قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لمى بنت فهد
01-12-2022 - 12:37 pm
السلام عليكم
ان شاء الله في رجعتي بوقف في قطر لمده ساعتين من 12:50 الظهر إلى الساعه 3 العصر
شرايكم وش أفضل مكان ؟
ودي بجزيرة اللؤلؤه بس هل بتكون فاتحه هالوقت ؟
واذا فيه مكان غيرها لاتبخلون علي : )


التعليقات (5)
بو نعوم
بو نعوم
وعليكم السلام ورحمة الله وبركاته
ما أظن يكفي الوقت إنكم تخرجون من المطار
ودائمًا ينصحون بالتواجد في المطار قبل الرحلة بساعتين
وجزيرة الؤلؤة بعيدة عن المطار وأكيد بيصادفكم زحام لأنه وقت الخروج من الدوامات
فما أنصح بالخروج من المطار نهائيًا

لمى بنت فهد
لمى بنت فهد
كثير ساعتين في المطار
حنا في الروحه بنجلس ان شاء الله اقل من ساعه وهذي مب مشكله
لكن الرجعه دامها ساعتين قلت نطلع نتمشى شوي
طيب مافيه أماكن حول المطار ؟
أو المشكلة بالزحمه

بو نعوم
بو نعوم
ساعتين في المطار مش كثيرة
لأن من نزولكم من الطيارة ثم الذهاب إلى البوابة الثانية يبي لكم وقت
فما في داعي انكم تغامرون وتخرجون ربما يفوتكم موعد الطيارة الثانية
لأن لو حسبتي الوقت نزولكم من الطيارة يبي لكم وقت ثم خروجكم من المطار ثم البحث عن تاكسي ثم الذهاب إلى مكان ثم البحث عن تاكسي للعودة إلى المطار ثم تختيم الجواز ثم البحث عن البوابة فكل هذا ما أظن بتخلصون هالأمور في ساعتين
فنصيحتي تجولوا في سوق المطار أو تجلسوا في مقهى في المطار هذا أنسب شي
والشور عندكم

ســـــعـود
ســـــعـود
المحترمة / لمى بنت فهد
ما ذكره الأستاذ/ بو نعوم هو الصحيح والأفضل
وتروحون وترجعون بالسلامة

O-Murad85
O-Murad85
اضم صوتي لصوت الاخوان
كلش و ابدا لا ننصح بالخروج من المطار حتى لو كان ترانزيت 3 ساعات
لان مثل ماقال اخوي بو نعوم على ماتطلعون من البوابة و تروحون لي البوابه الثانيه اقل شي تاخذ ساعه
الافضل البقاء في المطار
تنزلون من الطيارة و تقضون حاجتكم و تصلون و تاخذون جولة بالسوق الحرة والوقت طايف
درب السلامه ان شاءالله


خصم يصل إلى 25%