خطاب2
08-12-2022 - 11:55 am
السلام عليكم
مساكم الله بالخير جميعا
اخواني انا ناوي استأجر سيارة من الخبر او الدمام وا اروح بها للبحرين .. ولا اريد اروح بالنقل الجماعي و استأجر من البحرين لان معي اغراض كبيرة الحجم راح اجيبهم المهم .. انا ما يتيسر لي استاجر الصبح او الظهر بسبب الدوام .. فسؤالي طال عمركم هو هل اقدر استاجر العصر او المغرب مثلاً ويسوي المكتب التفويض من خلال مرور الجسر .. ابي إجابة اكيدة ومن مجرب او شخص يعرف مجرب لأني اخاف ان مكاتب الجسر ماتتعامل مع مرور الجسر وانا بجي من الأحساء عشان هالشغلة .. والسؤال الثاني الان مكاتب التأجير هل تحسب اليوم بمرور 24 ساعة او عندهم وقت معين في اليوم بمروره يتم حساب يوم كامل ( مثلما ان الشقق المفروشة مثلا تبداء تحسب يوم جديد بمرور الساعة 2 ظهراً فهل الشي ذاته عند مكاتب التأجير) وايضا هل هناك مكاتب في الخبر معروف انها تعطي تفاويض وياليت وصفها بالضبط لشخص قادم من الأحساء لأني ما ادل في الخبر الا الواجهة البحرية .. علما اني لست موظف حكومي لكني مستعد أدفع تأمين مالي حتى وان كان كبيراً .. وجزاكم الله خير .
التفويض يكون جاهز عند مكتب التاجير و يكتب فيه بياناتك و قيمنه 50 ريال في اغلب مكاتب التاجير .. و لما توصل الجسر تروح لمرورالجسر و هو يصدر لك التفويض كل الموضوع ما ياخذ من وقتك 5 دقايق... رحلة سعيدة