السلام عليكم ورحمة الله وبركاته :استكمالا لموضوعي
https://artravelers.com/p/re/740789 انتهيت من الجزء الالماني .. والحين بالجزء السويسري
لكن ماكنت راضي على نفسي في الجزء الالماني .. ماعطيته حقه
لاني كنت اغيب كثير .. ومااعطي التفاصيل
الحين بعطي التفاصيل اللي اقدر اتذكرها وبذكر كل شي من جديد ..التحضير للرحله :
كان قبل تقريباا 8 شهور تقريبُا ..
الرحله شبابيه ..
كلنا اول مرره نروح اوروبا .. اما انا اول مره اطلع من الصاله الدوليه
اولا :تم الاتفاق على موعد الرحله .. مني انا وابوعبدالله فقط
والباقين يقولون فصلوا وحنا نلبس وعلمونا قبل الرحله باسبوع بس
وحددنا وجهتنا .. الوصول والمغادره والجدول كامل
ميونخ . يوم وصول
رست .. خمس ايام
انترلاكن .. خمس ايام
زيلامسي .. ست ايام
ميونخ .. يوم المغادره
وعلى هالاساس انطلقنا نبحث عن تذاكر رخيصه ..
السعوديه ماكان فيه خط اساسا ل ميونخ
وبيني وبينكم .. اول مره اسمع بالترانزيت ولا دريت وشو الا من تالي .
انا كنت ساكن براء الرياض ب 200 كيلو تقريبا
ابوعبدالله المندوب الدائم للرياض .. يدرس هناك ونافعنا
بحثت في النت وفي البوابات الاوروبيه
حصلت ان الارخص .. الاردنيه .. المصريه
ودخلت على موقع مصر للطيران
مرحبا بكم في موقع مصر للطيران http://www.egyptair.com/Arabic/Pages/Default.aspx
حطيت التواريخ
من 22/5/2012
إلى 7/6/2012
طلع لي 1800 ريال
هو صدق
التفت لابوعبدالله .. > انت تشوف اللي اشوفه
طبعا كنا في كوفي
وحاولت احجز عن طريق الموقع لكن جوازات الشباب ماكانت معي عشان الاسماء
ولا ردوا على الجوال ..
ياليل ابولمبه ..
ونزرق لاقرب مكتب .. وقال لنا ب 1800
قلنا احجز ياسنايدي
قال لازم اصل الجواز او صورة الجواز
ياليل البعارين
وقلت مابه الا لين اروح للديره وبعد اسبوع اكون جبتها ..
المراد ابو عبدالله حجز لان شغله كان جاهز ..
عشان اذا ارتفع يكون تسد حجز
وارجع بعد اسبوع في جمعتنا في استراحه في الرياض
وجايب شغلي معي .. الجوازات وكوول شي
المهم وانا في الاستراحه دخلت على موقع مصر للطيران
واحصل التذاكر ب 1517 ريال
صدق كذب ..
الا صحيح
واخذ اللاب توب ولاقرب كوفي عشان احجز عن طريق موقعهم ان قدرت
المهم دخلت انا ابوعبدالله على الموقع
ونحجز ونحط الاسامي ونختار المقاعد ونختار الوجبات حتى
والحجز اوكي .. بس باقي الدفع
مايقبل الفيزا
اعيد اعيد اعيد اعيد .. ماش مايقبل
وش الحل ..
مابه الا تزرق بكره لمكتبهم اللي على طريق الملك عبدالعزيز
طبعا حصلت هالمعلومات في موقعهم
وتقولهم ان الفيزا ماقبلت معه
فعلا راح لهم وبنفس الحجز سحب بالفيزا نفسها من المكتب وقبلت وصار الحجز اوكي
نجي ل حجز السكن
حجزت في ميونخ ب شقه ل ست اشخاص تبعد عن الفندق 7 دقايق تقريبا
في الريف ماكانت في نفس المدينه ميونخ
https://www.booking.com/hotel/de/hotelpension-zum-gockl.ar.html?aid=1300939 كان سعره 199 يورو
كان سعره غالي .. لكن انحدينا عليه
لكن الشقه نظيفه وماعليها خلاف
تفاصيل بالتقرير السابق
في سويسرا سكنت في اكواخ في وادين لوتربرونن في انترلاكن
https://www.booking.com/hotel/ch/camping-jungfrau-hostel.ar.html?aid=1300939 خمس ايام ب 3000 ريال تقريبا
تفاصيله بالجزء القادم مع التقرير
وباقي الاجزاء مع كل جزء بنزل معلومات عنه
ورابط حجزه على بوكينق ورايي فيه
طلعنا الفيزا (الشنقن) قبل الرحله بشهرين عن طريق مكتب لاني مااقدر اجي الرياض عشانها
عطيناها مكتب وطلعها بزيادة 200 ريال على كل واحد
بدون كشف حساب
وحجز بوكينق
وانتظرنا لمى جاء موقع الرحله
وتفاصيلها في التقرير السابق
الحين ابدا معكم الجزء التالي
اللي هو الخروج من رست إلى انترلاكن مرورا ب شلالات الراين
يتبع
بسم الله ..
