بوابة الكاميرات و معالجة الصور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
التوت الادهم
11-12-2022 - 01:12 am
صباح الخير يا اخوان انا عندي استفسارين
الاول : اذا صورت فديو ما يطول التصوير تجلس تصور الكاميرا بحدود اربع دقائق و يتوقف التصوير ما ادري عن السبب هل هو راجع لضبط الاعدادات علمآ اني تفحصت الاعدادات بس ما تبين لي شي يحدد مده التصوير او هل السبب راجع للذاكره المستخدمه (( ارجو من الاخوه اللي عنده شرح لبطاقات الذاكره يفيدنا ))
الاستفسار الثاني : انا خربطت باعدادات الكاميرا و صارت الصور اللي يكون فيها اضاءه تبداء تومض مره بلون ابيض و مره اخرى بلون اسود يا ليت تفيدوني و تشروحون لي وش انا مهبب


التعليقات (9)
التوت الادهم
التوت الادهم
السفره قربت و الشباب ما لهم تعليقات !!!!

هدوء العالم
هدوء العالم
أخونا التوت الادهم
أتوقع المشكلة من خلال المومري يخلي الفيديو يتقطع
والحل مومري كلاس 10 حرف صارت مثلي وطلع المشكلة بالمومري
وهذي الصورة

والصور تقول مرات تطلع بيضة ومرات مظلمة
إن شاءالله الكاميرا مافيها شئ
بس هذي الإعدادات مو مناسبة للقطة
دام أنك على سفر صور أحسن شئ بصيغة P
تتحكم بالإيزو والكاميرا تتحكم بفتحة العدسة و سرعة الشتر
بالنهار تخلي الإيزو 100 ,, 200
وفي المساء الحد الأعلى 400
هذي طريقتي بعض المرات مايكون عندنا متسع من الوقت لنغير الإعدادات
وهذا موضوع تجمع كاميرتنا D60
إن شاءالله يساعدك أكثر مني https://artravelers.com/p/re/669161

التوت الادهم
التوت الادهم
هدوء العالم بداية اشكرك على مرورك و تعليقك
انا اقصد بالصور مره تطلع بيضاء و مره سوداء انها تبدأ تومض ومو كل الصوره تومض بس اماكن معينه من الصوره تقريبا الاشياء شديدة البياض والباقي طبيعي انا فاهم مسأله فتحه العدسه و سرعه الشتر (انا لعبت بالاعدادات من باب التجربه و صارت الاشياء البيضاء تومض و لا عرفت ارجع الاعدادات مثل ما كانت )

هدوء العالم
هدوء العالم
بصراحة ما أعرف
وأنصحك بأستشارة الموجودين الحين بالمنتدى بصفة يوميا
برسالة خاصة
مشرف الجزر f.a.h.d
هو أخبر منى
وبعد
خالد الدشتي
مميز الصور والكاميرات
إن شاءالله يفيدون أكثر

بو Nasser
بو Nasser
السلام عليكم ورحمة الله
ما ادري اذا كنت تتكلم عن نقاط التركيز اللي في الصور أو لا

على كل حال اذا المسألة تغيير في الاعدادات، يمكن اعادة ضبط اعدادات الكاميرا لحالة المصنع، يعني مثل ما شريتها اول مرة
1- اختر وضع Av أو P أو M أو S
2- من اعدادات الكاميرا اختر clear all camera settings مثل الصورة التالية

3- اضغط set وبيرجع كل شي لحالة المصنع
وعندك الفيديو يوضح اكثر
موفق ان شاء الله

التوت الادهم
التوت الادهم
الله يعطيم العافيه يا شباب ما قصرتوا

F.A.H.D
F.A.H.D
لا امتلك ال 60 دي ولكن النقطة الثانية اللي تقول عليها مجرد خاصية تظهرك مناطق التعريض الزائد والناقص في الصورة..على اساس انك اذا مثلاً ما منت متنبه لمستويات التعريض في الصورة تقدر تشوف الخلل في الصورة وتنتبه لمناطق التعريض لما تلقط الصورة الجاية..لو نزلت الصور ما راح تشوف فيها لا ابيض ولا اسود فقط وتكون الصور طبيعية مجرد خاصية في الكاميرا..لكن بصراحة ما تحضرني طريقة تعطيل وتشغيل هذه الخاصية وكاميرتي ماهي حولي..

التوت الادهم
التوت الادهم
الله يعطيك العافيه استاذ فهد على المعلومه القيمه لكن بخصوص بطاقه الذاكره انا حصلت شرح لخصائصهم و انواعهم لكن ما ابي اشتري شي و انا مو متاكد منه اتمنى و لا عليك امر تشور علي بنوع اشتريه و يكون سعته كبيره و سريع
حقيقه انا ما افهم فيهم كثير بترك هالمسأله لك

F.A.H.D
F.A.H.D
شخصياً استعمل هذه النوعية وقد ناسبتني:

وبالنسبة للسعة فنصيحتي لك بالا تضع البيض كله في سلة واحدة.


خصم يصل إلى 25%