- تدروا المالديف فيها كم جزيرة ؟! .. فيها 1200 جزيرة تقريباً !!
جزر المالديف
جزر المالديف, جزر المالديف بالصور, جزر المالديف اسعار
جنة الأرض
متابعينا...
أهلا و سهلا فيكم من جديد...
في البداية و قبل كل شي؛ خليني أعطيكم فكرة بسيطة عن النظام السياحي في جزر المالديف ..
في العادة الجزر ك جزر الكناري و جزر هاواي؛ هي عبارة عن مجموعة جزر بحيث أن كل جزيرة تمثل مدينة؛ تحوي مطار بالإضافة للكثير من الفنادق و المطاعم و الأسواق و غيرها من الخدمات...
لكن
جزر المالديف مختلفة نوعاً ما .. ف هي عبارة عن أرخبيل مكون من عدة جزر .. و عادة الجزر السياحية هي مش تابعة للدولة .. إنما هي مؤجرة بعقود دائمة ل جهات استثمارية .. بحيث أن كل جزيرة تستأجرها أحدى الشركات الفندقية و تقيم عليها منتجع .. و غالباً يكون على كل جزيرة منتجع واحد فقط ..
فمثلاً هذا ا التقرير راح يكون عن أحدى جزر المالديف الشمالية..
هي جزيرة مسماة ب إسم المنتجع الوحيد اللي يحتل جميع مساحتها .. اللي هي
" Co Co Palm Boudo Hithi "
هالجزيرة إلى الشمال من جزيرة مطار مالي الدولي .. تبعد قرابة ال 30 كيلو داخل البحر .. يوجد خيارين للوصول للجزيرة .. خط مباشر بواسطة السبيد بوت .. أو خط غير مباشر بالسي بلين...
الشي المهم اللي لازم يعرفه السائح قبل لا يحجز ع المالديف .. أن سياحة المالديف مقتصرة على ( السباحة + الأكل + النوم ) إضافة لبعض الأنشطة ك صيد السمك و الغوص .. و كل هالأمور تتم في نطاق المنتجع نفسه .. يعني ما فيه خروج جذري من الجزيرة إلا لروحة المطار ..
بالنسبة لمساحة الجزر السياحية فبعضها صغيرة و بعضها متوسطة و نادراً ما تكون كبيرة .. فمثلاً جزيرة ( كوكو بالم ) لو مشينا فيها من الريسبشن بمحاذاة الشريط الساحلي راح نلف الجزيرة بشكل دائري خلال ساعة إلا ربع حتى نلاقي الريسبشن مرة ثانية .. لذلك المكان ما يصلح للي عندهم قلق نفسي من الأماكن ذات الحدود ..
في الجهة المقابلة راح يرتاح فيها من يبحث عن الخصوصية .. و السبب أنها شبه منقطعة عن العالم ف سكان الجزر المقام عليها المنتجعات مقتصر على المقيمين من السائحين بالإضافة للموظفين .. فالموظفين هناك من كبيرهم لصغيرهم في الغالب يقيم ب سكن مخصص في نفس الجزيرة ..
و الحين بعد ما أخذنا فكرة بسيطة عن الوضع بالمالديف .. ما بقى غير نحزم أمتعتنا و نتجه للجنة .. نعم الجنة .. و لكن جنة الأرض كما لُقبت ..
مين الشاطر بالجغرافيا يقول لنا أيش هي وجهتنا ؟!
افا .. ما حد يعرف؟!
يللا راح اغششكم >>> مالي عمري و حياتي .. مالي ألبي بهواك .. مالي ألبي يا غالي .. بشتاق لك و أنا لسى معاك...
برافوا برافوا وجهتنا هي ( مالي )...
بإمكانكم تتسطحوا و تتبطحوا بدءاً من الحين .. أنها رحلة التسطح و التبطح : )
توت .. صحيح ما تنعطون وجه .. خلاص ارحموا النوم .. حتى الغطاء الأبيض اللي تحت راسكم لزق ههه .. قوموا أعدلوا كراسيكم بتهبط الطائرة .. وتراكم محظوظين لأن الطائرة بتهبط في النهار .. يعني بتشوفوا منظر المالديف من الجو .. تراه ما يتفوت...
ما قلت لكم المنظر ما يتفوت .. المياه التركوازية تستقبلنا و حنا بعدنا في الجو!!
تدروا المالديف فيها كم جزيرة ؟! .. فيها 1200 جزيرة تقريباً !!
شغلة ثانية تدروا أن التوقعات تقول مع عام 2025 م ( كما هو مذكور ب جريدة الشرق الأوسط ) ما راح يصير بالعالم شي أسمه ( مالديف) لأن جميع هالجزر راح تغرق نتيجة زيادة ذوبان القطب الشمالي و السبب الإحتباس الحراري .. يعني اللي يبغى يجي مرة ثانية يلحق عمره ما بقى قدامكم غير 13 سنة !!!
