فينيسيا - البندقية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الـعـنـود
16-12-2022 - 09:36 pm
السلام عليكم
وعيدكم مبارك
وعوده للمنتدى بعد سنه !
مع الصديقه الاولى ~ ايطاليا ~ الجميلهميلانو - فيرونا - فينيسيا - باسكيرا + الآوت ليت

هالموضوع أول موضوع لي مافيه طلبات
ولكن قبل لا ابدا ، لازم اقول شي مهم .....
(1)هالموضوع بيكون نوع من الشكر للاخوان بالمنتدى الي فعلا ماقصروا معاي الله يعطيهم ألف عافيه
للأسف ماذكرهم بالاسم لانه خبري بالمنتدى من الصيف الي طاف ، يعذروني انشالله ومره ثانيه اقول مشكورين وماقصرتوا
فبعد هالسنه وبعد محاولاتي بالدخول للمنتدى والتغييرات الي صارت فيه من ربط الايميل بالاسم شوي حست واليوم الحمدلله وصلت ، وماقصروا معاي الدعم الفني
(2)
الموضوع بيكون من بطولة الصور أكثر من المعلومات التفصيليه
يعني فيه بالزبط 193 صوره من كامرتي العزيزه
وهذي أول زياره لي لايطاليا ومع جروب مو هيّن ومتعب فطلعت حرتي بالصور بدل المعلومات
(3)
أدري مقدمتي اشطولها
بس ماعليه تحملوني لاني خلصتها وببدا بالتقرير الحين


رحلتي الى ايطاليا
التعليقات (9)
الـعـنـود
الـعـنـود
مدة السفره 10 أيام
من 15/7/2011 إلى 25/7/2011
طبعا الرحلة كانت : الكويت-لندن-ايطاليا-لندن-الكويت
اما ايطاليا فكان نصيبها مثل ماقلت عشر ايام
سفرة الصيف هذي ، والسفر عند الاهل = السوق
وعندي انا = سياحه
بس الغلبه للاغلبيه
7 ايام سوق + 3 سياحه = ظلم ورب الكعبه
الانطلاقة كانت من مطار هيثرو / لندن
إلى مطار Linate / ميلانو
وهو المطار الاقرب للسنتر
على الخطوط الجوية الايطالية
إضغط على الصورة لتكبيرها ... أبعاد الصورة الأصلية 899x209 وحجمها 96 كيلو بايت .
الحجز عن طريق موقعهم
http://www.alitalia.com/en_en/splash-page.aspx
سعر التذكره 108 جنيه استرليني ، حوالي 40 دينار ، وسعرها كان ارخص من مكاتب السفريات
مدة الرحلة بحول ساعه وشي
للأمانه ماذكر فرق التوقيت
بس رحلتنا كانت الاقلاع 18:50
والوصول 21:45
عاد الحسبه عليكم
الطياره كانت صغيرونه بس حليوه لا باس فيها ابدا
..
وصلنا المطار وكان صغيرون لأنه خبري ماهو المطار الرئيسي عندهم
والخدمه مش ولا بد
..
من المآآآآآآآآآآآسي الي واجهتنا بعد الطلعه من المطار
التكاسي
بصراحه استقبال الطليان كان XXX
من يشوفون عددنا 7 أنفار ينحاشون !!
طيب ياعيال الحلال ترى نبي سيارتين مو وحده
ابد عمك اصمخ ، ويقولون لاخوي روح شوف السيارات الكبيره هناك
والوقت متأخر حسبي الله على ابليسهم وين نروح !!
واخوي يطق مني ومناك مسكين ، و طبعا اللغه هناك الله بالخير ، الواحد الي مايعرف انجليزي يطلع كشخه جدامهم
وبالاخير واحد من التكاسي طلع سنع ونادا لنا تكسي ثاني ، بس الثاني عسر شوي ومايرضون يحطون اكثر من جنطتين بالسياره حتى لو اكو مجال !
فصارت اغلب الجناط مع السياره الاولى
والحمدلله عدت

