أكسير الحياة
13-12-2022 - 08:58 am
اخواني واخواتي خبراء كيرلا اسعد الله اوقاتكم بكل خير
تكفون ابي مساعدتكم وبدعيلكم بظهر الغيب .. انا حاب اجدد شهر العسل واسوي مفاجأه لزوجتي ونعيد ايام الرومانسيه ؛)
فاجأتها بشهر العسل ورحنا تايلند وياهي ديره اتمنى من كل قلبي ارجع لها بس اخ يالقهر بالموت جددنا جوازاتنا وبالواسطات
الكثير مدحلي كيرلا والتقارير تشجع صراحه بس يعلم الله تلخبط المخ من كثر الاراء وقررت اسلم امري لرب العالمين ثم لكم
ابي اروح 9 ليالي يعني 10 ايام ومخصص ميزانيه 35 الف ريال شامله كل شي تذاكر واقامه ومصاريف وكل شي
هل تكفي ولا نبحبحها شوي ؟
السفر بيكون بمشيئة الله 16/1\2013 *- *26/1/2013. هل الاجواء بتكون مناسبه في هذا الوقت ؟
قريت لاحدا الخبيرات بكيرلا في هذا المنتدى اعتقد اسمها munnar او قريب من هالاسم ان الافضل الانتقال من الساحل والمدن الدافئه الى الابرد فالأبرد
ممكن تكفون وطلبتكم احد يعملي مسار كامل للرحله وتكون في احلا واجمل المنتجعات وتراني احب الاكواخ اكثر من الغرف
وللعلم ترى زوجتي محترفه تصوير وكاميرتها نيكون D90 وانواع العدسات يعني يا بسويلكم تقرير على كيف كيفكم بس الله الله بالاماكن الزينه
ودي المدينه اللي اوصلها ما ارجع لها يعني الوصول مدينه والاقلاع من اخر مدينه اوصلها لأن مدة السفر قصيره مثل ما انتوا شايفين
تكفون تكفون تكفون ابي معلومات كامله ولو بكلف عليكم بس شسوي متوهق ما اعرف شي وانتوا اهل نخوه وكرم
انتظر مشاركاتكم علشان ابدا اضبط الحجوزات
الله لا يحرمني منكم
و الفكره ممتازه خصوصاً أن شهر ديسمبر (12) و جانيوري (1) و فبراير (2) هي المواسم الحقيقه لولاية الهند الجنوبيه . مثل كيرلا و قوا و كارناتكا .
إذا كنت من هواة الحياه الجبليه و الثلوج و الاكواخ . فأتجه شمالاَ إلى ولايتي هماتشل براديش (himachal pradesh) و أوتر كوند ( uttarakhand) .
الاجواء تكون فيها برد و إحتمال تتساقط الثلوج أو هطول للامطار , المناظر الطبيعيه فيها ما شاء الله تبارك الله .
أو إذا كنت من هواة الحياه الساحليه . فعليك بقوا اللي تحتوي على 33 شاطئ أختار منها اللي تحبه . و الحياه فيها تكون على شكل أكواخ خشبيه أو منازل اسمنتيه . تستمتع بحياة البحر و السباحه .
و إذا حبيت تنوع ما بين الشواطئ و الغابات المؤسميه فعليك بيكرلا . و اللي حتتنقل من مدينه إلى مدينه أخرى .
و الله الموفق