فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حسّاس
08-12-2022 - 05:04 pm

لاتشكروني على الموضوع
اشكروا العزيز فيصل
على استماته الجميلة
في اني انزلّ الموضوع
رغم اني كنت معترض
على تصغير الصور
لانها تفقد جماليتها
لكن
فيصل يستاهل وماقصر معي
ولايهونوا الاخوان والاخوات
.
//
طبعا ماودي اخوض في التفاصيل الكثيرة
والا بيجي عام 2020 وانا باقي ماخلصت
ابحاول اقتصر قدر الامكان
واللي صدمني اليوم
اني سويت فورمات لجوالي
وطارت الصور
يعني الصور اللي بالكاميرا الاحترافية موجودة
بس صور الجوال طارت
الا كم صورة تقريبا 3
المهم ماعلينا
جات الفكرة فجأة للسفر لاوروبا
مع ضغط العمل
كلمت الشباب
وكانوا مستغربين القرار المفاجئ
وتوقّع البعض انه ضغط عمل فقط وكلام من اجل التنفيس
لكن كنت قررت داخل نفسي السفر
طبعا الشباب مايحبوا الشتاء بعكسي
لذلك الغالبية رفضوا بحجة البرد او بسبب تكاليف الرحلة
فقررت اسافر لوحدي
وبعد فتره
دقيت اسلّم على واحد من الشباب
وجلسنا ندردش
وقلت له انا مسافر ان شاء الله
وقال افا ليش ماتقول لي ؟
قلت له يالله طيب معي
قال اوكي احجز لي معاك الان تذكره
وبرسل لك المبلغ
المهم فعلاً
حجزت تذكرتين غير مسترجعة


التعليقات (8)
F.A.H.D
F.A.H.D
وأخيرا يا حساس..بصراحة لازم نعملك زفة..هذا يوم فرح اللي اخيراً شوفنا فيه تقريرك..
اما فيصل فلازم نكرمه اكبر تكريم لانه نجح في إقناعك بكتابة التقرير..
متابع بالتأكيد ان شاء الله.

مسافر على خط السلام 1
مسافر على خط السلام 1
شكل الموضوع مطول
بس اهم شي تقرير عن الخطوط الفرنسية كيف الخدمات كم السعر بليز ماتتخر

بوحميـــــــــد
بوحميـــــــــد
الحمدلله على السلامه
والف مبروك ترقية خويك
درجة الحراره 3.5-
مستمع بقراءة تقريرك الرائع
فيصل & حساس ربي يعطيكم العافيه

أغلى الغاليات
أغلى الغاليات
ماشاء الله على فيصل اللي قدر يقنعك عفارم عليه والله
كالعاده بدايه مشوقه حساس
متابعين معاك لا توقف ،،، زي خويك قدام قدام ههه
يعطيك العافيه حساس

حسّاس
حسّاس
كالعادة
ال المعدد مو شغال
والا كان ودي اقتبس رد كل شخص واشكره على حده
لكن شكراً لكم جميعا
واشكر لكم تشجيعكم
ومنورين ياهل المركاز
حبايب قلبي

فيصل
فيصل
طبعا مأيس من التقرير
شفتك اليوم قبل أطلع قلت هو بيشارك بالاستفسارات ولا برأسه سفره لباريس
ما توقعت التقرير
يا سلامي عليكم يالسعوديه
وه بس يا حساس
والله ولا أحلى تقرير
من البدايه منت متووقع تسافر ومشكله منا ومشكله مناك بس إن شاءالله انها ضبطت
احلي شيء والله اسويه لا صرمت بجزم عمري ومن معي كلش غير مسترد لا طيران ولا فنادق
واصل يالحبيب

حسّاس
حسّاس
التقرير متعدد الدول
بعد الانتهاء من التقرير سيتم اضافة روابط في البوابات الاخرى
للتسهيل على الاعضاء
//
بالنسبة اول ماوصلنا المطار
توقعتهم بتشديد نيوزلندا
وجلست انتظر يفتشوا الشنط
بس طلع ماعندهم مسار للتفتيش
الله يذكر مسار 4 بالخير يانيوزلندا
طبعا كان قبلنا قروب ياباني
بس لاني انا وزميلي لوحدنا
مشوّنا قبل هالزحمة
خلصنا اوراقنا
واخذنا شنطنا
ورحنا نستلم السياره
مايحتاج اقول لكم صدمة الجو اشلون كانت
المهم طلعت ادور مقر مكتب التأجير
وزميلي قاعد يلبس اللبس اللي في شنطته كله
وصلت لفرع بس طلع مو الفرع نفسه
بس قالوا مو مشكلة نجيب لك السيارة
وانا كنت مستأجر سيارة قولف
بس لانها ماكانت موجوده اعترضت
وقلت لهم انا دافع المبلغ من السعودية
بس حلوّ الموضوع
وعوضوني بباسات ديزل شامل النافيقيشن
واخذتها بتأمين شامل من الى
بنفس قيمة السيارة القولف
طبعا مايحتاج اقول لفينا في المواقف لين لقينا المخرج
طبعا بما ان الوقت راح والجو بدأ يظلمّ
قررنا التوجه مباشرة الى بلجيكا
يعني من فرنسا الى بلجيكا واحنا تونا واصلين
وفعلا
حاولنا في النافيقيشن المدمج
لين حولنا اللغة الى الانجليزية
وحطينا مدينة
خنت في بلجيكا
واللي سبق وحجزت فيها ليلتين في فندق هوليدي ان
واتوقع المسافة
كانت 300 او 400 كيلو
طبعا بلجيكا ماكانت على البال او الخاطر حسب تخطيطي الدقيق والمسبق !!
اللي كان

وهذا الجدول كمان
اللي حاط فيه المسافات
واللي ما التزمت فيه اساسا

الجميل اني اغيرّ رأيي في ثواني
والحبيب مايقول شي
يقول قدام
لذلك اتجهنا الى مدينة خنت في بلجيكا
وقبل مدينة ليل الفرنسية
ضربنا الجوع
ووقفنا في ماكدونالدز
وواصلنا الرحلة الى ان
وصلنا الفندق
Holiday Inn Express Gent
( صورة من النت لموقع الفندق )
وبالمناسبة هو فندق صديق للبيئة

ولقيت غرفتنا دافيه
حسب اتفاقي المسبق معاهم
دقيت من السعوديه قلت لهم
شغلوا الدفايه
ههه
هذي الغرفة
لاحظوا حركات السعوديين طيران رميت جاكيتي على السرير اللي ابغاه
.

طبعا صحينا الصباح
ولقينا هالمنظر من الشباك

ونزلنا على الافطار اللي سبق ودفعناه من قيمة الغرفة
هنا شحن الكاميرات والعدة والجوالات

وبما اني من 3 شهور قبل السفر
كنت شايل الموضوع تماما عن زميلي بحكم انشغاله وظروف عمله واختباراته
قلت له
اذا وصلنا اوروبا مالي شغل في شي
اشتغل ووريني همتكّ وماقصرّ
الاخ جايب ملف وخرّامه

جزء من بوفيه الافطار

وهذا فطوري

الى هنا وبرب
طبعاً يفترض ناخذ جولة في خنت البلجيكية
بس ياترى ايش رد فعل صديقي
يوم قلت له نروح هولندا
وبعدين نرجع لبلجيكا !!
يتبع فيما بعد

حسّاس
حسّاس
فيصل
هلا بالغالي
هذا التقرير
هدية بسيطة لك
ولايهونوا الاخوان


خصم يصل إلى 25%