جزيرة بالي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الشمالى سلطان
17-12-2022 - 10:35 am
لمتابعه التقرير الاساسى والتفاعل مع كاتب الموضوع وطرح الاسئله ومشاهده الردود
يرجى التكرم بالضغط على هاذا الرابط
مع تحيات : مشرفى بوابه اندنوسيا
والناقل الاعلاميكان الزواج في 27-5 هجري الموافق 19-4 م
ايه قبل لا نبدا الصور يا الربع ترا نص الصور طالعه خشتي ليس لتميلح بس اخوكم صار قريب الفريان
وغير هذا ماني فاضي اشخبط واجد
المهم كان متجهزين لزواج
وتفاجئة بطرطه يحبها قلبكم جايه قبل الزفه .

قطعنها والمشكله ان الشباب يغنون هابي بيرتي تو يو / من زود الحماس

الله يهديني من الحماس تهور نسيت اني عريس ولازم اثقل

بس خقه
المهم اني بديت اعد العد التنازلي للعزوبيه وقمت اللبس

اهم شي طلع الكشخه
المهم تجمعو الشباب والدشر من كل حته وتقول حرب مو عرس الله يهديهم

لا يفوتكم ابو بشت منسدح
طبعاً هذا فديو لزفه

ابشركم وصلنا القصر شعور خرافي صراحه

ههه لبى قلبك يا ابو شنب

المهم تعشو الناس وانا مارحت قلت عروس خلق الله اجلس فيها وعرسي ما اجلس
بعدها جانا الزار الشمالي
واللي هي

الدحه حاولت الفرار لكن للاسف
ههه طولتها صح
المهم نمنا وصحينا ع طول زهبت العزبه وكل الامور وتوجهنا المطار عشان نقلع
طبعاً كان فجر السبت وزواجي الخميس
ودقيت ع ليديا وعطيتها رقم الرحله وقت الوصول وقالت انا عطيت اقوم الاوراق كامله {{ اقوم هذا سواق فل ابشن ولي باع معاه بس طلع مع العوايل مو بسيط بعلمكم عنه بعدين }}
وهذي صوره للعزبه

المهم وصلنا المطار وحولت الفلوس كلها دولارات وهذا اكبر غلط

لن الريال مايفرق عن الدولار ابد كل مية دولار يفرق ريال واحد
والمفروض الدولارات نخليها لبالي لن بالي سعر الريال بالتراب يعني مابين 2000 الى 2190 في احسن احواله اما الدولار في ارداء حالاته 900 الف
ايه صح ترا وحنا طالعين من البيت انواع العج وكنت اللعب بنفسيت اخوي ع الطريق

وابشركم وصلنا المطار وقصينا البوردنج والوزن طلع 54 للمعلوميه الاماراتيه لكل راكب 30 ك

وعلى صلاة الفجر فتحو البوابه لركوب الطايره وركبنا وكلنا فرحه وكان المقعد سياحي

صراحه طيران الامارتيه لا يعلى عليه ابد خصوصن للي لهم رحلات واميال وانا من الناس اللي استفت منها لني بدلت الاميال وصرت بالدرجه الاولى والمميز انك تقدر تخلي اهلك يحجزون عن طريق النت وانت تستفيد من الاميال

والاكل الله الله مو الخطوط السعوديه ...يافضيحتنا بس
المهم ممدنا نتميلح مع المدام الا وحنى وصلين مطار دبي

وكان مدة الانتظار 3 ساعات لم نحس فيها ابد من كبر السوق ومشاءالله الحريم عند السوق خذ سنافيه

وبالنسبه للاخوان اللي يدخنون فيه كافي بالدور الثاني فوق ماك صراحه قهوه لا يعلا عليها

المهم نادو لرحله وركض ع البوابه
وركبنا صراحه مقاعد مميزه لو اسولف واقارن بين الخطوط السعوديه وبينها بنفجر القالون معاي
1- شاشات كبيره .
2- الكرسي يصير سرير
3-مساج بنفس الكرسي .
4- مسموح لك تطلب بي وقت وش ماتبي وفخامه بالاواني
ولكم الصور

هذي لوحة التحكم

الله الله

المهم اني سدحتها نومه عميقه جدا جداً
ولا صحيت الا يوم باقي ساعه واربيعن دقيقه عن جاكرتا وهذي ميزة الدرجه الاولى

الغريب اني طالب اكل ونمت واحسب خلاص راحت علي يوم صحيت جابوه لي
والله من قدك يا ابو شموخ \

بالنسبه للمطار خلصنا الفيزا بسرعه والغريب الشحده قلانه
{نصيحه خل ماك 25 $لكل شخص لني طيته 100 دولار وزرفني رجعه بالاندونيسي }
\
الشناط والحوسه تقريباً جلسنا نص ساعه وع ماطلعت الا الشيخ اقوم جايب الشرايح الحجوزات والسياره ويالله اقوم نبي نستانس

توجهنا نصرف فلوس وكنا مرهقين ناوين نتعشى في بيتزا هت بس الارهاق خلنا نتعشى في الجزيره

وصلنا مطعم الجزيره

ما اذكر كم الحساب بالضبط بس ماتعدا 300 الف مع السائق
بعدها قلت الفندق ابي انام ....
وطريتو ع بالي قلت اخذ لي صوره عن بوعد عشان تعشون قلب الحدث