لذلك الحكومة المالديفية حالياً تحاول تشتري أراضي من دول ثانية ( أستراليا هي المرشح الأقوى ) من شان السكان يهاجر و يستوطن فيها بعد غرق و أختفاء وطنهم الأصلي تحت المحيط !!!
خلاص خلاص و الله بسكت .. هاذي شفايفي و لزقتها ب تيب .. المشكلة ما اقدر أتخلى عن فلسفتي حتى لو جايين نتسطح و نتبطح و نعطي راسنا إجازة !!
الحمدلله على سلامتكم .. أجلسوا و أخذوا بردوا على قلوبكم ع بال ما يشحنوا عفشنا بالبوت...
والحين بعد ما بردتوا على قلوبكم .. يا شباب يا بنات يللا اركبوا السبيد بوت واحد واحد... و خلال أقل من ساعة باتجاه عرض البحر حنا بالمنتجع...
ركبتوا كلكم ؟!
لا حول الله .. ما صار قدامي اللي واحد من أصحاب العيون الصغيرة.. مشكلتهم دايم في حالة استغراب .. و أنا ما أقدر اكتم ضحكتي أمام المستغربين : )
تكفوا .. أحد منكم يبدل الكرسي معاي منعاً للإحراجات و التبوسم في وجه الأوادم ~
كلامات دلالية جزر المالديف, جزر المالديف شهر العسل, جزر المالديف بالصور
تابع >>>
تدروا أن فيه موظف بهالمرسى شغلته بس يترقب ب التلسكوب وصولكم و بعدها يخبر فريق الأستقبال عاجلاً ليقوموا بالاستعداد في تنفيذ مراسيمهم...
خليني اترجم لكم .. يقولوا لكم >>> أهلا و سهلا فيكم .. الف الحمدلله ع سلامتكم .. تو ما نورت الجزيرة بوصولكم .. تفضلوا تفضلوا
أخيراً وصلنا .. أجلسوا ريحوا شوي بالريسبشن على ما يخلصوا لنا إجراءات الدخول...
أنا ما لي خلق أجلس داخل .. بجلس على هالكرسي مع نسيم البحر ..
ما ابغى أحد يجي يزعجني .. مفهوم !!
نفسي تخاطبني >>> صوت الهوا .. صوت البحر .. منظر الأفق بلا نهاية...
أحسها مسحت كل تعبي ~
أنا مو قايل ما أبغى أحد يزعجني .. الحين ايش يلزق حبل أفكاري اللي انقطع قطع الله شياطينكم ؟!
ليش أجي ؟! ليش ؟! أيش صاير ؟!!
ها .. عندهم معسل ؟!! .. من جدكم ؟!
خلاص تعالوا ازعجوني كل يوم !!
ترى الجزيرة تنقسم لقسمين .. الشاطئ و هو الشريط الساحلي للجزيرة .. والجنغل و هو باطن الجزيرة...
خلونا نبدأ جولتنا بالشاطئ...
مو كأن المنظر هو نفس الصورة اللي على غلاف الباونتي !
خليني أصور عن هالنخلة...
نخلات جميلة .. مثل المناظر الطبيعية الجاهزة تماماً...
أحد منكم يطقني صورة عند النخلة و وراي الشاطئ .. كل لابد أني مطقم مع لون البحر لول : )
و تلوموني أذا تسطحت و تبطحت !!
زورق ولا كل الزوارق ..
هالزاوية عجبتني .. ما ينقصها إلا راس معسل .. أعذروني من شفت المعسلات المصفوفة و دنيتي مو دنيا ~
ولك يؤبر البي هيك منظر و هيك كاتامران...
خلونا نقرب من البحر شوي ..
الحين أنتوا متأكدين أن هالمياه مالحة ؟!
تناسق و تناغم جميل من كلو..
رمال بيضاء ساحرة .. و مياه تركوازية نقية .. و كابلز عايشين برومانسية هع هع
يا زينه .. أروح ملح : )
لون الماء غريب و كأنه حلم !
بدينا بالتفنن ~
ع فكرة اسم الجزيرة يحتوي على معنى ( نخلة الجوز ) لذلك ممكن تلاحظوا كثرة النخيل ..
الثمرة بتاعها .. سبحان الله ثمار النخيل متشابه في تكوينه .. سواءاً كان رطب أو جوز أو غيره...
و الحين بعد ما انبسطنا عالبيج .. خلينا نروح وسط البحر جهة معلم المالديف الشهير اللي هو >>> ( البنقلو )
اللي تعبان يركب البقي...
في الطريق...
انزلوا وصلنا...
يا محلاها و خاصة أن المياه تحيط فيها من كل جهة ..
خاطركم تعرفوا عنها ؟
خاطركم تدخلوها ؟
و لا يهمكم .. إن شاء الله .. و اللي يبغى يسكن فيها يجهز حاله .. أما اللي يخاف لا يشيل هم لأن يوجد البديل على نفس الجزيرة ..
انتظروني رايح و جاي !