في 27 مايو
انطلقنا من رست إلى انترلاكن
لكن بنمر شلالات الراين على الدرب
مشينا تقريبا الساعه 10 الصباح ..
ووجهنا القارمن على شلالات الراين
N 47 40.688
EOO8 36.578
الطريق ماكان ممل ابدا .. ومضبطين ترمسين شاهي بالحبق ..
المهم وصلنا الديره اللي فيها الشلال مدري وش اسمها ..
حصلت الموقف اللي مخزن احداثياته مسكر
المهم لفيت وحصلت موقف لكن مب قريب مره .. وخذنا الدعوى رجليه ..
وكانو الناس واجد
وشمس .. وياويلك من الشمس اذا طلعت .. تحرق
اول ماوصلنا للشلال من الجهه الثانيه
هذي صوره لنا *-*
طبعا لبسنا واحد من يوم كنا في الرياض إلى رجوعنا للرياض
حتى ملابس النوم ^-^
خذنا فره شبه كامله .. لمى وصلنا للمكان اللي يبيعون فيه التذاكر
وكنا نبي الخطه الصفراء .. اللي توديك إلى في الوسط بين الشلالين ..
محاوله احتراف .. طبعا الآدمي هذا .. جواله جديد .. لكن من هذيك الرحله الذاكره عنده انتحرت
اتوقع عنده 9817239873249387 صوره في ال htc
طبعا حنا نبي نروح في الوسط هونيك
انا ابي الخطه الصفراء ..
طبعا الشباب مايدرون وين الله حاطهم .. الجدول كله من تنسيقي من وإلى والاحداثيات وكل شي ..
عشان كذا وين مااروح يروحون .. مريحين روسهم
انا كان عندي فكره عن الشلال من التقارير اللي قريتها ..
قصينا التذاكر .. وجلسنا ننتظر وكان فيه سراء وزحمه .. وكلهم هنود وصينين
وهذا قروب قبلنا
بعد انتظار وانتظار وانتظار ... جاء القارب الاصفر وركبنا
وصوره تذكاريه .. عطيت الكام . واحد من هاللي مفغصين وصورنا
هذي صوره من القارب نفسه .. وحنا قريبين من الوصول
هذا يوم وصلنا ..
وفيه وحده قدامنا .. معها تسلب ومعها بنتين ..
طبعا التسلب اهم من البنتين .. شايله الكلب ..
واصور الكلب واخلي الصغار يشوفون الصوره .. ومره وريت امهم الصوره .. وقالت نايس نايس .. شكلها تسليك *-*
تحسبني ابي اشبك :::-)
من الاعلى
وداعا
حطيت احداثيات الكوخ .. الموجود في ورقة حجز بوكينق
وانطلقنا
اول منظر للثلج .. بغيت اشمع بهم في السياج ..
هذي ديار مدري وش اسمها في الطريق
فندق حصلناه على الطريق وقفنا نستريح شوي ونصور الديره اللي تحتها
هذي وحده شفتها .. قسم بالله " حبيتها " .. ^-*
ماجالي نفس امشي من دون مااصور معها .. وفي نفس الوقت . منحرج
وشلون ..!!
اروح لها وش اقولها
المراد ان فيها عرق عربي .. ووجهها مألوف مهب غريب
وفي النهايه خذت لها صوره سريعه قبل لا امشي ..
شي في الخاطر ..
.
.
من الطريق بعد
هالبحيرات عد واغلط
يالبيه من يسكن فيذا
لونجيرن .. ماعرفت الا هو من كثر ماشفت هالمطل في التقارير
صور بعد قربنام من انترلاكن
وصلنا للمخيم .. حقنا
سوينا دخول وحصلت اسمي مكتوب على الكوخ قبل مااجي
سريع سريع
اجراءات سريعه جدا في الدخول
صور للكوخ
صوره ب اربعة اسره
هذا من دريشة الشباب في غرفتهم ام اربعة اسره
الشلال اللي بتشوفونه في التقرير الجاي جزء منه يجي من جنب الدريشه
الصاله ( طاوله , مطبخ كامل متكامل , كنبه وحده حقت شخصين , بدون تلفزيون , الفرن غاز .. )
سيارتنا جنب الكوخ
جلسه خارجيه في الصباح الباكر خرمه خرمه خرمه على هالجلسه احيانا نفطر براء ..
بكذا وصلنا ونزلنا عفشنا وسوينا كبسه وتعشينا ونمنا
المخيم اللي حنا فيه .. في خدمات .. سوبر ماركت . بار اشوفهم يتجمعون تقول عصافير في سدره . بس احسن شي انه مايطول عشان مايزعجونا . وانترنت في اجهزه خاصه لها .. فيه هاتف عمله .. فيه صراف الي . فيه تغيير عملهبكره ان شاء الله .. جوله في انترلاكن .. وتصوير .. ومصابيب ..!!!
وشفنا البطه .. *-*
بتعرفون كل شي في الجزء الجاي بإزن الله .. زس از زا فينيش .. < الله يذكرهم بالخير مصارية المتوسط
اشوفكم على خير