دخلنا الفندق وعطيتهم الورقه وصورو الجوزات وكان الشغل سريع جداً
واول ماوصلت الغرفه طشيت نفسي بلا تصوير بلا هم
ونوم ولا اصحي الا ع الساعه 9 وشور وبعدها صورت الغرفه ماعليش محيوسه

طبعاً انتم ع بالي فقلت خلني اصور ع بال ماتخلص المدام

طبعاً الفندق لومير سبقوني فيه الكثير لكن نبي نذكر لعل نفيد احد
هذي الشباك مطل ع سوق الاتريوم

للمعلوميه ترا السوق من تطلع من الفندق تروح يسار اقل من 30 متر وانت واقف عند البوابه
بس اعجبكم ماعلمت المدام ان جنبنا سوق ههه بس كشفتني بالرجعه
وهذي صور لدورة المياه اعزكم الله

فيه شطاف لي

المهم خلصت المدام وفتحت باب الغرفه الا والقى عمال النظافه ينظفون الغرف بعد طلوك اي مشوار وترجع تلقها مرتبه
وهذا دليل الامان فيها

المهم وصلنا الاصنصر


رحلتي الى اندونيسيا
التعليقات (8)
الشمالى سلطان
الشمالى سلطان

السلام عليكم ورحمة الله وبركاته .
لبى قلوب الجميع .. بندا الان بمنطقة انشول وهو ثاني يوم
بعد ماطلعنا من مطعم اميرا
وكان هذا يوم الاحد طبعاً وقت الوكند عندهم
وحنى بالطريق اعجبني هذا الشخص يرتب الزهور ياعيني ياعيني

ومرينا من عند سوق منقدوا

اللي واقع في منطقة انشول قريب من فندق استون مرينا
وكان الخط شوي زحمه مع اننا طالعين مبكر المهم
للمعلوميه : في الصور التاليه هذا نقل عام وله مسار لحاله ما انصح احد يجربه نبي سبق وتوهقت فيه والشي الثاني يشتغل ع الكاز وليس ع ديزل وبنزين ..

طبعاً وانا بالخط ماغير سوالف وصار لي هناء وسويت هناء
وصلنا انشول الا والدنيا زحمه جداجداً

وكان رسوم الدخول كتالي

5الف لثالث اشخاص وسياره .
ترا مكان كذا سعرها ..
طبعاً توجهنا ع طول للقوارب وبعدها عالم البحار وبعدها الملاهي تبعوني بالصور
هذا يبدو انه معسكر

طبعاً توجهنا القوارب واول ماجيته قالي 500 الف لمدة نص ساعه

الشمالى سلطان
الشمالى سلطان
وبعد الفضيحه قلت خلنا نروح لجسر السمك
وهذي صورة المدخل

واقوم سابقنا طبعاً
صراحه كل ما ازور ذا المكان وادخل الجسر واناظر اقول ياعيني ع الترتيب والنظام

شفتو ليش يعني تبي توقف وتصور او تبي توقف ع السير يمشي فيك .

وهذي صوره من فوق

فيه درج تطلع بجنب الجسر يوديك ذا الماك حلو

بعدها طلعنا
وهذا انا طال عمري

ونفس الحكايه لقينا ناس طربانين .. حلوين مو بطالين بس ماعنده جمهور الا انا
ههه

فشلنا بالاخر يبي هديه بالمايك
امحق فنان
بعد مشورات وبعد ماشفنا الزحمه اللي في الملاهي قلنا ندخل ونخذ لنا كم فره بس يخي عجيب السعر مرتفع مره

من جد عندهم زحمه تعيف انك تمسك طابور ع الملاهي
ونمشي متوجهين بوابة الدخول

محل بيع ملابس بس لاملابس زينه ولا سعر زين

بوابة الدخول

طبعاً اول مادخلنا كان فيه محل تجاري ع اليمين ودخلناه واشترينا بعض الاشياء

المعذره في كامل ترا تقاريري في الاسواق مش ولا بود
1- لني مادنيه 2- لن ينتج عن السوق كابه نفسيه ومصاريف بايخه بس فيه تقرير عن سوف سيوبترا
يوم جينا بنطلع طلنا برا الملاهي واثري العوده مع البوابه الثانيه عشان ماتصير لخبطه
طبعاً اذا دخلت يختمون ع يدك

يدي اليمين هذي عالم البحار واليسار الملاهي

طبعا الملاهي كامله مكمله وتصلح اطفال وكبار وشيبان واللي تبي

هذا مكان الالعاب الكهربائيه
لكم مقتطفات من الصور

يالربع انا جيت لشاطي ناس مطقمه فنايل خضر وجيت هناء واشوفهم برضوه مطقمين بس لون غير والمشكله مبين عليهم مو موظفين

هذا نصيحه جربوه حق دوخت راس كله مرايا

مع الفر والدوخه ماطلعت الا من نفس الباب اللي دخلت معاه
وهذي مكان لهاوي الاسلحه والتصويب

بس للاسف صرفني مدري صادق يقول الان فيه عطل بالدينمو حق الهداف

وبعدها توجهنا لمحل الاسكريم هذا وصراحه خقه العسكريم

ايه ع طاري الزحمه هم كيف يوقف طول يومه ينتظر الزحمه والظاهر صدرهم شمالي
بس مو لذا درجه

والله مركب ذي مو لعبه تخوف هذي لعبه توديك اشهار ترج مخك رج

بالله لعبه فيها متعه انك تنسطل
هذي مهي بطاله وحماسيه اذا كنت عزابي وقروبك معاك تجلسون بجهه وانواع الهيصه

