باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
MoOoG
07-12-2022 - 12:03 pm
السلام عليكم
الحمد لله الامور تمام
وصلت قبل يومين .. كانت عن طريق الخطوط اللبنانيه وكان فتره جلوسي ساعتين في المطار
كان الوضع هناك تمام وكل اللي شفتهم لبنانين اللي هم قمه الذرابه والترحيب والابتسامه
صراحه حبيت ازور لبنان من ناسها عموما
الطيران كان مريح والموظيفات خدومات والخطوط جيد جدا واكلهم لذيذ
وزعوا علينا كعك العيد بالفتسق اللبناني كان حلو
ماعلينا نرجع لباريس
وصلت المطار واستقبلني الفرنسي حق الجوازات ناظرني وناظر المدام يطابق الجوازات
وسالني قالي ليه جاي باريس رديت وقلت فور تورزيم
سلمني الباسبورد وقال ويلكم بابتسامه
استلمت الشنط وتابعت لوحه الباص التابع للخطوط الفرنسيه
جا بعد ربع ساعه للمسار رقم 2
ونزلت ومشيت خطوتين للاوتيل اللي نصحني فيه الغالي فيصل لا ريجانس < ع قولت الفرنسين
المهم سوا لي تشك ان ونمنا ساعتين وطلعنا الشانز وكان زحمه
تسوقنا انا والمدام ووصلنا لين اديداس وقطعنا الطريق ورجعنا لين القوس
جربنا مطعم الكشميري وطلبنا تشكن كورما ولحم مسلا
وحنا جالسين جاو بنات خليجيات وحسيت انه معروف للعرب
اشكر اختي لندنيه ع الافاده ع المطعم وشوارع التسوق
وكنا وقتها تعبنانين ورجعنا الاوتيل ونمنا بعد ما كلمنا الاهل
اليوم الثاني .. رحنا الفوكيت وطلبنا كلوب هاوس وعصير وكوفي .. خطير صراحه وفيه خليجين مترزين فيه
دخلت شارع الجورج الخامس لين شفت شعلة ذكرى الاميره ديانا
وكان هناك منظر حلو للتصوير نهر السين مع برج ايفل
كملنا ع شارع الماركت والمدام كان رائع لها وانا مغبون لان ثاني يوم والجيب يتحرك كل شوي
المهم رحنا متحف اللوفر واشكر اخوي مغرور اللي مدح لي مكانين فيه الي هم
مونليزا وغرفه نابليون
بس صراحه كنت اقول بيني وبين نفسي لو معي اطفال كيف يشوفون بعض المناظر !!
قبل المتحف كان فيه بحيرة وفيها كشك ايس كريم ع الزوايه اشكر اخوي مغرور ع الافاده
ماعلينا
طلعت ورحت جسر العشاق وكان له بصمه حلوه لنا خاصتا المدام
بعدها ركبت ميترو وطلعت الحي الاتيني .. شريت بعض الهدايا والتحف
واكلت فلافل معز .. عجبني ودورنا انتركوت ودورت
وكل ما اسأل عنه .. يحركون حواجبهم باستغراب انه مافي شي اسمه انتركوت
استسلمنا وقلت بنفسي وين عبدالله يدلني ولا فيصل خ
رجعت الاوتيل ونمنا
اليوم الثالث
رحت الصباح للمونامارت ونزلت في محطه للميترو .. اتضح لي انه اقرب محطه للصعود
يعني طلعت مرتفع مع كمن درج وماحصلت الا انا فوق ..
دخلنا الكنيسه وصورنا ف المرتفع ورسمنا واحد رسمه كركتير صراحه فنان وعجبنتا حيل اللوحه خ
ونزلنا بالمترو واكلنا ف مطعم فاست فود وانا اكل اناظر شباب يخزون مخباتي
واتصح لي انه ياتونسين او مغاربه وطول وقت ما اكل اناظر فيهم وكيف يراقبون الناس
وان رجع واحد فيهم بفشل يزعلون البقيه شوي رجعو يناظرون شنطه المدام ومحفظتي ف جيبتي
ما ارتحت واكلنا وقمنا بعد ما تسوقنا شوي هدايا
ركبت المترو وزرنا متحف الشمع وكان من جد رائع
تصورت مع اغلب الشخصيات وكل صوره لها وضعها مره ابتسم ... مره اتصور كاني بتضارب مع جاكي شان مره البس نظراتي مع شخصيات مهمه خ كان رائع صراحه
توني رجعت الاوتيل واقول بيني وبين نقسي لحد الان ما زرت برج ايفل
اي احد يبي يسأل يتفضل مشكور
اشكر مره ثاني كل اللي فادوني واشكر المنتدى
والحمد لله ع كل حال
ف امان الله


