مرحبا اخواني
اولا أنا توني راجعه من باريس وسويسرا بعد زيارتي لهم للمره الاولى وقبل كل شي كل الشكر لهذا المنتدى الغالي وجهود الاخوان فيه على مساعدتهم
اولا نزلت باريس عن طريق رحله بحرين باريس بواسطة طيران الخليج.
والسكن كان في فندق كاليفورنيا فالشانز. طبعا اهو فندق متواضع بس موقعه زين لكن الستاف كانوا متعاونين جداً
اول ما وصلت نزلت الشانز اتغدى لكن انصدمت توقعته أرقى بصراحه جداً عادي مايسوى الواحد يخسر فلوسه على فندق قريب منه يعني مافي ذاك الزود
وبالليل كنا ندور مطعم زين ودلونا عالمطعم فالجت سيت وياريتنا مارحنا. ههه اشكال غير لائقه ابدا والله حسيت روحي في بانكوك
وثاني وثالث يوم اجرنا سائق جزائري حبوب ودانه كل الاماكن مع ديزني و لاديفانس وغاليري لافاييت والحي اللاتيني ماادري ليش ماحبيت المنطقه صوره من القاهرة او بيروت
ودزني حلوه بس ذبحتنا الشمس حظي مربوش
ههه الخلاصة ماحبيت باريس حسيت لندن أونس وأرقى والشوبنق أحلى لا مقارنه طبعا
بعدين طلعنا لسويسرا جنيف يومين سكنت بالكورنافين فندق رائع وبديل للوارويك بعد السرقات اللي صارت ومنها لمونترو وانترلاكن طبعا عالم اخر. جنه من الوناسه
اليوم الاخير رجعنا لباريس وقلت مااطب ها لشأنز وسكنا في الأوبرا فندق سكريب روعه وحبيت المنطقه شرحه ووناسه افضل بمليون مره من هالشانز
وجهة نظري باريس بالكثير يومين ما احسها تستأهل بس أرياف سويسرا والريفيرا رائعهعه
تحياتي للجميع