بعدها طلعنا ولا لعبنا في اي لعبه والسبب اننا رحنا في وقت اجازتهم
وتوجهنا ع مطعم بندر جاكرتا لكن للاسف زحمه زحمه وريحت السمك خياس
والمشكله المقاعد تحجزها حجز

قلت ياروحي ماطولك جربته اول خلاص رح وتوجهنا للمطعم اللي جنبه واللي هو بيتراهت معشوقي
مدري ليه بالسعوديه بايخ اما باندونيسيا خقه

لا اوصيكم جربوها ماني عارف اسمها
طلبنا واخذنا معنا سفري لنا الوقت العصر وانا دايخ حدي ولا نمت زين فداري اني مراح اصحي الا ع نص الليل اقلها اللقاء شي اكله بالفندق
وكان الحساب

وهذي صور وانا انتظر الطلب

اخذنا الطلب وقال السواق اجيب السياره واجي وقلت المنتدى له حق علينا بالتصوير
وانا طالع فيه سياره صغيره مره مدري هي عرض او انها لشخص المهم قمت اتفرد عضلاتي قدام المدام واعجبتني وصورتها ..{{طبعاً الصوره وانا ابرز عضلاتي عشان ااربعها بايخه }}

بعدها رجعت الفندق واقوى نوم
نكمل متبقى في غداً

الشمالى سلطان
الشمالى سلطان

السلام عليكم
بالبدايه اعتذر عن عدم الترتيب الموضوع وتنسيقه لني والله ع كثر سفراتي لم اكتب تقرير
والنهايه راح يكون الجزء هذا فيه اهم مايريده العضو
التقرير الخاص بهذا الجزء كتالي :
راح اطح لكم اليوم الفلل في بونشاك
الرحله من جاكرتا الى باندوق ولمدة للتين
والاماكن اللي زرتها هي
اليوم الاول ليمبانق { البركان والمياة الكبرتيه }
اليوم الثاني
يوم التعب المضحك وهو زيارة الكهوف والشلالات
واذا تذكرون في بداية التقرير كتبت زياة منطقه مدري وش اسمها بس بعلمكم سالفتها بالتقرير فتبعوني
طبعاً المنطقه جنوب باندوق بمسافه اربع ساعات وطريق الله بالخير
بس طحنا ع شي ولا احلى
اليوم الثالث : الذهاب من باندوق الى بونشاك .
بونشاك : كان اول يوم وصولنا بحيرة الالوان ومطعم حبيبتي جديد واختيار الفله
واليوم الثاني كان عن البراشوت
لا اريد الاطاله بالمقدمه وراي اكثر من 200 صوره فالله يعينكم ويمتعكم
اعذرونا اذا لم نلون وننسق لكن حاب ان يكون الموضوع خفيف من المقدمات وارجو اذا فيه اي سوال واستفسار لا تترددون فانا والله العالم اني اسعد اذا خدمتكم
بالجز الثاني قلنا اننا رحنا ننام
طبعاً كان لنا من ضمن التخطيط اننا نفعل البلاك بيري فا ارسلت اقوم يجيب لنا بطاقات شحن من اجل تفعيل الخدمه

ايه تدلع يا اقوم لو اعرف افعلها مكان طلبت لك كافي ههه
بعدها توجهنا لنومه عميقه من 4 العصر الى 3 الفجر صحيت وخذنا دش وبعدها تكينا لين الساعه 6 الصباح
ويوم طلع الضو ناظرت مع الشباك الا وفيه ذا العسكر يرفعون العلم وانا طاق التحيه معهم ياعمي انتم مين اللي مايطق لكم تحيه

صحينا من النوم وتوجهنا للفطور
طبعاًيوم اقولكم فطوره ماعليه تدرون ليش . عشان هذا اللي بالصحن
ع اليمين

بعد ما افطرنا وعينا من الله خير توجهنا الى الغرفه ورتبنا عفشنا ونزلنا وسوينا شيك اوت وكان سريع جداً وحملنا عفشنى
وتوجهت الى مطعم اميره عشان اصرف لنه افضل من باندوق وصرفت حق يومين هناك وكان الصرف ب 2410 ربيه
ملاحضه . كنت ابي اروح بالقطار لكن عطاني فكره اقوم قال القطار يوصل3العصر والمسافه والزحمه مايمدينا نزور الاماكن اركب معاي ونطلع ومنها نتفرج ونتونس لبى قلبك كانت فكره ممتعه ومتعبه نوعاً ماء
ايه عاد يوم مسكنا الخط قلت وقف نبي ننقنق لن تعرف المسافه طويله وحلاتها تاخذ لك مزمزه شوي ماعلينا تابعو الصور هذهي المحطه

طبعاً المحطه تقول سوق فيها كل شي حنى ملنا حاجه الا الفاء بس الحريم
السوق هذا يروح الحياء عنده

دخلنا البقاله { الدكان, التموينات , اللي هي}
اريد ان اضيف معلومه ترا الفاء سعرهم سعر شركه زي ميد يعني وحلو مافيه نصب

شفتو يوم اقول لكم الحريم ماينعطن وجه ع طول يوم النظارات المهم شحنا من عندها واشترينا النظاره وللاسف لم تلبسها اخذنها ب 120 ريال سعودي تدرون ليش مالبستها عشانها مهي ماركه وهي نصابه عشانها رخيصه
ول ياكثر هولاتكم يالحريم المهم اهديتها لخوي الدلخ ومكشخ فيها
وهذا المسجد اللي في المحطه يخي عندهم مساجد وربي يرتاح لها الروح وناس دينين بس فاهمين الدين غلط وبذكر لكم قصه حسيت اني ابن باز عندهم