التعليقات (9)
MoOoG
MoOoG
بالنسبه للحراميه
ابصراحه تعرضت لحركه الخاتم وعصبني واحد بانه دق كتفي يطلبني ان اوقف بعد ما طنشته ..
وقلت نوو اتس نوت بيلونق تو اس .. رد وقال انه لكم وطنشته
بالنسبه للميترو
طلع سهل واللي يروح هناك بيفهمه وبيحس انه يتنقل بتغير المترو هناك كانه واحد من شعبها خ
بصراحه المترو قديم وكله درج ولازم له لياقه
وشكرا لكم

MoOoG
MoOoG
وهذي لعيون فيصل ومغرور نجد والاخت لندنيه وكل المشرفين والاعضاء

MoOoG
MoOoG
سبحان الله قبل امس الجو بالليل رطوبه
واليوم وانا ف برج ايفل والجو في باريس بارد ويبغاله جاكيت
وابشركم طلعت البرج وكان له ذكريات جميله
الطابور اخذ وياي 10 دقايق والساعه كانت 10 ونص
ربع ساعه قدام الاسنصير بس تهون وانت تصور وتناظر اللي حولك منبهر
وان نور البرج الكل يقول وا واو وابصراحه ما الومهم
المهم الجو بارد بالليل ومن جد يبي له لبس ثقيل
وهذي وانا أأشر للمدام قوس النصر خ

تحيتي للجميع

فيصل
فيصل
حمدلله علي السلامه
باريس كل يوم جو علشان تنبسط وتشوف الفصول الاربعه
نبي تقرير خاص للفندق بليز كل صغيره وكبيره تراني ما سكنته ولا عمري شفته بس من تقييمه واراء النزلاء مدحته لك مع ان الغرف صغيره وهذا في كل باريس
ليش ما دقيت علي عبدالله ويعلمك افا يا ذا العلم
انا مسافر يا بعدي ولا تلقاني مرتز بالمنتدي

oceanus
oceanus
هلا ياموج ..
الحمد لله على سلامة الوصول ..
استفسار :
انت حاجز على اي طيران من البداية ؟؟
=======
وانا مالي صورة .. علشان خاطري يعني :")

مغرور نجد
مغرور نجد
الله يوسع صدرك بالعافيه ... الانتركوت في جنيف احلى من باريس

مغرور نجد
مغرور نجد
فيصل والله انه معي في الوتسب بس ماسألني

MoOoG
MoOoG
اهلن اهلن
السلام عليكم
\
/
بكمل الاحداث .. يمكن احد يبي اساعده فيها
ثالث يوم رحت اول شي اللاديفانس ودخلنا المول وبصراحه حلو فيه ماركات ناسبتنا وشرينا منه
طلعنا وقطعت من نفس المحطه تذكرتين موبليز لزون5 لثاني يوم لدزني لاند علما ان بغيت تاخذ التكت عن طريق الماشين فما تقبل الا كريدت
المهم طلعنا ورحنا القالري لافيت والغبنه العظمه هناك طلعنا باكياس وهدايا وفعلا اغراء ولميد ادشن .. واخذت اجراءات التاكس فري
وقلت خلني اجرب وادخل بصوره الجواز .. بعدها الصينيه طلبت الجواز عشان تشوف الشنقن فيزا واعتذرت ما تقدر تكمل الاجراء
قمت قلت لها موجود ورحت جبته من المدام ومشت اموري من عندهم
بعدها رحنا ساحه الفاندوم .. وهالمنطقه احس ناسها فخمين من جد .. حتى البنوراما هناك كثير
اخذت تكسي من هناك وطلبته يوصلني لبوت نهر السين
ركبناه وكان رائع الرحلة وكل ما دخلنا النفق اللي راكبين يقولون او ههه
والناس تاشر وانت جالس ف البوت وهم ع الطريق
ويوم نور برج ايفل الكل قام قال وا
المهم ركبت الميترو اللي عند ذكرى موت الاميرة ديانا
ونزلت في جورج الخامس وتعشينا في بيتزا بينو
ورجعنا الاوتيل
اليوم قبل الاخير
كان مخصص للاوت لت وديزني لاند
رحنا وكانت الامور تمام وفطرت في باول ..
وديزني كان عرضهم رائع واشكر اخوي مغرور ع توجيهاته ووقته وطول الوقت اكلمه في الميترو خ وان مريت ع نفق
تروح الشبكه خ .. بس فعلا افادني الله يسعده
اخر يوم طلبت تاكسي من الاوتيل يوديني ع محطه قارد ليون وبداخلنا حزن ع ترك باريس
وجاني السواق وبرطم لي كلمتين فرنسي وكلمته انقلش ما رد
المهم .. اناظر بالطريق وداني الحي الاتيني فقمت قلت له ليه وديتني السانت جيرمان !!
والطريق اقصر بالانقلش ومعصب عليه
المهم رد فرنسي شوي حسيت انه خاف وقالي تتكلم عاربي ؟

# أبو نورة #
# أبو نورة #
الحمد لله على سلامة الوصول
وان شاء الله تقضون اوقات سعيده


خصم يصل إلى 25%