- رقمه : ###########
صباح الخير على گل اعضاء هالمنتدى الغالي ومشرفين هالمنتدى الاعزاء طبعاً گل الشكر للاخ وافي والمغادرون والاسفار امتعتي على ارشادتهم لي كانت رحلتي مميزه ولكن يتخللها بعض المشكال ولانني ناصح لكم اتمنى اخذها بعين الاعتبار اولا واجهت من النصب والاحتيال مع السايق : حسين في بينانغ ماجعلني اكره تلك الجزيره
رقمه : ###########
اخذته من المنتدى المهم الموقف اللي مر علي وهو كالتالي وبالتفصيل الممل اتصلت عليه واتفقت معه على مبلغ 25 بالساعه بعد جهد جهيد واتاني يومان متتالين اليوم الاول كان ودوداً وجيد واليوم التالي بدأت افهم حركاته لاني كنت اخذه بالساعات المتتاليه ماتقارب اربع الى خمس ساعات يتكلم بالتلفون طبعاً اقترح علي ان اذهب الى محلات القهوه والككاو الكوفي تري والعسل << بحول على اللهجه العاميه
يقولي معاك فيزا يمكن تشتري بما يقارب 2000 رقنت بس ماعطيته وجه عرفت انه نصاب وداني للمحلات وكنت حذر اخذت مايقارب 200 رقنت فقط علشان ماندم ومحلات العسل اخذت بما يقارب 700 و 800 رقنت للوالد والوالده والعسل ماعليه حسوفه تخيلو ناوي يسلفني فلوس وكل محل ينزل عنده علشان عمولته المهم عرفت انه نصاب لانه استغرب من شرانا يقول ماشريتو شي عباله مدمغين المهم ودانا لهضبه بننق وينصحنا نطول فوق والحسابه تحسب بس قعدنا بحدود الساعتين ونزلنا عقب ودانا للشاطئ الباتوفيو وطلبت منه يروح لان ناوين نتغدا ونركب الموزه وهنا حدث غير المتوقع رحنا لكنتاكي وتغدينا وعينا من الله خير ورحنا قاطعين الشارع للشاطى طبعا هنا الصدمه الاخ واقف ناطر قرب الشاطي سالته علامك واقف قال انا قاعد انطر خويي ومن هالسوالف طنشنا ورحنا داخل يلحقنا ويقولنا تعالو هذا سعره زين يحاول يضبط خويه طبعاً ماعجبني الموقف وحقرته ورحت بعيد تجمعو علي وصارو گل واحد يكلم الثاني بالاسلكي وانا ارتفع ضغطي گل واحد يقول للثاني لاتركبه ومن هالسوالف لا واللي خلاني اتاكد انه نصاب قبل لاينزلني ناصح لازم اكون معاكم تراهم بينصبون عليكم وجذي طبعا مارديت عليه المهم كملنا مشوارنا واستمتعنا شوي وبعدنا عن الفئه الوصخه اللي هناگ ولان خواتي خاطرهم بالموزه اتفقت ويا واحد على 20 و 25 على ماعتقد وركبنا وتمنيت اني ماركبت لان عيونهم خلتنا نطيح بالماي انا وخواتي الاربع قدر الله وماشاء فعل وانخلعت ايدي وطبعاً محد يهمه هناك مانقدونا الا بعد طلعت الروح ورحنا لمستشفى ونوموني وصارت سالفه لان ماقدرت اتحمل عوار ايدي والحمدالله انه خواتي خوات رجال وتحملو الموقف العصيب اتصلت اختي على واحد من اسمه ميزام كان ونعم الرجل ونعم الاخ ظل معانا من الساعه 7 لين الساعه 1 ليلاً ملازم خواتي ويحاول تهدئتهم ومساعدتنا واوصلهم الى الفندق كان رجل بما تعنيه الكلمه رجل مسلم ماليزي الجنسيه اطمئنت بوجوده مع خواتي وكان خير معين لهم من بعد ازمتي نحمدالله على گل حال ويوم ردو الفندق اكرموه خواتي بمبلغ من المال كمكافاه لما فعله معنا على وصف خواتي كان يدمع من شده التأثر وحاول يرد المبلغ ولكنهم رفضو لا استطيع وصف منظره نصيحه گل من يروح بينانغ ياخذه لانه فعلا رجلُ في زمن قل فيه الرجال امثاله ورقمه : ########
واوصلني للكاميرون مع زوجته .. الله يذكره بالخير ويجزاه خير ويرزقه على قد نيته
اسف لان قرقت عليكم بس موقف مستحيل انساه وخلاني اكره هالجزيره بما فيها من جمال
سبحان الله من نزلت من المطار وانا ماحبيتها من ضجتها وكرهتها عقب هالموقف نسال الله السلامه عكس جزيره لنكاوي كانت ساحرة .. جميله فوق الخيال لا استطيع وصفها فهي جنه الدنيا رزقنا واياكم جنة الاخره
اسف يامشرفين يمكن الموضوع بقسم مخالف بس والله لا مادري وين احطه واريد النصح لا اكثر
المشكله كانت من سائق الطراد يوم جا بيلفنا مانطر لين تلف الموزه لا لفها وداس وقدر الله ان نسقط كلنا بالبحر والحمدالله انه لابسين حمايه "طفاحيه" كما اسميتها ههه