قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبوثامر الكتلوني
02-12-2022 - 07:37 am
السلام عليكم ومساكم الله بالخيرأنا إن شاء الله مسافر لقطر مع زوجتي بعد اسبوع تقريبا وحاب استشيركم في الفنادق لأن هذي أول سفره لي إلى قطر وحددت مجموعة من الفنادق لكن ما أدري عن مستواها ومواقعها أنا حددت الفنادق التالية لاختار منها واحد بعد أخذ رايكم والي ترشحون
طبعا ناوي آخذ خمس ليال في فندق وليلة في منتجع سيلين
هذي الفنادق:
كونكورد - سعر الليلة 593 ريال شامل الافطار، سعة الغرفه 40م
ريتاج رويال - سعر الليلة 602 ريال شامل الافطار، سعة الغرفه 62م
هوليداي فيلا - سعر اللية مع الافطار 495 وبدون افطار 360، سعة الغرفه 25م
كورال الدوحه - سعر اللية 512 ريال بدون افطار، سعة الغرفه 50م
جلوريا الدوحه - سعر اللية 463 ريال بدون افطار، سعة الغرفه 20م
Musherib - سعر الليلة 310 بدون إفطار، سعة الغرفة 28م
أحس اني متحمس كثير لكونكورد وريتاج رويال بحكم انهم خمس نجوم وسعرهم شامل للإفطار، لكن إذا حصل شي سعره أقل فهو أفضل خصوصا ان الميزانية مب مره
مثل فندق هوليداي فيلا لأن سعره مره ممتاز لكن مدري عن مستواه
الشكر كل الشكر لمن يفيدني الله يجزاكم خير


التعليقات (9)
بو نعوم
بو نعوم
إذا تبي الأفضل من هذه الفنادق عندك فندق ريتاج رويال ممتاز وموقعه قريب من سوق واقف والمتحف الإسلامي والكرورنيش
إذا نويت تحجز فندق كورال جيد وموقعه قريب من ريتاج رويال فيه عرض تأخذه من مكتب التأمين في جمارك قطر 499 ريال جناح فاخر
بس أخشى يكون الوقت زحمة وما تحصل حجز

أبوثامر الكتلوني
أبوثامر الكتلوني
مشكور أخوي بونعوم لكن هل عندك خلفية عن فندق هوليداي فيلا؟ لأن سعره جداً حلو

بو نعوم
بو نعوم
الفندق جيد وهادئ ونظيف لكن مش ذي الفخامة مرة
لكن المشكلة يبعد عن الكورنيش قرابة 20 دقيقة ممكن تزيد أو تنقص على حسب الزحام

أبوثامر الكتلوني
أبوثامر الكتلوني
يعيطك العافيه
لكن هل يفرق الموقع كثير في اختيار الفندق في مدينة ليست كبيرة مثل الدوحه يعني هل الأماكن السياحية كورنيش شواطئ مولات ... الخ متباعده عذرا كثرت عليك الاسئلة يا غالي

باراشوت
باراشوت
السلام عليكم
المسافات في الدوحة متقاربة ولو كنت باختار فندق معين بتكون المسافة من اخر اهتماماتي.من ناحية الفنادق المذكورة ماعندي فكرة بس اقدر اقول ولا واحد فيهم 5 نجوم .ممكن نقول عنهم 3 نجوم الى 4 بالكثير..ايضا لفت انتباهي الفوارق في مساحات الغرف من 20 متر مربع الى 60 الصراحة فرق شاسع وسعر الفطور في هوليداي فيلا 135 ريال؟ ليش هذا السعر يكفي 3 وجبات وتذكرة سينما
.
بالتوفيق اخوي

بو نعوم
بو نعوم
لا موقع فندق هوليداي ليس عائق في الحجز فيه لكن فقط حبيت تعرف المسافة
اتكل على الله واحجز فيه
وأي استفسار تر في الخدمة

أبوثامر الكتلوني
أبوثامر الكتلوني
بيض الله وجهك أخوي بونعومالصراحه أنا محتار جدا بين هوليداي فيلا و كونكورد و ريتاج رويال
حجزت في هوليداي فيلا بحكم ان سعره ممتاز ومستواه جيد لكن بحكم ان الغرفه صغيره 25م وانا بجلس 5 ليال حسيتها بتصير ماهي مناسبه فألغيت الحجز
جيت بحجز في ريتاج رويال لكن لما شفت صور الغرفه حسيت مستوا الاثاث متواضع خصوصا الخشب الي مستخدمينه وأحس إن كونكورد أفخم منه بكثير
هل كلامي صحيح؟
وهل يمكن الذهاب من ريتاج رويال للكورنيش عن طريق المشي؟ حتى لو كانت المسافة طويلة فوق ربع ساعه.
شاكر ومقدر جدا لك تعاونك

بو نعوم
بو نعوم
صراحة أنا مثلك ترددت يوم عزمت أحجز في ريتاج رويال لأن أحس إن مستواه في الصور أقل من 5 نجوم
لكن يوم رحت صراحة عجبني كثير فهو في الواقع أفضل من الصور
ومساحة الغرفة ممتازة واسعة يعني راح تنبسط بإذن الله
أما الكورنيش لم أجرب المشي من الفندق إلى الكورنيش لكن أتوقع والله أعلم في حدود ربع ساعة أو أزيد بقليل
بالتوفيق
وأي استفسار تر في الخدمة

أبوثامر الكتلوني
أبوثامر الكتلوني
ألف شكر ما قصرت الله يرضى عليك


خصم يصل إلى 25%