س5: انا علي مخالفات مرورية بالسعودية هل استطيع دخول قطر ولا لا ؟
س6: سيارتي سوناتا 2011 استخدم بنزين 91 بالسعودية
سؤالي ماهو نوع البنزين المناسب لسيارتي ولايسبب مشاكل للسيارة ؟

وعليكم السلام ورحمة الله وبركاته
أفضل طريق من الرياض إلى الدوحة طبعًا المشوار كالآتي
( الرياض - الأحساء - سلوى - الدوحة )
ومن الرياض إلى الأحساء لها طريقين وللأسف اللوحات الإرشادية توديك على الطريق الأبعد
فأنصحك كالآتي
تخرج من الرياض بتجيك نقطة تفتيش تعداها وبعدها ب 70 كم تقريبًا بتجيك كوبري ( سعد - خريص ) أصعد الكوبري ورح مع خريص ثم الأحساء ثم اتبع لوحات ( قطر - سلوى ) ثم بعد الجمرك اتبع لوحات الدوحة
الطريق من كوبري خريص إلى الأحساء مسارين وجديد لكن ما فيه شبك يعني كن حذرًا من الجمال السائبة
والطريق من الرياض إلى الأحساء 280 كم إذا سلكت الطريق اللي ذكرته لك
ومن الأحساء إلى سلوى 160 كم
ومن سلوى إلى وسط الدوحة 75 كم
أما فندق هوليدي فيلا جيد وهادي ونظيف لكن مستواه 4 نجوم وهناك فنادق أفضل منه ويبعد الفندق عن الكورنيش قرابة 15 إلى 20 دقيقة
أما مجمع فيلاقيو فتح أمس الخميس
أما جزيرة الؤلؤة مفتوحة كل الأيام
أما المخالفات المرورية ما فيها مشكلة ممكن تدخل وتطلع من قطر ولا أحد يكلمك على المخالفات
المشكلة لابد تسدد المخالفات عند تجديد الإسمارة أو الرخصة أو الجواز أما السفر ما فيها مشكلة
وأي استفسار تر في الخدمة

المحترم / المتألق .. حياك الله
س2: تم اختيار فندق هوليدي فيلا الدوحه هل تأيدون احجز فيه ولا لا ؟ نوع الغرفة سوبيريور وش المقصد من النوع ؟
هذا يعتمد على الهدف من أختيارك للفندق . بمعنى هل فيه شي يستلزم وجوده بالفندق ( ياليت تذكره ) علشان نفيدك بشكل أفضل
وإذا كان ما فيه / أنصح بفندق رمادا أنكور ( هنا ) + فندق كورال الدوحة ( هنا https://www.booking.com/hotel/qa/coral-doha.ar.html?aid=1300939 ) وتكلفة الغرفة لليلة الواحدة ما يقارب (500 ريال)
تقرير للعضو/ نايف عن فندق كورال ( هنا https://artravelers.com/p/re/653228 )
إليك ما تم إقتباسه من تقرير للعضو / mohmmedalammar * السكن كان بفندق (رمادا أنكور) فندق مرتب ونظيف وموظفينه محترمين ومتعاونين جداً والتكيف ممتاز ودورة المياة نظيفة وكل شي بالفندق مرتب على أصوله، أنصح بالسكن فيه.
معنى سوبيريور ؟
للأسف ما عرف وش معناه
بخصوص البنزين
يوجد نوعين /
الأول / ممتاز ( 90 أوكتين ) وهو المناسب لسيارتك
الثاني / سوبر ( 97 أوكتين )
تروح وترجع بالسلامة

الاخ بونعوم : شكرا لك يا الغالى
طيب ما رايك بفندق مشيريب على ما اعتقد كذا اسمه
بانتظار ردك يا الغالي
الاخ سعود : مشكور على ردك واجاباتك
سبب اختيار الفندق تجربه فقط لانها اول زيارة لي لقطر واعجبني سعره
هل انت متأكد بخصوص نوع البنزين 90 مناسب لي لسوناتا 2011 ولا يسبب مشاكل للسيارة
و97 لاي نوع من السيارات
شاكر لك ردك يا الغالي

أخوي المتألف
للأسف ما عندي خلفية عن الفندق اللي ذكرته

(المتألق)
شاكر لك ردك يا الغالي
في الخدمة يالغالي
كل الفنادق الثلاثة متقاربة في المستوى لكن إنا حبيت أضيف لك تجارب الأعضاء + لقرب فندق رمادا انكور وفندق كورال من المنطقة المركزية
بخصوص البنزين
الممتاز ( 90 أوكتين ) هو المناسب لسيارتك ويحمل اللون الأخضر وبإذن الله ما راح يسبب أي مشاكل
أما سوبر ( 97 أوكتين ) يحمل اللون الأحمر

الاخ بونعوم شكرا لك
الاخ سعود شاكر لك اجابتك مرة اخرى
بس حبيت اضيف منطقة مشيرب ما رايك فيها
+ فندق مشيرب https://www.booking.com/hotel/qa/musherib.ar.html?aid=1300939
وش رايك فيه
مشكور مقدما

حياك الله
بخصوص فندق مشيرب / للأسف لا يوجد لدي معلومات وافيه ولم أطلع على أي تقرير شامل عنه
وأنصحك تتواصل مع أخونا /mohmmedalammar وهذا التقرير الخاص به ( هنا https://artravelers.com/p/re/755239 ) وتجربته مع فندق/ رمادا أنكور

يارجال بنزين مايضر لو الواحد يشرب منه فماببالك بالسياره عب العادي الممتاز يسمونه