المهم بعدها مسكنا الخط وسوالف انا والسواق ومره انا والمدام ونتذكر مواقف الطياره يوم كنت اعبي كرت الدخول ههه انا ماسك الجوال وحاط صورة الترجمه واكتب شوي شوي ويوم خلصت من حقتي قلت للمدام عطني حقتك اعبيها لقيتها معبيتها وانا مسوي الولد اللي انقلزي براشيم ههه
المهم وطول الخط مره نتهاوش واسحب عليها وانقز قدام من باب التغلي بس الله يهديني ما اصبر اخق وارجع
لين قربنا باندوق ولكم الصور

والحماس والراس رايح جاي وشوف وشوف وهد واسرع وعلى ذا الموال

يا رباه ماهذا

وقربنا وزادة الابتسامه ..
طبعاً الفلل اللي ع يسار هذي للاجار ع كلام اقوم

لكم الصور تتكلم طبعاً بطاريقنا الى البركان

وكان رسومنا 50 الف لشخص

طبعاً كل مانقرب من البركان كل مايبرد الجو ويصير اكثر خقه

وراسك شغال دوران
والله الله ياضباب يناس ابي ابكي

وصلنا للهدف ولله الحمد طبعاً نصيحه لا تجون من تحت اول شي كثر الريحه الكريهه وطول المسافه
خل السواق يجيبكم من فوق احسن

وهذا الطرب حقهم يغني لنا يا طيبه

بالله السواق اقوم ماتقول من عرابجت النظيم بذا الصوره
طبعا نزلنا السوق وقلت خلنا نصور ما اشترينا اي شي

هذا محل متاحف

وهذي الخشبه العجيبه سبحان الله

يقشرها ونقشتها فيها
وهذا مطعم البيك الاندونيسي

فابعد تمشيه حسينا بالجوع وقلنا خلنا نتوجه للمطعم وكان المطعم اختيار اقوم صراح ذا الولد يصلح داشر دب مو نحيف ههه

وهذا وحنى متجهين للمطعم

هذا هو المطعم وبالنسبه لي هو افضل مطاعم في باندوق يخدم العرب واكله حلو
الصور تتكلم

مدخل المطعم

الجلسه ولها خصوصيه

القائمه بالعربي

الاكل واعذرونا نقنقا من البطاطس شوي

ياجعلوه بالعافيه اللي يحبها قلبي

طبعاً هذا مسبح مياه كبرتيه والدخول ب مبلغ رمزي

وكان الحساب 327 الف ب 135 ريال
حبايب قللبي لا احد يرد .... تابع

الشمالى سلطان
الشمالى سلطان
تابع
كانت هذي فاتورت المطعم

طبعا الان ركزو معاي زين زين
بتكلم عن فندق جيملانج gumilang ب باندوق وبنزل لكم الصور والمعذره بعضها بالليل وبعضها بالنهار
الفندق 4 نجوم
وراح اعطيكم تقيمي الشخصي عنه ولم يسبق لي احد الكتابه عنه الا ابو العصافير عام 2007 ع ما اعتقد وسكن بالفندق ولم اجد عربي او من يتحدث عربي
هذا الفندق بصورته الطبعيه

وهذا كان دايم لا شفت التقارير بالطريقه هذي اخق

من الداخل بعد الرسبشن وهو مميز بهذا التصميم وهذي طريقة الغرف

الغرفه اللي اخذنها سياحي ولكم الصور
مدخل الغرفه

اول ماتطلع مع الدرج يجيك دورة المياه

دورة المياه اعزكم الله

لا يوجد بانيو
ومقعد افرنجي اعزكم الله لم اصوره والمغسله باينه بالصور
الغرفه

شباك الغرفه ع المسبح وكان مزعج لننا نمنى قبل المغرب وكان فيه ازعاج ومطرين نفتح الشباك لعدم وجود مكيف
بعدين نزلنا ناخذ جوله ع الفندق
هذا المسبح ويوجد مدرب ويوجد صندوق امانات

ترا مو ضباب هذي الزقاره

هذا الممر يودي لنادي الصحي ويودي لصندوق الامانات

وهذا صندوق الامانات
وهذا النادي الصحي

وهذا ملاهي للاطفال

وهاذي ممرات للغرف

وهذا مصرف امام الفندق

وفيه بقاله مقابله للفندق
ثاني يوم طلبنا منهم تغيير الغرفه لن مافيها مكيف والجو حار فاقالو لي تدفع الفرق اذا عن طريق النت 300 الف واذا عن طريقنا 500 الف لن النت ارخص
ودقيت ع ليديا وقلت لها الموضوع قالت انا ارقيك من عندي وبلاش { طبعاً هذي مميزه في مكتب عادل }
وهذي صور الغرفه ولا فيه اي شي يميزه عن الاولى الا مكيف وشاشه بلازماء والمغسله