الـعـنـود
الـعـنـود
  1. ‎ السكن بميلانو بفندق Brunelleschi Hotel

  2. ‎ الحجز عن طريق موقع


~ MiLaNo ~
وصلنا الفندق

‎ السكن بميلانو بفندق Brunelleschi Hotel

‎ الحجز عن طريق موقع

http://www.booking.com/" target="_blank">Booking.com: 238,751 hotels worldwide. 16+ million hotel reviews.
‎ اربع نجوم ، يبعد اقل من 10 دقايق عن السنتر "الدومو"
‎ سعر الليلة للغرفه المزدوجه = € 148.5 يورو "تقريبا 60 دينار"
‎ + سرير اضافي لليله = 20 يورو " 8 دنانير"
‎ اما الغرفه المفرده = 110.5 يورو "45 دينار"
‎ شاملين الريوق
‎ غرف الفندق كانت روعه ، وسيعه وازقرت ، كنت متخوفه بس الحمدلله برّد جبدي ^^
‎ للأسف وصلت هالايطاليا وانا بقمة التعب لان صادتني فلونزا محترمه ، وماكان لي خلق عمري طول هالعشر ايام ، فماصورت شي من الفندق -- والحين منقهره ، بس النت مايقصر بتحصلون صوره ، بس اللي شفته كان احلى من الصور الموجوده بموقع بوكينج الي فعلا ظلم الفندق بالصور الي حاطها !
‎ لقيت هالصوره اليتيمه عندي لمدخل الفندق ;D
إضغط على الصورة لتكبيرها ... أبعاد الصورة الأصلية 700x393 وحجمها 62 كيلو بايت .

بالنسبه للخدمه بالفندق من ناحية الاستقبال كان زين ومو زين
بعض الايام يستلمون الرسبشن اثنين حليوين وجدا متعاونين
وبعض الايام اثنين شرار ! على اعصابهم ، ماعقلوا الا لما شخطت فيهم وتسنعوا
الريوق كان بوفيه متنوع وحلو ، وأحلى شي النوتيلا
وممكن يصعدون الريوق للغرفه مقابل 5 يورو
الانترنت بغرفتنا اشتغل يوم والباقي ماشتغل ولا عرفوا يصلحونه ، بس بغرفة خالتي كان شغال تمام طول الفتره
.
.
وصلنا لميلانو بالليل
وهذي ‎كنيسة الدومو ، ثالث أكبر كنيسه في اوربا

وأول صباحيه ايطاليه
‎الكنيسه صباحا ^^
بصراحه ، لما الواحد يمشي باتجاه السنتر يكون بشوارع وبين مباني ، لكن من يوصل للسنتر وفجأأأأأأأأأأأأأه يشوف هالكنيسه ، شعور عجيب ورهبه جدام هالمبنى

‎هذا جدار الكنيسه من الخارج !

‎الباب -- ، أظن هالتجسيدات كلها لتاريخهم !
'

‎وبما ان الحشره مع الناس عيد ، دخلنا الكنيسه يوم اليمعه لان احنا مسلمين

‎الاضاءه داخل روعه مع هالزجاج الملون والارتفاع الضخم

‎على جدار الكنيسه من الداخل ، اعتقد انه تجسيد لولادة النبي عيسى عليه السلام

الشموع والنذورات ، من باب اللقافه رحت وشبيت شمعه ، بعدين اكتشفت انها بفلوس

‎بصراحه رجال الدين عندنا لهم هيبه ، هذا مرّيت يمه ماحسيت بأي هيبه --
‎المهم الله يتقبل منه


الـُـف حـٌـرفٌـ
الـُـف حـٌـرفٌـ
اختي العنود الحمدالله على السلامه
وسلمت الأسفار
وهذا التقرير باين عليه مشوق وجميل من بدايته وساعتبره عيديه للبوابه الأيطاليه
حيث انتظرنا طويلاً عيديه معتبره خاصه بأننا تخطينا سن الأخذ بالعيديه ف شكراً تابعي وإلي الأمام
يشرفني اكون أول من يرد على التقرير سجلني من المتابعين وها قد حجزت مقعدي بالصف الأمامي
وعموما بالنسبه للشنط هذي هي القوانين في ايطاليا لكل تكسي شنطين
ننتظر البقيه يا انستي الكريمه

