سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ashooooqth
09-12-2022 - 02:40 pm
مساكم خير
لي تجربه جميله جداً مع فندق سيتي سيزون
وأفكر هالمره أجرب البارك إن
لكن عدم توفر النت بمجانيه فيه فيما عدا بعض الأجنحه خلاني أحتار أكثر
وكذلك غسيل الملابس
هل متوفر خدمات تفوق السيتي سيزون تخليني اسكنه وادفع للإنترنت؟
مثلاً في السيتي سيزون أقدر أختار وقت الفطور بأي ساعه
ومواعيدهم جميله وخدمتهم كذلك
من حيث النظافه يعجبني
ومساحة الغرف ايضاً
برايكم هل في شي يشجع أجرب عشانه البارك إن؟
أو أتم على فندقي الجميل؟ ^^
وبالنسبه للبستان بالاس
كيف أسعارهم في الفطور وغسيل الملابس؟
أبي فندق مريح من جميع الجوانب وغير مبالغ في الدفع
وشكراً لكم ^^


التعليقات (4)
OmaniHero
OmaniHero
ashooooqth
وأهلا بكم في عمان..
لي تجربه جميله جداً مع فندق سيتي سيزون
وأفكر هالمره أجرب البارك إن
لكن عدم توفر النت بمجانيه فيه فيما عدا بعض الأجنحه خلاني أحتار أكثر
وكذلك غسيل الملابس
طبعا أكيد تعرفي ان البارك ان قريب جدا من السيتي سيزون
واكيد النت متوفر معاهم اكيد متوفر بس لازم تدفعين 5 ريال لليوم
وانتي لما تقولي ان النت مجاني في الستي سيزون اكيد ماخذين حق النت من سعر الغرفه
يعني انتي دفعتي بس موحاسه ... ايه دافعه ومو حاسه
فالحين ممكن تقارني الاسعار بينهم بس زيدي 5 ريال لليوم اذا تبين النت بارك ان
وبعدين كأني فهمت ان البارك ان ما عندهم غسيل ملابس!! من اين لك هذا
اكيد عندهم اختي غسيل ملابس وبعد عندهم تقدري تاخذي الفطور الغرفه
بس انا اقول دام سيتي سيزون عاجبك اشوف تستمري عليه أحسن
هل متوفر خدمات تفوق السيتي سيزون تخليني اسكنه وادفع للإنترنت؟
اكيد متوفر بس طبعا اغلى من السيتي سيزون وبمنطقه غير
خليني اختارلك فندق اربع نجوم "وشكلك تفضلي الاربع نجوم" وغرفه مطله على البحر
وفيه اخر استجمام ويبعدك عن فرايديز وماك ويقربك من مطعم تشي تشي ومطعم لامير
اذا كنتي حابه تغيري انصحك في كراون بلازا
بس انتي لك ساعتين انترنت مجاني في اليوم واذا بغيتي اكثر بتدفعين كذا نظامهم ...
مثلاً في السيتي سيزون أقدر أختار وقت الفطور بأي ساعه
ومواعيدهم جميله وخدمتهم كذلك
من حيث النظافه يعجبني
ومساحة الغرف ايضاً
برايكم هل في شي يشجع أجرب عشانه البارك إن؟
أو أتم على فندقي الجميل؟ ^^
سبق وان نصحت ب كراون بلازا وأيضا احب ان انصح ب القرم رزورت مطل على الشاطي ونظافته لا يعلى عليها
وستايله جميل
الا اذا كنتي ما تحبين البحر والشواطئ سيتي سيزون راح يكون مناسب ...
وبالنسبه للبستان بالاس
كيف أسعارهم في الفطور وغسيل الملابس؟
انتي قلتي تبي فندق غير مبالغ فيه والبستان مبالغ فيه كثير يعني الغرفه تصل الى 120 ريال عماني
واحيانا يكون عندهم عروض وتصل الغرفه الى 90 ريال يا زينها من عروض ههه
واذا مهتمه فيه وما خفتي من اسعاره ممكن ازودك بمعلومات عنه...
أبي فندق مريح من جميع الجوانب وغير مبالغ في الدفع
ان شاء الله الفنادق اللي ذكرتها ترضيك وتكون قد كلامي
وشكراً لكم ^^
عفوا لكم ^^
وأي استفسار لا تترددي

