السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ياميسر الامور
06-12-2022 - 05:25 pm
السلام عليكم
مطعم القريه الراقي
مطعم هندي
رائع بمعنى الكلمه
بل اعتقد هو الوحيد اللي اقدر اقول نكهه هنديه اصيله ..بعد تجارب كثيره للمطاعم الهنديه ..
اسفه جدا صورت الاكل لكن الصور انمسحت
والتقرير مخجل قدام تقاريركم الضخمه ...لكن حبيت تجربون المطعم في اجازة هذا الاسبوع وتعطوني رايكم
علي العموم عندهم اظن يوميا بوفيه غدا ..عادي تقدر تقول طعم الاكل 8/10
لكن العشا بالطلب ...جدا لذيذ ..
واللي طلبته كان
برياني دجاج
وايدام ماسلا بالجمبري
بالنسبه للبرياني فشكل الرز زي برنامج برياني اللي في فتافيت والطعم ولا الذ..
والماسلا جدا رروعه..
والاسعار ماتتخيلونها ..حتنصدمون ..رروعه
والنظافه انا اعطيه 10/10
والديكور ..جميل وفيه بارتشن
عيبه انه الطلب ممكن يوصل بعد اربعين دقيقه وهذا اللي حصلنا اخر مره بسبب الزحام
انصح اللي بيروح من بعد العشا مباشرة ..واكدو عليهم يكون الطلب ساخن لان اخر مره كان الرز
بارد شوي .. وممكن تختمه بلبن مالح او لسي زي ماهو في المنيو
واللي ذويق للاكل الهندي ..وخصوصا البرياني ..حيشوف بنفسه
العنوان :
االرحاب امتداد الاربعين مقابل الشارع اللي فيه الدانوب


التعليقات (9)
وصايف الحجاز
وصايف الحجاز
وعليكم السلام والرحمه . حياك الله اخوي
والله كلامك مره يحمس عن المطعم ... بس ياليت تقول لنا كيف الاسعار عنده
يعطيك الف عاافيه ,, عساك على القوة

# أبو نورة #
# أبو نورة #
لا خجل ولا غيره ..
كلنا هدفنا واحد ..
وأي مجهود تقدمه لنا .. مهما كان حجمه ..
بيكون على الراس من فوق ..
ومحل احترام وتقدير ..
يعطيك العافيه على نقل تجربتك .. وننتظر منك أكثر واكثر ..
وبالنسبة لي الفتره الاخيره اذا اشتهيت هندي اروح راج على طول .. اللي بالتحليه ..
ويبيلنا المره الجايه نجر ب القريه ..
ماقصرت ويعطيك العافيه ..

ياميسر الامور
ياميسر الامور
وصايف الحجاز
شرفتي موضوعي وصايف الحجاز
وتراني ست ماني مستر
بس المعرف رجولي ..
وفي المنتدى من كثر ماأعدل واقول انا تراني ..بنت ..مليت وخليتهم علي اني رجل ..ومالومهم لان المعرف اوحى لهم بكذا
بالنسبه للسعر كانت اخر فاتوره ماتزيد عن 75 ريال طلبنا فيها برياني وماسالا وسفن اب ومويه كبيره ..
مشكورة علي مرورك عطرتي صفحتي

ياميسر الامور
ياميسر الامور
# أبو نورة #
مشكور اخوي ابو نوره علي كلماتك المشجعه .. واطرائك الجميل .. ويعافيك يارب ويحفظك ومن تحب من كل مكروه..
ويشرفني كثير مرورك على صفحتىي المتواضعه...

شكبم
شكبم
االرحاب امتداد الاربعين مقابل الشارع اللي فيه الدانوب
ياريت لو موجود رقم تلفون

بيبسي كولا
بيبسي كولا
تقييم رائع
وكلمات معبره عن المطعم
شكرا لك اخوي
وأأمل اني اجربه في الايام القادمه
تحياتي

أبو فيصل 2007
أبو فيصل 2007
الله يعطيك العافية اختي الكريمة
يكفي التفاصيل تغني عن الصور
وفي انتظار جديدك القادم وبيكون بصور

بوحميـــــــــد
بوحميـــــــــد
من ناحيتي ابي بإجازه هذا الاسبوع تقرير جديد منكِ عن مطاعم الغربيه
ولا داعي للخجل والجميع يشارك بما لديه والهدف واحد نقل التجربه
ربي يعطيكِ العافيه
كل الشكر لكِ اختي

تلومني الدنيا
تلومني الدنيا
انا من عشاق الاطباق الهندية
لكن للاسف المطاعم الهندية كل مالها في سوء
بحاول اجربه في الايام الجايه واكيد بكتب انطباعي هنا


خصم يصل إلى 25%