تقيمي الشخصي للفندق :
1- الامان 7-10
2- النظافه 6-10
3-الفطور 5-10 وعادي جداً
4-الغرف بدون مكيف ماتنفع بريال واللي بمكيف مايبرد
5-لا يوجد صندوق امانات
6- الموقع 10-9 قربه لسوق وليمبانق
7- لا يجدون اللغه الانجلزي ولا يعرفون العربيه مطلقاً
8-تعامل العمال 10-10
9- اجرائات الدخول والخروج 10-10
تقيمي الكلي 4-10
تقولون وش وداك يامقرود اقولكم مقرود ابي اجرب
سعره كان مبالغ فيه وعشان كذا طمعت انه يكون مميز كان سعره 800 الف لليوم
ومدري ليش يعطونه 4 نجوم
المهم نرجع لمحور حديثنا نمنا وصحينا وكنا جايعين وكان السائق اقوم بنتظارنا
رحنا للبوفيه حق الفندق
ولكم الصور
دخلنا وكان زحمه وبصراحه تعاملهم كويس فضو لنا طاوله

وهذي من زاويه اخرا

المعذره لم اصور البوفيه كامل
وهذي صور للفطور

بعد

واخذنا الخبز الدايري وبيض وشكلنا كم لحمه لتجربه لكن فشلت
بعدها جانا السواق وركبنا
بعدين توجهنا الى الكهوف وكان بطريقنا مزرعة الفرواله فقلت خلنا نمرها مع اني ماني راعي مزارع والفراوله باخيه ولكم الصور بس تجربه حلوه اذا كانت اول مره ترا ماتخذ من وقتك اكثر من 10 دقايق
وكان بطريقنا الكفي هذا كنت ناوي اجلس فيه بس للاسف لم يكن لدينا وقت

وبالطريق الى الفراوله

وصلنا ونبي نوقف

وهذي بوابة دخول الى المزرعه طبعاً الدخول ببلاش لكن قطف الفراوله ب القرام ومبلغ رمزي

وهذي مكان للمطامر وكنهم يشتغلون بشي وراه

بوابه اخرا لدخول للمزرعه

هذي هي تعطيك السله ومقص وتقطف من الفراوله وتوزن لك

هذي هي المزرعه

وكان الهجوم شرس
وبدا القطف

واليكم الصور

بعدها توجهنا للمزان

واشترينا العصير هذا وهو زبادي مع فراوله طبيعيه والطعم يعني مش ولا بود
بعدها طلعنا وتوجهنا للكهوف لكن قبلها قلنا خلني اشتري لي حسام السروال معاد يمسك
وراح اقوم وقالي انت تبي سوق اندونيسي ولا سياح قلت الارخص والاحسن قال اندونيسي
المهم وقفنا بجنب ذا المحل

وكان مقابله هذا السوق البسيط الرخيص

السوق من داخل ....
لكن اقوم وراه لابس الجكيت بذا الحر

وهذا هو المحل وفعلاً اخذنا الحزام ب 15 الف يعني مايقارب 6 ريال

المهم طلعنا ومسكنا الخط الوجهه للكهوف
والمقصد الشلالات والمناظر الخلابه هناك وركوب الدباب اهم شي

تابع

الشمالى سلطان
الشمالى سلطان
  1. نظامي اجبرها ع التجربه وبعدها تقوم تمدح


تابع
طبعاً وصلنا الحين مكان الكهوف
واستقبلونا الاخوان الاندوسيين
وقالو ننقلك من هناء الى الشلالات والكهوف والمناظر ب 150 لشخص الواحد ع الدباب
فاقلت المدام صعبه تركب دباب بنمشي قال لي اقوم مجنون تمشي المسافه فوق 6 كيلو
قالي راعي الدباب اسمع انا اخذك والمدام تركب مع زوجتي قالت المدام لا والف لا
قال خلاص خذ الدباب وانا قدامك بدباب ثاني قالت المدام : لا تبطي احط روحي بيدك
افا وين الكلام يابعد روحي والغزل الفاضي ههه
المهم قلت له 100 الف واركب انا وانت والمدام واجبرت المدام ع الركوب ولني من عشان الدبابات في اندونيسيا
ونركب طال عمر
ادعس وخربت بنت الناس ههه

ومع الزقاره الله الله ترا مو مغطي وجهي الا لنه غلط بذا الصوره
بس ترا المدام اعجبتها السالفه
انطلاقه دبابيه

وهذي جولتنا بالدباب
اختي الفاضله السعوديه ترا محد ناقد عليك والتجربه حلوه وانتي مسافره عشان تونسين لا يروح شي بنفسك

نظامي اجبرها ع التجربه وبعدها تقوم تمدح


وصلنا الشلال الاول ولسى مانزلنا

وهذا انا المزيون قدامكم { ماقلت لكم الفريان كل الصور اللي المفروض اصورها لحالها راز وجهي } من اجل حقوق الطبع يالربع لا احد يفهم غلط ههه

طبعاً هذا الشلال الصغير
وهذي وحنى متجهين الى الشلال الكبير عاد مهو كبير بالحيل بس هم حقين هولاات

هذاك اللي يقلون عنه الشلال الكبير بس العجيب مرينا ع شلال اكبر منه وحشرته قلت وهذا وشوي
قال هذا الشلال دبل كبير ههه مابلش الله يخسيه

وهذا عن قرب

وهذا المسبح مو وسخ هذا الماء البركان يطلع من تحت الارض

المهم وطقنها كعابي ووصلنا لكشك دفع رسوم لدخول والله ان مخاب ضني انها 100 الف لنا الاثنين
وع مضن انهم سرقوني لني مالقيت لوحة واضحه