الـعـنـود
الـعـنـود
الُف حٌرفٌ
الله يسلمك خيي المشرف بعد سنه من العوده
وحياك الله بالصفوف الاولى
أتمنى يعجبكم وتكون فعلا عيديه لها قيمتها ، على انه المناطق محدده بايطاليا وممكن الموضوع يفتقر لبعض التفاصيل
ولكنها تجربه شخصيه بضيفها للصور واتمنى الصور تضيف شي لقسم ايطاليا وتشرح الصدور وتشجع لزيارتها دام ان العين أكثر تأثير من القراءه
اما قانون الجناط فهذي معلومه يديده ، وموخوش قانون ابدا
أنا صحيح قلت هالموضوع مافيه أسئله ، بس الحين أكو سؤال
أكو طريقه لتحميل أكثر من 5 صور بالمشاركه الوحده ؟؟
لأني سويت طريقه وحملت 10 صور على سيرفر المنتدى للمشاركه #3
ولكن للأسف ماشوف من الصور الا خمسه فقط !
وأخيرا ألف شكر لك ع التشجيع
وباذن الله مستمره بباقي التقرير

مصدرطاقة
مصدرطاقة
الحمد لله عالسلامة
وانا من المتابعين

الـُـف حـٌـرفٌـ
الـُـف حـٌـرفٌـ
العنود
اختي انا لاحظت انج ترفقين الصور والافضل انج تدرجين الصور وبالادراج يسمح لج بتنزل اكثر من 30 صوره بمشاركه وحده
وهي صوره الشجره الي بالخيارات في بدايه المشاركه
وطريقه تحميل الصور من الانترنت عن طريق العرب المسافرون وفي ايضا مواقع كثيره اخرى تقدرين تحميل الصور منها وتاخذين رابط الصوره وتدرجينه من خلال خاصيه الادراج
وبالنسبه للمشاركه الثالثه العشر صور موجوده
ننتظر البقيه

الـعـنـود
الـعـنـود
نكمل التمشي بالدومو واكتشاف الموجود فيه غير الكنيسه
‎سوق المباركيه الايطالي خ ، الجاليريا galleria
هالمكان فيه محلات تجاريه من سوق ومحل لشركة اتصالات ومطاعم وكافيهات متنوعه ، بصراحه محلات الماركات لايق مكانهم مع هالمباني الراقيه

ونفس المكان مع ‎بداية الليل الجميل ^^
على فكره ، هالساحه بالليل القعده والتمشي فيها حيل حلو ووناسه وماتخلى من الناس ، كنا نقعد تقريبا لما الوحده بالليل والوضع حلو ومريح وأهم شي أمان بالوجود الدايم للشرطه

طقنا اليوع !
ومع الحيره باختيار المطعم ، اخترنا واحد ماذكر شسمه و مادري ليش اخترناه بس يمكن الحظ له دور
وكان هذا غدانا بأول يوم بمطعم من مطاعم الدومو
وطلبنا هالتشكيله والصوره أعتقد مغريه ... وبصراحه انا من عشاق المارجريتا وكنت بلندن وحاولت كثر ماقدر اني ما آكل بيتزا لعيون بيتزا ايطاليا الاصليه
ولكن
حاشتني صدمه عاطفيه لما جربت مارجريتا ايطاليا
‎ وأأأأكل ايطاليا وبيتزا ايطاليا وباستا ايطاليا وخبونا وناطرين ومتحمسين ، اخرتها الله يزيد النعمه

Stranger Man
Stranger Man
السلام عليكم ورحمة الله وبركاته
حياج الله اختي العنود وعيدكم مبارك وتقبل الله طاعتكم وعسى الله يعوده علينا وعليكم باليمن والبركات
تقرير جميل وحقيقة افرحني عن الرائعه ايطاليا
كم كنت متشوق اني اقرا تقرير جديد واتابعه من البداية عشان يزيد حماسي له
وممكن اخطط لها عن قريب !!
سجليني متابع للتقرير
تحياتي

ام عزيـــز
ام عزيـــز
ما شاء الله ...
يعطيك العافيه عزيزتي عنود .. و بصراحه فاجأني رأيك عن طعم الاكل الايطالي
عن جد سمعت ان اطباقهم مو ذاك الزود , و فيها طعم شيء قديم , و رأيك الحين أكد الفكره ...
و بعد الكاتشب بفلوس ...!!!!
ديكوراتهم رائعه .. و مليانه قصص ..
اهنيك عالتصوير و الاخراج الجميل ..
و متابعين ..
.
.
.


خصم يصل إلى 25%