ashooooqth
ashooooqth
أهلين أخوي عماني هيرو صباحك / مساء نور
وشكراً لك على الترحيب : )
ماهو القصد أفضّل الأربع نجوم ولكن من خلال تجربتي للسيتي سيزون حبيته وأرتحت فيه
بالنسبه للأنترنت أتطلعت على موقع بوكينج وذاكرين أنه مجاني
أما البارك إن فمذكور انه بمبلغ معين غير سعر الغرفه
وغير مذكور مرافق غسيل الملابس لجميع الغرف بعكس السيتي
لذلك هل فرق السعر والدفع للنت يستاهل ان اجربه؟
خصوصاً أن تسعيرة الغسيل تفرق من فندق لغيره وعالأغلب البارك بيكون أغلى
عندي فكره عن الكراون بلازا وموقعه الجميل عند كورنيش القرم
ولكني ماحبيته صراحه
أما منتجع القرم اللي ذكرته مادخل مزاجي
البستان عندي فكره عنه وكمان قصدي بخصوص تسعيرة الخدمه مثل الغسيل والفطور
هل مبالغه فيها عندهم؟
بغض النظر عن سعر الغرف لأني خذيت فكره عن أسعارهم
هل تنصحني بالبارك إن أو السيتي سيزون؟ وليش؟ ^^
وهل تنصحني أكثر بالتشيدي أو البستان بالاس؟
وياليت تذكر أسباب الأفضليه بينهم لو عندك فكره ^^
مو بالضروره إطلاله على البحر
شوارع مسقط تدعوا للتمعن فيها من خلال شرفه : )
شكراً جزيلاً لك ولك التحيه

OmaniHero
OmaniHero
ashooooqth
لذلك هل فرق السعر والدفع للنت يستاهل ان اجربه؟
عن رأيي المتواضع انا اشوف ان السيتي سيزون افضل من ناحيه الموقع والخدمات
ولا يمكن تفضلي البارك ان عليه
خصوصاً أن تسعيرة الغسيل تفرق من فندق لغيره وعالأغلب البارك بيكون أغلى
التسعيره في الاغلب تكون نفسها
عندي فكره عن الكراون بلازا وموقعه الجميل عند كورنيش القرم
ولكني ماحبيته صراحه
ليش خير ان شاء الله!! خلاص دام ما حبيتيه اكيد اهم الخسرانيين
أما منتجع القرم اللي ذكرته مادخل مزاجي
واكيد هم خسرانيين بعد ..
البستان عندي فكره عنه وكمان قصدي بخصوص تسعيرة الخدمه مثل الغسيل والفطور
هل مبالغه فيها عندهم؟
للاسف ليس عندي فكره عن الغسيل معهم بس الفطور عاده ما يكون مشمول في سعر الغرفه وسعر الغرفه مبالغ فيه
والانترنت لازم تدفعيله ..
بغض النظر عن سعر الغرف لأني خذيت فكره عن أسعارهم
هل تنصحني بالبارك إن أو السيتي سيزون؟ وليش؟ ^^
نصحت بالسيتي سيزون من ناحيه موقعه وخدماته يعني ممكن تنزلي مشي وتلاقي مطاعم
وسوبر ماركت قريب وصرافه اذا لم تخوني الذاكره وقريب من الشارع العام في حاله استخدامك للتاكسي ..
وهل تنصحني أكثر بالتشيدي أو البستان بالاس؟
وياليت تذكر أسباب الأفضليه بينهم لو عندك فكره ^^
تبي نصيحتي الاثنين من افضل ثلاثه فنادق بمسقط
طبعا شنجريلا يدخل معاهم
بس احس ان التشيدي مسقط افضل من ناحيه الموقع لانه يوجد بالغبره نفس المنطقه اللي فيها
سيتي سيزون بس من الناحيه المقابله للشارع العام فندق فاخر واللي يوجد فيه يوجد بالبستان وشيدي افضل من ناحيه السعر
لان ما يعيب قصر البستان هو بعده عن مركز العاصمه اما الفخامه فلا يعلى عليه ويستضيف الموتمرات اذا كان في اجتماعات
لرؤساء دول الخليج .. بس انتي جايه سياحه يعني مو لك فالسياسه صح!
مو بالضروره إطلاله على البحر
شوارع مسقط تدعوا للتمعن فيها من خلال شرفه : )
نعم شوارع مسقط ما يميزها النظافه
شكراً جزيلاً لك ولك التحيه
الشكر لك لم نفعل الا الواجب ونرحب باستفساراتك ..

ashooooqth
ashooooqth
والشكر لك أيضاً على إهتمامك والمساعده
كذا آخذ سويت في السيتي سيزون وأنا مرتاحه
تحياتي لك
: )


خصم يصل إلى 25%