هذي هي التسعيره بس عجزت افهمها

والان ننطلق الى المشي الكعابي وصراحه كان ممتع جداً

هذا المرشد ابو الشلال الكبير ودبل كبير ههه

هذي دوده بس للقافه الصوره

والان نبدا بمرحلة النزول الى الشلال الكبير

وهذا انا طال عمري ع الجسر

وهذا الشلال الكبير من اتجاه النزول

طبعاً اتجهنا الجسر الثاني وتفاجئت بوجود قليلاً من الوسخ

وهذا ع قولت خوينا المرشد شلال دبل كبير

اكملنا المسير

الى الدباب الاخ لي ينقل مكان اخر { للعلم كانت اول زياره لها}
وعالماً من الدهشه

تصوير عامودي

ولكم الصور ونحن في طريقنا والمناظر الخلابه

الجميل انك لا تسمع سوا صوت دبابك ولا ضجيج سيارات الله الله

يازيني قسم ان اللي يشوفني هناك يقول وش ذا السفيه ماتقول بشهر عسل
ههه بالنسبه لذا الصوره وانا راكب الدباب ابو الشباب نساء اني طويل وانا ما انتبهت
وجت صقعه محترمه

جلسات للاستراحه ع الطرق

وصلنا الكهف الاول والله سامج بس اللي محليه انك تركب وتمشي بالطريق اللي يوديك له
الليكم الصور

وهذي صوره للفلسفه فقط

وهذا باب الخروج من الجهه الثانيه وكان بستقبالنا راعي الدباب

لا احد يرد تابع
اليوم بحاول اخلص الكثير

الشمالى سلطان
الشمالى سلطان
  1. ايه الحين بقول لكم سالفه

  2. تذكرون اسم مطعم بادنقان {Situ Patengan} قريت عنه كثيركثيركثير


تابع
في الجز الثالث ما اقول الا جيبو الشاهي واجلسو اقرو
تعبت بس ماني موقف لين اخلص
واللي راح اخلصه اليوم هو
1- المنطقه الجديده ع الجميع
2- الوصول الى بونشاك
3- الفلل وارقام حارسة الفله
4-والبراشوت
والكثير
نبدا بسم الله نكمل ما سبق
بعدها طلعنا من الكهوف متجهين للكهوف الثاني وانا بقلبي اقول ماني داخل بس ابيه يتمشى فينا بذا المناظر
ولكم الصوره اللي انا محليها

هذي الزهور احس الكام مخربها صراحه هي احلى من الصور

وصلنا الكهوف الثانيه ولكن لم ندخل لنها نفس الاوله

وانطلقنا عايدين الى السواق اقوم

طبعاً مدة الرحله في هذيه المنطقه حوالي ساعتين لكن ممتعه للغايه
وهذا الشلال خلف المحلات اللي يوفق فيها السواق

ايه الحين بقول لكم سالفه

تذكرون اسم مطعم بادنقان {Situ Patengan} قريت عنه كثيركثيركثير

وقلت هذا من ضمن القائمه . المهم بعد الكهوف قل ل اقوم تعرف مكانه قال لا بس هذي منطقه بعيده اللي هي بادنقان قلت هذا مطعم قال ماعرفه لكن عندي القارمن قلت اجل طلع وين مكانه قالي هذا بعيد جدا جداً يعني يبيلك 3 ساعات عشان توصله طبعاً الكلام هذا الحين حنى الساعه 10 صباح قلت يرجال رح { وانا بنفسي اقول نصاب ماوده يطق مشوار ولا قريت عنه بالمنتدى انه يبعد 50 كيلو }
اثري صحبنا صادق المكان بعيد وقعدنا ع الطريق اكثر من 4 ساعات والمكان حتى هو اول مره يجيه والمنطقه لا يوجد من يتحدث اي لغه غير الاندونيسيه .
والاعجب ان الماكن هذا جنه وشي فوق مايتصوره العقل واخاف اضلمه بالصور
المهم انه طلع خوقاقي والمطعم اللي قلتو لي عليه ماجيته
واكتشفنا الخطا اسم المطعم ع اسم المنطقه والاخ بالقارمن حدد المنطقه وليس المطعم
ولكم الصور
انطلقنا من باندوق متجهين الى بادنقان المنطقه الجميله .. وصراحه اللي يبي يروح لها لزم ياخذ عزبته من كل شي لن لا يوجد اي خدمه للعرب من اكل ولزم معاه سواقه
بس حسافه ماكنت بالحسبان ولا اشيل باندوق واحطها مكانها
اعجبني اشوف ضلعان {جبال صخريه }

صراحه الصور هناك لا تنسى حتى الطريق يفتح النفس

والمكان كل ماله يبرد
وتعبنا صراحه من طول المسافه
لنها من جاكرتا تقريبأ 6 الى 8 ساعات
طبعاً وانا اصور والسياره تمشي مدري كيف طلعو في وجهي

طبعاً اخوكم سحبها نومه لين قرب ويوم صحيت واناظر المناظر قلت ياقلبي لا تفوت شي صور

لكم الصور

والله انها اجمل من بونشاك بكثير
لكن لم تدعم لحد الان

من زود الخيال كنت ادور هايدي
المهم الصور واجد لكن
دخلنا بوابه ويوم لفينا وناظرنا يسار الا وش ذا المنظر الخلاب وين انا في اي دوله اروبيه
الليكم الصور

زياده عليها اجواء خرافيه

وفيه قوارب لكن من الجوع وحنى ع فطورنا مركبنها
والوقت قريب المغيب

بعدها دورنا مطعم عربي قالو مافيه هناء الا اندونيسي فاقلت يالله شف لنا شي شغله نظيف
وتوجهنا الى

