف الي قاعد يصير فيكم من احداث يعتصر قلبي حزناً علي البحرين الحبيبه وحنا اهل الكويت نحبكم جداا جداا بذات انتم ياهل البحرين ويوم نتذكر الايام الحلوه بالمحرق والمنامه وذيك المناطق تدمع العين عليكم المهم اسف علي الاطاله اخواني اهل البحرين عندي كم سؤال ابي الاجابه عليهم بسراحه والبسرعه القصوى لو سمحتم
1- كيف الاوضاع حاليا بالبحرين هل يوجد شغب وتحديدا ( بعيد الاضحى )لأني أنوي زيارة البحرين مع ابنائي
2- فندق الرايه سويت هل موقعه ممتاز(بعيد عن حالات الشغب ان وجدت ) وتقييم الفندق بالنسبه للعوائل كم وشلون نظافته وخدمته
3- سمعت ان أهل البحرين يقظون عطلة العيد برا بلدهم لكثرت اعمال التخريب بالمناسبات العامه مثل الاعياد والمناسبات
واعتذر عن الاطاله وطالبكم ياأهل البحرين ردو علي بسرعه وبدون مجامله وشكرا باهلي أهل البحرين الحبيبه


التعليقات (4)
hmodee2008
hmodee2008
حياك الله اخوي في بلدك الثاني ترى الي تسمعه كله مجرد كلام وخرابيط فاضية والله البحرين بخير
وثاني شي هالي مسوين فوضى الله يهدهم بس ويردون لوعيهم بس محد يقدر يتعرض لك ولاهلك الكرام
بشكل عام الشعب البحريني شعب مضياف مااعتقد انه في شي والله ارد عليك اليوم واكثر من 12000الف سعودي وخليجي في البحرين
بالنسبة حق هالفندق الي قلت عنه يتروى مايسوى ماللك الا محلين يانوفوتيل الدانة ياليت سبا
اكثر الفنادق المفضلة للعوائل وخصوصن في العيد واي شي يتامر عليه انا تحت امرك

معشوق البحرين
معشوق البحرين
والله يا ولد الحلال، المشكل في البحرين عويص على الحل
المعارضة تطلب برلمان كامل الصلاحيات و رئيس وزراء ينتخبه الشعب
و الحكومة تقول أنها إضطرابات طائفية و غير ذلك من الكلام للتغطية على المشكلة السياسية
رئيس وزراء قاعد على الكرسي من 1969 إلى الحين، و متحكم في عصب الإقتصاد بشركاته
و المعارضة اللي هي المعارضة قاعدة تفضح النهب و الإستغلال في المواطن الفقير
و الحكومة ترد عليهم بأنهم طائفيين و عملاء إيران و هلم جراً فقط لتبرير القمع و القتل
بالمختصر، البحرين ما ليها وقت معين تهدأ فيه، الإضطرابات موجودة بمناطق معينة بالعاصمة و الأماكن التي يكثر فيها السكان المحرومون من الشيعة
و ليس لها أثر في المدن المختلطة أو مناطق الغالبية من أهلنا السنة
و أزيدك من الشعر بيت، لا تخاف من المظاهرات، لأن معظمها سلمية
بس حين تصير مواجهة بينهم و بين قوات الأمن راح تعرف هالشي من رائحة مسيلات الدموع الخانقة
التي تطلق بكثافة جنونية ليس لأجلل تفريق المتظاهرين و إنما لخنق الناس في بيوتهم
ملاحظة غريبة: البحرينيين ممنوعين يسكنون فنادق مهما يكون السبب

شغب قلم
شغب قلم
اللي فوق ضحكتني كثير
صاحب الموضوع .. تطمن البحرين مافيها الاكل خير وبإذن الله
الامن فيها على اعلى مستوى
وصدقني بلعيد البحرين زحمه مرا
فندق الرايه مناسب وعائلي وفطوورهم روعه
وموقعه بضاحية السيف قريب من السيف مول والعالي والمزارات
المهمه

moody555
moody555
معشوق البحرين ( وان كنت اشك في هذا العشق )
العرب المسافرون موقع لتبادل الخبرات السياحية و ليس لطرح اراءك السياسة اللي يا ريت تحتفظ فيها لنفسك
كلنا عارفين سبب المشاكل اللي كانت في البحرين بتوجيه مين و الله يرد كيدهم في نحورهم
أخوي صاحب الموضوع البحرين في امن و امان
و حاول انك تتجنب مناطق الخونة و التواجد في الاماكن العامة
واجازة سعيدة


خصم يصل إلى 25%