قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المسافر 2013
01-12-2022 - 08:37 am
السلام عليكم
اخواني الاعضاء احنى شباب حجزين على القطريه من جده الى جاكرتا فيها ترنزيت 6 ساعات في مطار الدوحه
طبعن الوصول هيكون الساعه 9 مساء
ابي نصيحتكم
هل نطلع من المطار ونتمشى في الدوحه ولا مافي وقت ...؟
وش افضل مكان حلو في الدوحه وقريب من المطار ...؟
واحنى اول مره نطلع ترانزيت هل نستلم العفش ولا على طول تروح للطياره الي بتودينا جاكرتا...؟
وهل لازم يختمون على الجوزات وش الاجراءات في الترانزيت ...؟
وكم هيكون سعر التاكسي ...؟
تقبلو تحياتي
واسف على كثرة الاساله


التعليقات (9)
شوشوما
شوشوما
بصراحه ما عندي اي فكرة بس ممكن تروح مطعم قريب من المطار او تروح المول ممكن وهذا اقتراحي

المسافر 2013
المسافر 2013
اشكر تفااعلك معي والله يعطيك العافيه
يااحلى شوشوما
ياليت احد يقولي اقرب موول للمطار ،،،،؟

kmol2007
kmol2007
اقرب شي اتوقع مول سيتي سنتر عند فندق الشيرتون ممتاز وفيه سينما

شوشوما
شوشوما
اخوي المسافر اقرب مول للمطار هو اسمه المول في الهلال فيه سينما وفيه مطاعم اما السيتي هو بعيد عن المطار
وحياك الله

بوحميـــــــــد
بوحميـــــــــد
ماانصح بالخروج ممكن تصادف زحمه لاسمح الله وتفوت كل شيء
وربي يوفقك ويسهل امرك

المسافر 2013
المسافر 2013
اشكركم وماقصرتو
اخوي بو حميد 6 ساعات ما تكفي نروح ونرجع ،،،،؟

coffeeamosha
coffeeamosha
طيب واللي عنده ترانزيت 11 ساعة ايش يسوي ؟؟الوجهة من الدوحة لجدة
بليز دلوني على اقتراحاتكم واذا كان حستلم عفشي ولا يجلس فالمطار وينتقل لطائرة جدة ؟ واذا نحتاج مول ولا فندق ؟ ماظنتي فندق لاني ابغى ارجع المطار قبل الرحلة بساعتين اضمن لي

بوحميـــــــــد
بوحميـــــــــد
نزلت ترانزيت بدبي 13 ساعه
وطيران الامارات اعطاني غرفه بأحد الفنادق للراحه مع باص يتحرك كل 15 دقيقه للمطار
اطلع وارجع قبل الرحله بساعتين إذا كنت ملزم على الطلعه
وربي نسيت شوارع قطر لي سنه مارحت لها
المطار يبعد عن سوق واقف تقريباً 15 دقيقه إذا ماخاب ظني
وعلى الجهه الاخرى سيتي سنتر بمنطقة الابراج بالقرب من شيراتون الدوحه
ولاتنسى الغداء بمطعم بندر عدن اطلب حنيذ لايفوتك
واعذرني إذا كان وصفي غير دقيق
وبالتوفيق

بوحميـــــــــد
بوحميـــــــــد
coffeeamosha
اكتب موضوعك ببوابة جده والاخوان مايقصرون


خصم يصل إلى 25%