وهو عباره عن مجمع سكني للاجار فيه فلل وفيه غرف وفعلاً مرتب بشكل ممتاز
والسعر غرفتين ب 250 الف اكبر شي وبمسبح مستقل اح راحت علي

وهذا الطعم طلبت وقلت له لا تخليه يحط الصص حقهم لكن مدري عجزت تقبله نفسي ورجعنا ع برنقز

وبعدها قلت لسواق كله انت واللي ينظفون بزارين صغار وانا بخذ فره بالمجمع
وكان وقت المغرب رحت صليت بنفس المجمع وبعدها قلت خلني اصور للمنتدى وهذي تجربه جديده
ولكم الصور كان الجو برد

وهذي صور لي احد الفلل

وبعدها توجهنا باندوق وكان وصوولنا الساعه 10 ونص وع طول نوم
ولا صحينا الا 9 الصباح ومشينا ع طول لبونشاك
تقيمي ل باندوق اخطات في ترتيب الجدول وهي بادنقان المفروض يومي عرفتها بعيده غيرت الموجه ورحت مكان قريب لن هذك المكان يحتاج الا 3 ايام ع الاقل
ايه قبل لا اطلع من الفندق صورت ذا الحيوان مدري احسه ارنب راعي سباقات

بونشاك
وهذي الصوره وحنى متوجهين الى بونشاك

اقبلتي يا معشوقتي بونشاك

طبعاً وقفنا عند مكتب بندر اللي فوق عند بحيرة الالوان وصرفنا ولا اذكر كم كان سعر الصرف لكن لم يعجبني كثير

وبعدها قلنا بنوقف عند بحيرة الالوان

ترا الطريق من خلف المحلات ... ويوم دخلت وانا التفت والتقط احلى صوره

وهذي صوره قبل الوصول الى البحيره والبحيره تبعد عن الشارع بحوالي 100 متر

وهذي صوره للبوابه

هناء تدفع الرسوم
5الف لشخص

وهذي البوابه الثانيه ..لتدخل الى البحيره .

وهناء البحيره المعذره مافي الا ذا الصوره وذا الفنيله اللي انا خاق معها

المهم شفنا واحد يربط نفيخات وحركات قلت بروح اشوفه

اثريه رمي وحركات ...

ودار النقاش القاتل بيني وبين الاندونيسي
انا : كم هذا ..؟
الاندونيسي: هذا 20 طلقه ب 20 الف
انا :
وش دعوه درزن السكتون كله ب 5 ريال .,خلاص انا ابغى 50 طلقه ب 20 الف.
الاندونيسي:
حرام مايجي ,خلي 50 طلقه ب 40 الف
انا :لا اجل مع السلامه .
الاندونيسي: خلاص عشان انتا مسلم
انا :
مبروك لك
واخذنا نعد الطلقات

ونظره اخرا للهداف

والمدام تقول : امامك الهدف اذا كنت جاهر ارمي

افا ماطيحنا شي

اصلن السكتون والهواء لعب بنا
المهم قالي اقوم : ان فيه مطعم اسمه حبيبتي له سنه فاتح وش رايك يا سلطان تجربه
يالله قدام وسبق وقريت عنه يالله
اليكم وصف هذا المطعم يجي ع يسارك وانت متجه البراشوت وقريب من مصنع الشاهي
تقيمي للاكل كان 5-3
=النظافه 5-4
=السرعه 5-4
=المكان 5-3 ينقصه مطل اجمل
التقيم الكلي 5-3,5
الليكم صور وانتم الحكم

بوابة الدخول ويوجد واي فاي

بعد الدخول وهناك جلسات يمكن ان تغلقها وتصبح خاصه

وهناء لمن اراد الخصوصيه المطلقه
والدور الثاني وهو احلى مكان والحمدالله لم يكن هناك احد من ربعنا اصلن مافي احد فوق

وهذي من زاويه اخرا

وهذى المنيو

طلبنا وكان الطلب معصوب وتقيمي له نص ونص والبرمه حلوه وبطاطس
وبعدها توجهنا عشان الفله اللي حجزتها
لا احد يرد حتى انتهاء الجزء كامل

الشمالى سلطان
الشمالى سلطان
ونرجع نكمل متبقى من الجزء الثالث
ع امل ان يكون الموضوع متتابع وليس هناك بعد بين كل حلقه وحلقهيوم عاد صملنا ع الفله اللي كتبتها تو في تقرير الفلل
جتنا فاطمه واتفقت انا وياها ب 100 الف باليوم
وقلت وش ناقصك من اغراض ,وعلمونا واركب ياصاحبي السياره
انا واقوم وقلت خلنا نمر حق التيوس اول شي اللي عند جيا جاكرتا
ورحنا يمه وانا اناظر هناك يوه راحت ايام وفله بذاك المكان

وهذا محل الرجال تراه مهو مبين وسعره كويس

وسعره بالمكاسر لزم 400 الف

وهذي نظرت احتراف وندور ونتلمس

وطاحت العين عليك وتقبلناك في مطني سعيداً مشبعن لي

وبعدها توجهت لسوق الخضره والباقي الاغراض
وعبينا الثلاجه

ويوم جيت البيت
واللقاء المدام مسويه قهوه وهذي اول قهوه اذوقها منها
للمعلوميه فقط : الدله مطلوبه خصيصاً هذي الدله تم سرقتها من مجلس ابوي

وقمنا نتفنن بالتصوير

وبعدها جونا البايعات ورحبنا وياهلا وعطونا اول شي حق الرومتيز ل امي وعطونا وعطونا

وبعدها القهوه الطيبه مادرينا الا فاطمه جايبه تمر لنا .. تقول بابا مايصلح قهوه بدون تمر .
طاح وجهي ههه
بعدها عطينا الملابس لشغاله وقالنا خلنا الحين نبدع
وقامت المدام وقطعت الخضره وتبي تضبط لنا ذيك الكبسه باللحم

وانا شغال تصوير

المهم قمت اروح اشوف المسبح الا وكله ضفادع

عاد الاتفاق انهم ينظفونه بكره ويغيرون المويه بس عقب ماشفت الضفادع قلت قسم ما اطبح

وشويات الا والعشاء جاهز
واجيك مطبح ابي اكل وانام دايخ
صراحه اكل لا يعلا عليه اغماء

بالعافيه

المهم وناخذ نومه ولا نصحي الا الفجر
ونصلي ونعين من الله خير
افطرنا ويوم فتحت الباب واخذ صوره

الا والاخ اقوم واقف تحت

المهم وحنى ننطلق الى البراشوت بكل حماس واراده وانا والمدام محالف تركب ماتركب

والظاهر رحله مدرسيه عند البراشوت

واول ماطلعت كان انطلاق لشخص بغيت اللحقه واتعلق معاه من الطفقه

فتجهت الى الميزان ودفعت 300 الف ربيه وبعدها نادو لي
وشفت عربجي طبح لحاله
وقلت لهم بطبح مثله قالو ممنوع مافهمت بس اللي فهمته ان المن لنهم يعطونك جهاز ويرسلونك وصعب يتوصلون معاك بالعلم لو وافقو ماوفقت

ايه يا كابتن انا جاهز

وطبحنا بحمد الله

وهذا المكان اللي انطلقت منه

واليكم الصور

وذا الفيلا حلوه من فوق حلقة استكشاف
هذا مكان الهبوط

وصلنا بحمد الله ورعايته

والى اللقاء تكسرت في الجزء القادم

الشمالى سلطان
الشمالى سلطان

بسم الله الرحمن الرحيم .
بالبدايه
1- اجعل الصفحه تحمل لن الصور كثيره .
2- بحاول اليوم اخلص من التقرير واجلع صفحاته متتاليه من الاستفاده منه.
3- باخر التقرير سوف اضع لكم الجدول الرحله المقترح والمطبق .
4- اليوم راح اطرح لكم بونشاك كامله وبالي كامله ان شاء الله .
5- لا اريد منكم سواء دعم معنوي وتواجدكم يسرني
6- ضبط الدله وتك ع الموضوع
بونشاك :من 25-الى30 مايو خمس ليالي و6 ايام
اماكن الزياره :
اليوم الاول : يوم الوصول وبحيرة الليدو ومطعم حبيبي والتفرغ لمزتزمات البيت
اليوم الثاني : البراشوت وحديقة سفاري
اليوم الثالث : الصلاة الجمعه في مسجد الاستقلال +بحيرة الليدو+
اليوم الرابع :الشلال الكبير وبحيرة فنيسا
الخامس : وكان وقت اجازه وحديقة الزهور وزحمه الطرق
اماكن تستحق الزياره ولم احصل ع فرصه هيا الشلالات السبعه
=================================
بسم الله
بعد العوده من البراشوت توجهنا الى حديقة سفاري

وحنى بالطريق ك العاده لزم نشتري جز

لا اريد ان اطيل في سفاري فالكثير كتب عنها وسوف اختصرها بقدر المستطاع

كان الدخول ب 400 الف ربيه

وتوجهنا الى سفاري الحيونات

الليكم مقتطفات من الصور
كان في استقبالنا

الاخ فاتح فممه له نص ساعه طيب هضم اللي في فمك

الله الله عليك يا قناص

والخروج الى منطقة الاسود

حلوه الطريقه وهي تمر ع الماء لتنظيف العجلات من روث الحيوانات

وبعدها الخروج

وبعدها توجهة الى قسم الطيور اللي خلف عروض الفيله
طبعاً وصلت عند الباب ومحطوط رسمة يد وانا اتفلسف ع المدام اقولها معناته لا تلمس
ههه اثريها ادفع ههه

وكان في استقلانا شبك يحمي الطيور

وبعدها مكان البومه والخفاش وهو مكان مضلم
لقينا البومه بس للاسف مالقينا الخفاش

وصورنا هذا بالضلمه نحسبه خفاش

صور تتكلم
خقه ذا الصوره تخليك رومنسي غصب

الظاهر انه يستغفر

يقول كل سنه وانت عندي ترا ملينا منك
توجهنا الى قسم التصوير مع الحيونات المفترسه

وسعر التصوير 15 الف

بعدها توجهنا الى كفي وذالك لني لست راغب في العروض الا عرض الكابوي

والنصيب الاكبر في اندونيسيا هي الدونات لنهم حرفين فيها

وهذي كتكوته صورناها بالغصب

بعدها قلت للمدام يالله شدي حيلك من نبي مشي لين نوصل الكابوي
طبعاً المسافه طويله شوي تقريباً كيلو ونص من منطقة عروض الفيله

صور لنا بالطريق

طبعاً هذي منطقة اللعاب اطفال وكبار

وميرنا مرور الكرام ع عرض النمور

واكملنا مسيرنا الى عرض الكابوي

والان ندخل بوابة الكابوي

نكمل بعد الغداء لا احد يرد


خصم يصل إلى 25%